Verei
Верея

Lidnanznam	Flag
Valdkund	Venäma
Eläjiden lugu (2023)	4,937 ristitud
Pind	5 km²
Telefonkod	+7−49 634-x-xx-xx
Avtokod	50, 90, 150, 190, 750
Aigvö	UTC+3 (MSK+0)

Verei (ven.: Верея́) om Venäman lidn Moskvan agjan suvipäivlaskmas. Mülüb Naro-Fominskan lidnümbrikho (edel vn 2017 kezakud oli rajonaks), sen i agjan kaikiš penemb lidn, lidnümbrikon videnz' surtte eländpunkt i koumanz' surtte lidn.

Eländpunkt mainitase ezmäižen kerdan vl 1371. Oli Verejan ruhtinazkundan keskuseks vll 1432−1486, sid' oli alištunu Moskvan tobmudele. Amuižen Kremlin jändused oma kaičenus Verejas paloin. Šingotihe torguindal 18. voz'sadal. Verei sai makundan lidnan statusad vl 1781. Vn 1812 Tatanmaižen sodan lopus francijalaižed poltiba lidnad. Vll 1929−1959 oli Verejan rajonan keskuseks. Toižen mail'man sodan aigan lidn oli okkupiruidud nacistoil (18. reduku 1941 — 19. viluku 1942).

Verei šingotase kahtel mehanižel tegimel^[1] (kompressorstancijad, kompressorad, lämudenvajehtimed, gazanpuhtastandmašiništ), valdkundaližen simvolikan «BIAR»-kompanijal, turizmal (istorine pertišt, kafed, pansionat), Moskvan agjan mecan valdkundaližel edheotandal i pumaterialiden pästandal, mugažo omblendedheotand i jüguavtotransportan edheotand ratas lidnas. 1930-nzil vozil oliba maploduiden kuvateztegim, maidtegim i savičuntegim.

Lidn sijadase lidnümbrikon päivlaskmas, Protv-jogen üläjoksmusen oiktal randal tobjimalaz (ven.: Протва 282 km pitte, Okan hura ližajogi), 190 m ü.m.t. keskmäižel korktusel.

Matkad Moskvhasai om 95 km pohjoižpäivnouzmha. Lähembaižed lidnad oma Možaisk (raudtestancii) 19 km lodeheze-pohjoižhe orhal vai 23 km avtotel, lidnümbrikon Naro-Fominsk-keskuz 35 km päivnouzmha orhal vai 45 km avtotedme, Uden Moskvan röun 45 km päivnouzmha orhal, Borovsk (Kalugan agj) 25 km suvipäivnouzmha orhal vai 45 km avtotedme.

Vl 1856 lidnan ristitišt oli 5 300 eläjad, vl 1939 — 4 856 eläjad. Vn 2010 Venäman rahvahanlugemižen mödhe lidnan eläjiden lugu oli 5 368 ristutud, rajonan (nüg. lidnümbrik) koume procentad, vn 2021 — 4 906 ristitud. Kaik 5 123 eläjad oli lidnas vl 2017. Kaikiš suremb lidnan ristitišt oli enamba kut tuhad eläjid vll 1959−1979 (6 413 rist. vl 1959).

Rahvahad (2010): venälaižed — 94,3 %, ukrainalaižed — 1,5 %, toižed rahvahad — 4,2 %.

Ortodoksižen hristanuskondan üks'toštkümne pühäpertid^[2] oma kaičenus i saudud lidnas: Spasan jumalankodikund jumalanpertinke, Sündun Raštvoiden päjumalanpert' (udessündutadas), viž jumalanpertid i nell' časounäd, niiden kesken üks' jumalanpert' om vanhuskolaižiden.

Professionaližen opendusen aluzkundad ratas lähembaižiš lidnoiš.

• 
  Torguindrived vl 2014
• 
  Ph. Illä-endustajan jumalanpert', vn 2013 nägu
• 
  Verejan mehanine tegim vl 2021
• 
  Kodirandantedištandmuzei torgul (2011), om saudud vl 1788 kuti lidnan škol
• 
  Lapsiden poliklinik (2021)
• 
  Verejan avtostancii vl 2021

1. ↑ Verejan mehanižen tegimen sait (vermeh.ru). (ven.)
2. ↑ Verejan pühäpertid sobory.ru-saital. (ven.)

• Lidnümbrikon tobmuden aluzkundoiden sait (nfreg.ru). (ven.)
• Lidnan informacine sait (vereya.su). (ven.)

Verei Vikiaitas