Pol discramiaedje des årtikes avou l' mot « scourlot », loukîz cial.

On dzi ou colevrot ou scourlot^[1], c' est come ene pitite coloûte ki vike dizo les pires.

Sincieus no d' l' indje : Anguis fragilis

Dins ene grande sitindêye di l' Urope. Nén e l' Nonne di l' Espagne ni del Grece; ni dins les iyes del Mîtrinne Mer ni d' l' Atlantike (mins end a e l' Inglutere).

Coleur : brune

Les måyes sont 30 a 40 cm longs. Les frumeles muzurnut 50 cm.

Come les cwarpeces, si longowe cawe si skete åjheymint.

Li colevrot hante les setchès plaeces, les fagnes, les paxhis, les djårdéns, les håyes, les bwès.

• 
  dins on corti
• 
  dins l' bwès

I passe l' ivier e s' metant a rcoe a pårti d' octôbe disk' al difén di fevrî.^[2]

I magne des lumçons, des viers et des insekes.

I n' a nou velin. Dabôrd, i n' såreut fé do må a ene djin, apus k' fé sogne ås schitåds.

• 
• 
  i n' plèt må d' hagnî les djins

Li nierveusté del biesse a dné s' no a ene marke di moto k' esteut montêye el Walonreye: li moto Guzzi.

Les Colevrots, c' est l' såvadje no des dmorants di Doûpe.

I gn a so les cmons Wikipedia des imådjes ou fitchîs son a vey avou l' dizi .

1. ↑ Ossu: boigne vier, cawé vier, colouvrea, colourdea, anweye di håye; po les accints, loukîz al notule ALW 8 97.
2. ↑ S. Quertinmont ancyinne waibe so les biesses.