Drento al storico movimento internasional Marxista-Leninista, l'antirevixionismo^[1] xe chela ideoloxia che favorise la condivixion de la pulitega de Iosif Stalin, Mao Tse-tung e Enver Hoxha.

I antirevixionisti i xe convinti so sta idea, parché dai ani 20 ai ani 50 del XIX secoło, Stalin jera drio dirixare ben l'Union Soviètega, doparando le idee de Marx, Engels e Lenin, rivando a un grando taso de cresita economega.

I antirevixionisti i dixe che se l'Union Soviètega gavese continuà par sta strada cuà, la saria sta in grado de metare in pie on Comunismo florido, invese, le revixion sucesive le ga portà a la distrusion dei ecuilibri de l'Union Soviètega e de tuti i paexi aleadi.

El antrevixionismo se opone al trotskismo. I opoxidori de l'antirevixionismo i dixe che le puliteghe de Stalin e Mao le xe stae la dexenerasion de la dotrina comunista, che i ga scancelà le libartà sivili de le clasi laoratrisi. A l'estero, el conportamento antirevixionista inte i confronti de Stalin, l'è anca ciamà neostałinismo.