奎元馆是杭州城里向一爿有名气个面店，也是江南老字号之一。大约摸来清朝同治六年个辰光开张，顶前头个老板喔起来是个安徽佬儿，名字老早没见了的嘞。老地址来搭鼓楼望仙桥该只角落头。

来搭民国个辰光，莫佬佬名气蛮大的人物都特为来箇搭吃饭，蔡廷锴、蒋经国、李济深、陈叔通、梅兰芳、竺可桢、盖叫天、金庸、董建华统统来搭箇搭吃得交关落胃。国民党的蔡廷锴卯欢喜箇爿店面，就徕拉箇搭题了四个字儿“东南独创”直到箇卯还徠动，门楣高头的奎元馆三个大字呢，是沙孟海先生题写的。金庸先生么亦是三顾奎元馆，徕拉箇搭留落个佳话。

箇爿店面主要是靠面条出名的，零零总总约莫有150种各色各样的面条。比方说春笋步鱼面、虾黄面、蟹黄面、羊肉大面，而且箇四样菜数，亦同四季春夏秋冬对应牢的。