فیصل مسجد
Shah Faisal Masjid فیصل مسجد
فیصل مسجد بحیثیت قومی مسجد، پاکستان
نقشہ پاکستان میں فیصل مسجد کا مقام
بنیادی معلومات
متناسقات	33°43′48″N 73°02′18″E / 33.729944°N 73.038436°E / 33.729944; 73.038436
مذہبی انتساب	سنی اسلام
ملک	پاکستان
تعمیراتی تفصیلات
معمار	ویدات دالوکے
نوعیتِ تعمیر	مسجد
طرز تعمیر	جدید اسلامی طرز تعمیر
تاریخ تاسیس	12 اکتوبر 1976ء
سنہ تکمیل	2 جون 1986ء
تعمیری لاگت	120 ملین امریکی ڈالر
تفصیلات
گنجائش	300,000
اندرونی خطہ	51,984 مربع فٹ
گنبد کی اونچائی (خارجی)	150 فٹ
گنبد کی اونچائی (داخلی)	134 فٹ
مینار	4
مینار کی بلندی	286 فٹ
مواد	سنگ مرمر

فیصل مسجد ^[1] پاکستان کے دار الحکومت اسلام آباد میں قائم ایک عظیم الشان مسجدہے جسے جنوبی ایشیا کی سب سے بڑی مسجد ہونے کا اعزاز حاصل ہے۔ یہ عظیم مسجد اپنے انوکھے طرز تعمیر کے باعث تمام مسلم دنیا میں معروف ہے۔ مسجد کا سنگ بنیاد شوال 1396ھ/ اکتوبر 1976ء کو رکھا گیا اور تکمیل 1987ء میں ہوئی۔مذہبی اور تاریخی اعتبار سے یہ خراسانی اور سندھی تہذیبوں کا سنگم ہے۔^[2]

شاہ فیصل مسجد کی تعمیر کی تحریک سعودی فرمانروا شاہ فیصل بن عبدالعزیز نے 1966 کے اپنے دورہ اسلام آباد میں دی۔ 1969 میں ایک بین الاقوامی مقابلہ منعقد کرایا گیا جس میں 17 ممالک کے 43 ماہر فن تعمیر نے اپنے نمونے پیش کیے۔ چار روزہ مباحثہ کے بعد ترکی کے ویدت دالوکے کا پیش کردہ نمونہ منتخب کیا گیا۔ پہلے پہل نمونے کو روایتی مسجدی محرابوں اور گنبدوں سے مختلف ہونے کی وجہ سے تنقید کا سامنا کرنا پڑا۔ لیکن مارگلہ کی پہاڑیوں کے دامن میں مسجد کی خوبصورت تعمیر نے تمام نقادوں کی زبان گنگ کر دی۔

سعودی حکومت کی مدد سے دس لاکھ سعودی ریال (کم و بیش ایک کروڑ بیس لاکھ امریکی ڈالر) کی لاگت سے 1976 میں مسجد کی تعمیر کا آغاز کیا گیا۔ تعمیری اخراجات میں بڑا حصہ دینے پر مسجد اور کراچی کی اہم ترین شاہراہ 1975ء میں شاہ فیصل کی وفات کے بعد ان کے نام سے موسوم کردی گئی۔ تعمیراتی کام 1986ء میں مکمل ہوا اور احاطہ میں بین الاقوامی اسلامی یونیورسٹی بنائی گئی۔ سابق صدر پاکستان جنرل محمد ضیاء الحق کے مزار کی چھوٹی سی عمارت مسجد کے مرکزی دروازے کے قریب واقع ہے۔

