Admiralteiskii rajon
Admiralteiskii rajon (ven.: Адмиралтейский район) om administrativine rajon Piterin keskuzpalas. Sijadase Nevan hural randal.
Istorii
[vajehta | vajehtada lähtetekst]Rajon om sätud vn 1994 11. päiväl keväz'kud Leninskii- (oli vspäi 1936) i Oktäbr'skii-rajoniden ühtištusel. Niiden rajoniden erigoittud käskuzkundad ratas tähäsai.
Geografijan andmused
[vajehta | vajehtada lähtetekst]Admiralteiskii-rajonan pind om 13,82 km².
Röunatab lidnan nenidenke rajonidenke:
- Keskuzrajon sijadase pohjoižpäivnouzmas,
- Frunzen rajon levigandeb suvipäivnouzmas,
- Moskvan rajon levitase suves,
- Kirovan rajon om suvipäivlaskmas,
- Vasileostrovskii rajon om lodehes.
Rajon jagase kudeks nimitadud municipaližeks ümbrikoks (ende nomerad 1..6): Kolomn (ven.: Коломна), Sennoi, Admiralteiskii, Semönovskii, Izmailovskoje, Jekateringofskii.
Ühesa metrostancijad nelläl jonol ratas rajonas, no ühtennimine Admiralteiskai-metrostancii sijadase lähižes Keskuzližes rajonas. Baltiiskii- i Vitebskii-päraudtestancijad oma Admiralteiskii-rajonan territorijal.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe eläjiden lugu oli 157 897 ristitud. Kaik 158 253 ristitud elihe rajonas vl 2021. Vl 2002 rajonan ristitišt oli 187 837 eläjad.
Rajonan administracijan pämez' om Sergei Overčuk vn 2020 redukuspäi. Edeline administracijan pämez' om Svetlana Štukova (tal'vku 2014 — sügüz'ku 2020).
Galerei
[vajehta | vajehtada lähtetekst]-
Rajonan tobmuden sauvuz Izmailovskoje-ümbrikos (2015) -
Pühän Stroican Izmailovskojen päjumalanpert', vn 2017 nägu -
Rubin-konstruktorbüro vl 2017 (laivansauvomine) -
Piterin valdkundaline tehnologine institut (tehnologine universitet, 2017) -
Baltiiskii-vagzal (Piter-Baltiiskii-päraudtestancii) vl 2007
.jpg)
Irdkosketused
[vajehta | vajehtada lähtetekst]- Admiralteiskii-rajonan lehtpoled Piterin tobmuden portalal (gov.spb.ru). (ven.) (angl.)
- Admiralteiskii-rajonan uzištused (admnews.ru). (ven.)
Piter |
||
|---|---|---|
| Rajonad: |
Admiralteiskii | Frunzen | Kalininan | Keskuzrajon | Kirovan | Kolpinon | Krasnogvardeiskii | Krasnosel'skii | Kronštadtan | Kurortan | Merenrandaine | Moskvan | Nevan | Petrodvorecan | Petrogradan | Puškinan | Vasileostrovskii | Viipurin |  |
| Lidnad: |
Kolpino | Krasnoje Selo | Kronštadt | Lomonosov | Pavlovsk | Petergof | Puškin | Sestroreck | Zelenogorsk | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
