辑里丝，本名七里丝，中国出名个桑蚕丝品牌，原产地浙江省湖州市南浔区南浔镇南郊七里雪荡河附近个七里村^[1]。

因为雪荡河河水清爽，有利缫丝，村里向又勒拉明朝万历年间培育出优良蚕种——“莲心种”，缫出来个丝“细、圆、匀、坚、白、净、柔、韧”，故咾伊质量邪气好，勒拉明代已经是知名品牌哉^[2]。上海开埠以後，辑里丝每年个出口量达到3000多包^[3]。直到1930年代，辑里丝才因为比弗过机器缫丝（厂丝）而衰落。1937年淞沪会战以後，桑树畀人全部斩脱，辑里丝从此基本消失。