吳淞口，爲黃浦江入長江之口^[1]，勒拉東亞上海市寶山區吳淞街道搭浦東新區高橋鎮当中^[1][2]，寬約800米^[1]，長約1.8公里^[2]。宋時原系吳淞江入長江之一口，遂名吳淞口^[1]。明永樂二年（1404年）^[1][3]，夏原吉^[3]開浚範家浜，引大黃浦由吳淞江出海^[1][3]。正德十年（1515年），引吳淞江入宋家浜。隆慶三年（1569年），海瑞疏浚宋家浜，引吳淞江至黃浦，吳淞江遂成爲黃浦个支流，吳淞江出口段搭大黃浦、范家浜連爲一體^[3]，最終成爲黃浦江个出口^[1]，但仍沿稱吳淞口^[1][3]。經歷年疏浚，乃朝漲潮个辰光吳淞口航道維護水深爲－8米^[1][2]，一經爲上海港船舶進出長江口个咽喉門戶^[2]，輪船由前後引導燈樁引經吳淞口進港航道即可駛入上海港^[4]。吳淞口由上海海事局吳淞交通管制中心下屬个吳淞海事局管轄^[5]。

清同治元年（1862年），吳淞口設置指示潮位个標杆，爲船隻助航^[1]。光緒十六年（1890年），上海海關勒黃浦江張華浜設置水尺，由人工觀測水位，始有潮位紀錄。民國元年（1912年）1月，浚浦局勒吳淞口炮臺灣設立^[6][7]島式^[8][9]自記水位站，設有潮球一座，指示水深^[6]。

民國22年（1933年）搭民國32年（1943年）^[6]，先後裝有“圓盤潮汐指示儀”^[10]，指示潮汐水位變化^[6]，告咾水位站也叫作吳淞炮臺灣潮汐指示儀，具備記錄與顯示雙重功能^[10]。“圓盤潮汐指示儀”初期勒拉夜到採用電燈照明，後首來改成功白顏色霓虹燈^[10]。

1962年，拆脫白色霓虹燈裝上航標燈作爲燈樁使用。1981年，水位站受8114號強颱風襲擊而損毀脫^[10]。1985年，勒原水位站東側10米處重建一座水位站搭自動顯示个水位鐘，隔手勒拉1986年2月投入使用^[6]至今^[10]。

清同治四年（1865年），勒吳淞口西岸个一座洋式矮屋內點燃油燈指示船隻進入吳淞口航道。同治十一年（1872年），始建吳淞燈塔，替代洋式矮屋內个油燈^[1][7]，爲船隻導航^[11]。宣統二年（1910年），勒吳淞左導堤終端設置躉船，夜裏向點燈作爲航標^[12][13][14]。民國17年（1928年）7月^[13][14]，拆脫躉船^[14]，勒吳淞左導堤終端設置固定河塘燈樁^[12][13]，重20餘噸，日夜發光^[13][14]。

1988年，上海海事局對河塘燈樁進行改造重建，改樁身爲圓錐形鐵筒，並擔名字改成功吳淞口燈塔^[14]。1999年12月29日，改造重建吳淞口燈塔。樁身爲白色圓柱形鋼筋混凝土，塔高20.1米，燈高17.4米，射程達13海裡，閃白5秒一次，裝有雷達應答器，無人值守^[12][14]。

清宣統二年（1910年）三月完工^[13][14]，總造價爲202萬兩關平銀^[13]。石梗位於黃浦江河口西岸个終端搭長江南岸接壤處，以吳淞海軍碼頭向外213米與吳淞炮臺圍牆外152米交點爲起點，向外延伸成微彎形，半徑2.4公里，全長1395米^[13]。石梗建成後，宣統三年（1911年），又勒吳淞口東岸建成長1500米个^[7]右順壩^[2][15]，形成喇叭口，引導潮汐主流沖刷河口淺灘，增大進潮量^[13]，擔吳淞外沙暗沙刷深^[13][15]。

1957年，對石梗進行局部整修。1958年始，勒石梗堤腳邊拋泥，勒石梗外拋石，以護坡腳。1965年初至1966年底，又對石梗實施沉排護底、拋石護坡、修補堤面等工程，增設石梗燈樁3座^[14]。

• 黃浦奪淞