Frunzen rajon (ven.: Фрунзенский район) om rajon Piterin keskuzpalas i suvipäivnouzmas.

Rajonan istorine keskuz om Kupčino. Frunzen rajon om sätud vn 1936 9. päiväl sulakud tühjitadud Keskuzrajonan i Smol'ninskii-rajonan paloišpäi, nimitihe Mihail Frunze-sodapämehen kanzannimen mödhe. Om olmas nügüdläižiš röunoiš vspäi 1961, ližatihe Moskvan rajonan palad.

Rajonan pind om 37,47 nellikkilometrad. Se om läz 11 km pitte i nell'hä kilometrhasai levette. Om ümbärtud Piterin toižil rajonil kaikiš polišpäi:

• Admiralteiskii rajon sijadase lodehes,
• Keskuzrajon om pohjoižes,
• Nevan rajon levineb päivnouzmas,
• Kolpinon rajon suvipäivnouzmas,
• Puškinan rajon suves,
• Moskvan rajon om päivlaskmas.

Seičeme metrostancijad kahtel jonol ratas rajonan territorijal.

Frunzen rajon jagase kudeks ümbrikoks (ende nomerad 71..76): Volkovskoje, nomer 72, Kupčino, Georgijevskii, Aleksandrovskii, Balkanskii.

Vn 2010 Venäman rahvahanlugemižen mödhe eläjiden lugu oli 401 779 ristitud. Kaikiš suremb rajonan ristitišt oli 407 570 eläjad vl 2015. Kaik 383 799 ristitud eliba rajonas vl 2022.

Rajonan administracijan pämez' om Konstantin Serov vn 2019 uhokuspäi.

• 
  Rajonan tobmuden sauvuz ümbrikos nomer 72 i Uden voden kuz' sen kohtas (2007)
• 
  Ph. Jurgii-vägestusenkandajan jumalanpert' puištos, vn 2021 nägu
• 
  Suvine LEK vl 2019
• 
  Norišton keskuz (2015)
• 
  Piter-Tovarnii-Vitebskii-raudtestancijan konteinerpark vl 2022

• Frunzen rajonan lehtpoled Piterin tobmuden portalal (gov.spb.ru). (ven.) (angl.)
• Frunzen rajonan uzištused (frunznews.ru). (ven.)

L • D • R Piter
Rajonad:	Admiralteiskii | Frunzen | Kalininan | Keskuzrajon | Kirovan | Kolpinon | Krasnogvardeiskii | Krasnosel'skii | Kronštadtan | Kurortan | Merenrandaine | Moskvan | Nevan | Petrodvorecan | Petrogradan | Puškinan | Vasileostrovskii | Viipurin
Lidnad:	Kolpino | Krasnoje Selo | Kronštadt | Lomonosov | Pavlovsk | Petergof | Puškin | Sestroreck | Zelenogorsk