Чүпрәле районы гербы
Нигезләнү датасы	9 март 2006

Чүпрәле районы гербы — Татарстан «Республикасы Чүпрәле муниципаль районы» муниципаль берәмлегенең рәсми символы булган танып-белү-хокукый билгесе.

Герб Чүпрәле муниципаль районы Советының 6/3 номерлы карары белән 2006 елның 9 мартында расланган.^[1]

Герб 2289 номерлы теркәү номеры астында Россия Федерациясе Дәүләт геральдика регистрына һәм Татарстан Республикасы Дәүләт геральдика реестрына 44 номерлы астында кертелгән.

«Өстәрәк аркылы, түбәндә буйга бүленгән көмеш, яшел һәм алтын җирлектә — очлары җете кызыл (кызыл) белән чигүле көмеш сөлге өстенә урнаштырылган алтын икмәк белән көмеш тоз савыты; икмәк артында — күтәрелүче җете кызыл шар».[2]

Чүпрәле районы Татарстан Республикасының көнбатыш читендә урнашкан, ул район гербында кызыл диск — кояш белән күрсәтелгән. Кояш — озын гомер, активлык, көч, хезмәт сөючәнлек символы.

Яшел һәм алтын өлештән торган гербның символикасы күп мәгънәгә ия: районның катнаш халкы: монда татарлар һәм чувашлар күпләп яши, сөлге башындагы бизәкләр дә шул турыда сөйли. Милли бизәкләр төшерелгән сөлге аллегорик рәвештә район халкының республика мәдәниятенә, фән, сәнгать һәм әдәбиятына зур өлеш кертүен сүрәтли.

Милли бизәкләр булган сөлге шулай ук республиканың мәдәният, фән, сәнгать һәм әдәбият үсешенә зур өлеш керткән район халкын аллегорик рәвештә символлаштыра. Биредә Чуаш драматургиясенә нигез салучы Николай Ефремов, Татарстан Республикасының халык артисты Һидаят Солтанов, шагыйрьләр һәм язучылар — Шәрәф Мөдәррис, Тал — Морза, Зәки Нури туган һәм эшләгән. Социалистик Хезмәт каһарманнары, колхоз рәисләре Әхмәтгәрәй Әбдриев һәм Лазарь Дергунов, ике тапкыр Социалистик Хезмәт герое, СССР Авиация сәнәгате министры Петр Дементьев һ.б. туган районын югары хезмәт казанышлары белән данладылар. Сөлге — рухи чисталык һәм хөрмәт символы.

Яшел төс— табигать, сәламәтлек, тормыш үсеше символы.

Алтын — уңыш, байлык, тотрыклылык һәм хөрмәт символы.

Тозлы икмәк район икътисадының юнәлешен күрсәтә. Төбәк Аграр һәм республиканы ашлык, кузаклы культуралар, шикәр чөгендере, ит, сөт кебек авыл хуҗалыгы продукциясе һәм чималы белән тәэмин итә. Район предприятиеләренең төп эшчәнлеге шулай ук авыл хуҗалыгы продукциясенә хезмәт күрсәтүгә һәм эшкәртүгә юнәлдерелгән.

Сөлге, ипи һәм тоз бергәләп җирле халыкның ачык йөзле һәм кунакчыллыгын символлаштыра.

Көмеш — чисталык, камиллек, тынычлык һәм үзара аңлашу символы.

Кызыл төс — батырлык, көч, хезмәт, ышаныч һәм матурлык символы.

Гербның идеясе: Җәүдәт Гафуров, Айрат Субаев (ТР Чүпрәле районы).

Герб Татарстан Республикасы Президенты каршындагы Геральдика Советы тарафыннан Россия геральдистлар Союзы белән берлектә эшләп бетерелә: Рамил Хәйретдинов (Казан), Радик Салихов (Казан), Илнур Миңнуллин (Казан), Константин Моченов (Химки), Кирилл Переходенко (Конаково), Галина Русанова (Мәскәү).

Чүпрәле районы флагы

• Государственные и муниципальные символы республики татарстан = Татарстан республикасы дәүләт һәм муниципаль символлары = State and municipal symbols of the Republic of tatarstan.. — Казань: Татарское книжное издательство, 2017. — С. 89-92. — 248 с.

• Союз геральдистов России

Татарстан порталы

к б ү Татарстан Татарстан темаларда
Тарих	Төрки каһанлыгы Бөек Болгар иле Хәзәр каһанлыгы Идел буе Болгары Монгол империясе Алтын Урда Казан ханлыгы Казан губернасы ТАССҖ Татарстан
География	Административ-территориаль бүленеш Сусаклагычлар Геология Шәһәрләр Климат Күлләр Туфраклар[ru] Торак пунктлар Файдалы казылмалар[ru] Сакланучы табигать биләмәләре Елгалар Башкала Фауна Флора Экология
Сәясәт	Конституция Суверенитет Парламент Хөкүмәт Президент Конституция Суды[ru] Югары Суд[ru] Арбитраж Суд[ru] Федераль Мәҗлестә вәкилләре Татар телен саклау һәм үстерү мәсьәләләре комиссиясе
Икътисад	Милли банк Сәнәгать җиңел машиналар төзү металлургия нефть химиясе тау чыгару азык-төлек Авыл хуҗалыгы Иҗтимагый сфера Төзелеш[ru] Транспорт Туристлык Энергетика[ru]
Җәмгыять	Сәламәтлек саклау Халык Фән РФА КФҮ ТР ФА Мәгариф Югары уку йортлары Телләр Дин Ислам Спорт Шәхесләр Премияләре лауреатлары
Символлар	Герб Һимн Байрак Бүләкләр
Мәдәният	Архитектура Китапханәләр Сынлы сәнгать Кинематограф Аш-су Киемнәр Әдәбият Музейлар Музыка Бәйрәмнәр ММЧ телевидение радиостанцияләр Бию Театрлар Топонимия
«Татарстан» порталы Төркем Проект