باغی (Baghi)
ہدایت کار	اشفاق ملک اے کے مسرت (معاون)
پروڈیوسر	اشفاق ملک ریاض احمد
منظر نویس	اشفاق ملک
کہانی	عرش لکھنوی
ستارے	سدھیر مسرت نذیر یاسمین نذر زینت بیگم طالش اجمل خان علاؤالدین غلام محمد شبانہ آشا بوسلے محمد حسین ٖفضل حق اقبال شہزاد نذیر راجہ آصف ہمایوں رخشی سلطان راہی (پہلی فلم)
راوی	محمد اسماعیل (مرحوم)
موسیقی	رحمان ورما
سنیماگرافی	ریاض احمد پرویز اختر
ایڈیٹر	اے کے مسرت
پروڈکشن کمپنی	اے کے فلمز ملیکا اسٹوڈیوز
تقسیم کار	فامؤس ویڈیو (یوکے)
تاریخ نمائش	14 ستمبر 1956ء (1956ء-09-14) (پاکستان)
دورانیہ	127 منٹ
ملک	پاکستان
زبان	اردو

باغی (انگریزی: Baghi) اردو زبان میں پاکستانی فلم ہے۔ فلم كى نمائش 14 ستمبر، 1956ء كو ہوئى۔ یہ فلم برِصغیر پاک و ہند میں انگریز دور حکومت کے سچے واقعات پر مبنی ہے۔ اکبر خان کی ایک سچی کہانی پر پہلا ایکشن پاکستانی فلم۔ برطانوی سلطنت کا باغی ، جو چین میں بھی ریلیز ہوئی۔ایکشن لیجنڈ اداکار سلطان راہی کو پہلی بار سلور اسکرین پر دیکھا گیا ۔ یہ فلم باکس آفس میں سپرہٹ ہوئی تھی یہ فلم کراچی کے ریگل سنیما میں گولڈن جوبلی منئی اس فلم کی 357 دن تک کامیاب نمائش ہوئی تھی۔ اداکار سدھیر نے اس فلم میں کام کیا جس کے ہدایتکار فلم ساز اشفاق ملک تھے۔ اس فلم کو چین میں خصوصی ایوارڈ بھی ملا۔^[1]اس فلم کی موسیقی رحمان ورما نے ترتیب دی جبکہ نغمات مشہور شاعر مشیر کاظمی، ساغر صدیقی اور اے کے مسرت نے تحریر کیے۔ اس فلم میں پاکستان کے مشہور و معروف گلوکاروں منور سلطانہ، کوثر پروین، زبیدہ خانم، پکراج پپو اور عنایت حسین بھٹی نے گیت گائے۔فلم میں سدھیر نے اکبر کا کردار نبھایا ہے اور مسرت نذیر نے مہوش کے کردار میں قابل قدر اداکاری کی۔ جب کہ دیگر اداکاروں میں یاسمین، زینت بیگم، طالش، اجمل خان، علاؤالدین نے بھی اپنے کردار کو اچھے انداز میں پیش کیا۔ ہماری فلمی تاریخ میں ’باغی‘ کا ذکر اس لیے بھی ضروری ہے کہ یہ پہلی پاکستانی فلم تھی جس کی نمائش چین میں بھی ہوئی۔ فلم ’باغی‘ پاک و ہند کے معروف ڈائریکٹر اے آر کاردار کے بھتیجے اشفاق ملک نے ڈائریکٹ کی تھی جو 1950 تک بمبئی میں بطور ساؤنڈ ریکاڈسٹ کام کرتے رہے تھے اور اپنے چچا کی ایک فلم ’ نوجوان ‘ ڈائریکٹ بھی کر چُکے تھے۔ یہاں آ کر انھوں نے اپنا ذاتی ادارہ، اے۔ ایم سٹوڈیو بھی بنایا اور بطور پروڈیوسر ڈائریکٹر ایک بھرپور زندگی بسر کی۔

• باغی ” پاکستان فلم میگزین “ ◄ پر