Pavlovsk (Voronežan agj)
Lidnanznam
|
Flag
|
| Valdkund | Venäma |
| Eläjiden lugu (2021) | 22,384 ristitud |
| Pind | 8,22 km² |
| |
| Pämez' | Väčeslav Ščerbakov (sügüz'ku 2013—, Вячеслав Щербаков) |
| Telefonkod | +7−47 362-xx-xxx |
| Avtokod | 36, 136 |
| Aigvö | UTC+3 (MSK+0) |
Sil sanal voib olda toižid znamoičendoid; miše nähta niid, tulgat tänna.
Pavlovsk (ven.: Па́вловск) om Venäman lidn da lidnankund Voronežan agjan suvipalas. Se om Pavlovskan rajonan administrativine keskuz da pala.
Istorii
[vajehta | vajehtada lähtetekst]Kuldaižen ordan endevanh lidneihut sijadase kahtes kilometras Pavlovskaspäi, ei olend kaivandusid. Nügüdläižen eländpunktan aluz om pandud vl 1709 Petr I-carin käskön mödhe kuti sodaverf' da Osered-lidnuz, ottud plenha ročilaižed saudihe niid. Sai lidnan statusad nügüdläiženke nimitusenke vl 1711, makundan lidnan statusad — vl 1779. Paloi läz täuzin nellän lämoipalon tagut 18. voz'sadan lopus.
Pavlovsk šingotase laivansauvomižen tegimel, sauvondmaterialiden pästandal (ozrikkiven samine i šebnän tehmine, kaks' asfal'ttegint) i sömtegimištol (pühävoitegim, leibtegim), mugažo sötken živatoiden täht tegim radab lidnas.
Geografijan andmused
[vajehta | vajehtada lähtetekst]Lidn sijadase rajonan päivlaskmaižel röunal, Don-jogen hural randal, 83 m ü.m.t. keskmäižel korktusel. Osered'-jogi (ven.: Осередь / Осеред 89 km pitte) lankteb Donha huralpäi lidnan päivlaskmas. Matkad Voronežhasai om 149 km lodeheze-pohjoižhe orhal, 164 km «Don»-avtotrassal vai 280 km raudtel. Lähembaižed lidnad oma Buturlinovk 52 km pohjoižpäivnouzmha orhal, 56 km avtotedme vai 59 km raudtedme, Kalač 62 km päivnouzmha orhal, 66 km avtotedme vai 113 raudtedme, i Rossoš 49 km suvipäivlaskmha orhal, 75 km avtotedme vai 290 km raudtedme. Pavlovsk-Voronežskii-raudtestancii om sarakon Buturlinovkaspäi lopstancijaks, om olmas vspäi 1976, radab vaiše jüguiden täht vides kilometras suvipäivnouzmha lidnaspäi. «Don»-avtoten (M4-trassan) ümbärte om sauvomas lidnan päivnouzmaspäi.
Pavlovsk om lidnankundan üks'jäižeks eländpunktaks. Lidnankundan pind — 61,62 km², pertišton — 8,22 km².
Eläjad
[vajehta | vajehtada lähtetekst]Vl 1939 lidnan ristitišt oli 11 100 eläjad. Vn 2010 Venäman rahvahanlugemižen mödhe lidnan eläjiden lugu oli 25 126 ristitud, rajonan nell' ühesandest. Kaik 25 047 eläjad oli lidnas vl 2017. Kaikiš suremb lidnan ristitišt oli 25..26 tuhad eläjid vll 1989−2017 (26 800 rist. vll 2000−2001).
Rahvahad (2010): venälaižed — 97,9 %, ukrainalaižed — 1,2 %, toižed rahvahad — 0,9 %.
Ortodoksižen hristanuskondan viž pühäpertid[1] oma kaičenus i saudud lidnas: Spasan Toižetamižen päjumalanpert', koume jumalanpertid, kodijumalanpert'. Niiden ližaks üks' jumalanpert' ei ole kaičenus.
Pavlovskan tehnikum[2] i Gubernijan pedagogižen kolledžan Pavlovskan filial[3] oma lidnan professionaližen opendusen aluzkundoikš.
Galerei
[vajehta | vajehtada lähtetekst]-
Don-jogi Pavlovskas (2006) -
Jumalanmaman Kazanin jumalaižen jumalanpert', vn 2016 nägu -
Maižanduztehnikuman sauvuz vl 2011 (ende hengeline škol) -
Pedagogižen kolledžan pert' (2011) -
Kul'turkeskuz vl 2016
Homaičendad
[vajehta | vajehtada lähtetekst]- ↑ Pavlovskan pühäpertid sobory.ru-saital. (ven.)
- ↑ Pavlovskan tehnikuman sait (pt36.obrvrn.ru). (ven.)
- ↑ Pavlovskan filial Gubernijan pedagogižen kolledžan gpk36.obrvrn.ru-saital. (ven.)
Irdkosketused
[vajehta | vajehtada lähtetekst] |
Pavlovsk (Voronežan agj) Vikiaitas |
| Voronežan agjan lidnad | ||
| Bobrov | Bogučar | Borisoglebsk | Buturlinovk | Ertil' | Kalač | Liski | Novohopörsk | Novovoronež | Ostrogožsk | Pavlovsk | Povorino | Rossoš | Semiluki | Voronež | ||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
