朝宗门，又叫大东门，是上海明清时期个一座城门，勒拉上海老城厢东面，今朝个上海市黄浦区中华路复兴东路路口西面。

明嘉靖三十二年，为咾防备倭寇入侵，修上海城墙，朝宗门是伊个辰光开个6座城门之一。其南面个肇嘉浜上设有一座水门，方便水路进出黄浦江。水门搭仔城门是同时造好个^[1]。朝宗门里向本来是大东门大街，门外本来是大码头街，好通到黄浦江边浪个码头，一向是上海老城商业兴盛个地方。

1912年（民国元年），上海拆城墙，朝宗门被拆脱，护城河被填脱，改成中华路搭人民路，通行有轨电车，大东门变成功地名搭仔电车站名。