Ашказар
| География | |
|---|---|
| АТБ | Башкортстан |
| Ил | Россия |
| ДДӨБ | 126 метр  |
| Координатлар | 53°6'28.7"тн, 54°58'27.0"кнч, 53°38'26.9"тн, 55°59'41.5"кнч |
| РДСР | 10010200512111100018151 |
| Нинди сулыкка коя | Агыйдел |
| Бассейн мәйданы | 3780 км² |
| Озынлык | 165 километр |
 | |
Ашказар (Ашкадар), елга, Агыйдел елгасының сул кушылдыгы. Федоровка районы Өчбүләк авылыннан көнбатышка таба 2,2 км еракта башлана. Федоровка районында төньяк көнбатыштан көньяк-көнчыгышка таба ага, Михайловка авылы тирәсендә төньяк-көнчыгышка борыла һәм Стәрлебаш, Мәләвез, Стәрлетамак районнары буйлап Агыйдел елгасына (тамагыннан 743 км еракта, Стәрлетамак ш. тирәсендә) коя.
Озынлыгы 165 км, бассейн мәйданы 3780 км², гомуми түбәнәюе 271 м. Башлыча кар суы белән туена. Еллык акманың 81,1% ы язгы (апр.—май), 13,1% ы җәйге-көзге (июнь-окт.) һәм 5,8% ы кышкы (нояб.—март) чорларга тура килә. Уртача еллык су чыгымы (м³/с): Стәрлетамак районы Веселый авылы тирәсендә – 10,4, тамагында – 16,7. Бассейнның көнбатыш өлеше Бөгелмә-Бәләбәй калкулыгы чикләрендә урнашкан. Көнчыгыш өлеше балчыклы, комлы балчыклы һәм комлы грунтта зур булмаган убалар белән уйсу тигезлектән тора. Үзәне өске пермьнең казан ярусы эзбизташлары, доломитлары, мергельләре, аргилитларыннан гыйбарәт. Ландшафтлары типик кара туфрактагы төрле үләнгә бай, бүтәгән-кылганлы дала һәм болыннардан тора. Бассейн территориясенең якынча 5% ын урман каплаган, 70% ы сөрелгән. Федоровка районы Дедово һәм Базелево авыллары тирәсендә буалар бар. Кушылдыклары: уң – Сухайлы; сул – Кече Балыклы, Олы Балыклы, Күндерәк, Стәрле һ.б.
Чыганаклар
[үзгәртү | вики-текстны үзгәртү]- Башкорт энциклопедиясе(үле сылтама) (башк.)
| Кушылдыклар |  | |
|---|---|---|
| Сусаклагычлар | Йомагуҗа сусаклагычы | |
| Шәһәрләр | ||
. | ||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