مسجد 5000 مربع میٹر پر محیط ہے اور بیرونی احاطہ کو شامل کرکے اس میں بیک وقت میں300,000 نمازیوں کی گنجائش ہے۔ یہ دنیا کی بڑی مساجد میں سے ایک اور برصغیر کی سب سے بڑی مسجد ہے۔ فن تعمیر جدید ہے، لیکن ساتھ ہی روایتی عربی فن تعمیر کی نمائندگی کرتا ہے جو ایک بڑا تکونی خیمے اور چار میناروں پر مشتمل ہے۔ روایتی مسجدی نمونوں سے مختلف اس میں کوئی گنبد نہیں ہے اور ایک خیمہ کی طرح مرکزی عبادت گاہ کو چار میناروں سے سہارا دیا گیا ہے۔ مینار ترکی فن تعمیر کے عکاس ہیں جو عام مینار کے مقابلے میں باریک ہیں۔ مسجد کے اندر مرکز میں ایک بڑا برقی فانوس نسب ہے اور مشہور زمانہ پاکستانی خطاط صادقین نے دیواروں پر پچی کاری کے ذریعے قرآنی آیات تحریر کی ہیں جو فن خطاطی کا عظیم شاہکار ہیں۔ پچی کاری مغربی دیوار سے شروع ہوتی ہے جہاں خط کوفی میں کلمہ لکھا گیا ہے۔

مسجد کا فن تعمیر عرصہ دراز سے ہونے والے جنوب ایشیائی مسلم فن تعمیر سے مختلف ہے اور کئی انداز میں روایتی عربی، ترکی اور ہندی طرز تعمیر کا امتزاج ظاہر کرتا ہے۔

مسجد شاہراہ اسلام آباد کے اختتام پر واقع ہے، جو شہر کے آخری سرے پر مارگلہ کی پہاڑیوں کے دامن میں ایک خوبصورت منظر دیتی ہے۔ یہ اسلام آباد کے لیے ایک مرکز اور شہر کی سب سے مشہور پہچان ہے۔

تصویر کی تفصیلات کے لیے تصویر پر جائیں۔

• 
• 
• 
  پورٹ ریٹ
• 
  فضائی منظر
• 
  مسجد اور برف سے ڈھکا پہاڑ
• 
  فضآئی نظارہ
• 
  During 27 رمضان کو مسجد کا دیدہ زیب نظارہ
• 
• 
  From دمن کوہ
• 
  غروب شمس سے قبل کا نظارہ
• 
  رات میں دوران میں نماز مسجد کا منظر

ویکی ذخائر پر فیصل مسجد سے متعلق سمعی و بصری مواد ملاحظہ کریں۔

د ب ت پاکستان میں مساجد
گلگت بلتستان	مسجد امبوڑک شگر مسجد چقچن خانقاہ معلیٰ نوربخشیہ خپلو
اسلام آباد وفاقی دارالحکومت علاقہ	فیصل مسجد لال مسجد مسجد سلمان بن عبدالعزیز
خیبر پختونخوا	الیاسی مسجد مسجد مہابت خان Mahmud Ghaznavi Mosque مسجد قاسم علی خان Rajgan Mosque Shahi Mosque
پنجاب، پاکستان	Abbasi Mosque الصادق مسجد، بھاولپور بادشاہی مسجد مریم الزمانی بیگم شاہی مسجد بھونگ مسجد دائی انگہ مسجد داتا دربار گرینڈ جامع مسجد مرکزی جامع مسجد، راولپنڈی موتی مسجد نیویں مسجد اونچی مسجد رائے ونڈ مرکز صالح کمبوہ مسجد مسجد شب بھر مسجد شہید گنج شاہی عید گاہ مسجد Shahi Mosque سنہری مسجد، لاہور مسجد وزیر خان Masjid Eid Gah
سندھ	Baitul Mukarram Mosque گرینڈ جامع مسجد، کراچی درگاہ اللہ آباد Jamia Mosque Khudabad مدینہ مسجد مسجد منزل گاہ مسجد طوبیٰ نیو میمن مسجد شاہجہاں مسجد، ٹھٹہ
زمرہ:پاکستان کی مساجد پاکستان میں اسلام زمرہ:مساجد بلحاظ ملک