多哥斯·麦阔瑟(英文：Douglas MacArthur，1880年1月26号－1964年4月5号），美国20世纪上半期有名个海外军头，将领。1944年加封五星上将，1945年接管投降个日本并对日本进行改造，基本奠定后势来几十年日本个国体。1950年代初，直接指挥韩国战争当中联军个反攻，策划仁川登陆，并拿金日成吞并韩国个梦想粉碎。弗过，因为伊个进攻性，让美国华盛顿官僚担心伊会自家弗听号令进攻中国，引发第三次世界大战。所以之后畀撤职。但伊个形象立在东亚地区影响已经定型，基本成为美国维护东亚自己势力范围，对抗共产主义个人格代表哉。