కాంతారావు
తాడేపల్లి లక్ష్మీ కాంతారావు
జననం	తాడేపల్లి లక్ష్మీకాంతా రావు (1923-11-16)1923 నవంబరు 16 కోదాడ, సూర్యాపేట జిల్లా, తెలంగాణ, భారత్
మరణం	2009 మార్చి 22(2009-03-22) (వయసు 85) హైదరాబాదు, తెలంగాణ, భారత్
మరణ కారణం	క్యాన్సర్
ఇతర పేర్లు	నట ప్రపూర్ణ, కత్తుల కాంతారావు, ఆంధ్రా ఎం.జి.ఆర్
వృత్తి	సినిమా నటుడు
క్రియాశీల సంవత్సరాలు	1950 - 1990
జీవిత భాగస్వామి	సుశీల, హైమవతి[1]
పిల్లలు	నలుగురు మగపిల్లలు ప్రతాప్, కేశవ, రాజా, సత్యం - ఒక కూతురు సుశీల
తల్లిదండ్రులు	కేశవరావు (తండ్రి) సీతారామమ్మ (తల్లి)
పురస్కారాలు	రఘుపతి వెంకయ్య అవార్డు, రాష్ట్రపతి అవార్డు, నంది అవార్డు

కాంతారావుగా ప్రసిద్ధి పొందిన తాడేపల్లి లక్ష్మీ కాంతారావు (1923 నవంబరు 16 - 2009 మార్చి 22) ప్రసిద్ధ తెలుగు సినిమా నటుడు, నిర్మాత.^[2][3]

కాంతారావు సూర్యాపేట జిల్లా కోదాడ మండలం గుడిబండ గ్రామములో జన్మించాడు.^[4]

తెలుగు సినిమాల్లో అనేక సాంఘిక, జానపద, పౌరాణిక పాత్రలు ధరించిన కాంతారావు నిర్దోషి చిత్రం ద్వారా సినీరంగ ప్రవేశం చేశాడు.^[5] ఈయన సినిమా రంగానికి చేసిన సేవలకు గాను ఆంధ్రప్రదేశ్ ప్రభుత్వము 2000 లో రఘుపతి వెంకయ్య పురస్కారంతో సత్కరించింది. ఆయన స్వీయ చరిత్ర "అనగనగా ఒక రాకుమారుడు". ఆయన మొత్తం 400 పైగా చిత్రాలలో నటించాడు. రామారావు, నాగేశ్వరరావు లకు సమకాలికులుగా కొన్ని సందర్భాలలో వారితో సమానమైన గుర్తింపు పొందారు. దాసరి నారాయణరావు మాటల్లో "తెలుగు చలనచిత్ర సీమకు రామారావు, నాగేశ్వరరావులు రెండు కళ్ళైతే , వాటి మధ్య తిలకం వంటివారు కాంతారావు".

కాంతారావు కుమారుడు రాజా, సుడిగుండాలు సినిమాలో నటించారు. ఆ చిత్రానికి ఉత్తమ బాల నటుడిగా నంది అవార్డు అందుకున్నారు.^[6]

• సప్తస్వరాలు (1969)
• గండర గండడు (1969)
• ప్రేమ జీవులు (1971)
• గుండెలు తీసిన మొనగాడు (1974)
• స్వాతి చినుకులు (1989)

కాంతారావు 2009 మార్చి 22న క్యాన్సర్ వ్యాధి మూలంగా హైదరాబాదులోని యశోద హాస్పిటల్లో రాత్రి గం 9.50 ని.లకు కన్నుమూశారు.

కాంతారావు శతజయంతి సందర్భంగా 2022, నవంబరు 16న ముఖ్యమంత్రి కేసీఆర్ నివాళులర్పించాడు.^[7] తెలంగాణ ప్రభుత్వ భాషా సాంస్కృతిక శాఖ, తెలంగాణ రాష్ట్ర చ‌ల‌న‌చిత్ర‌ అభివృద్ధి సంస్థ ఆధ్వర్యంలో ర‌వీంద్ర భార‌తిలోని పైడి జ‌య‌రాజ్ ప్రివ్యూ థియేట‌ర్‌లో కాంతారావు శ‌త జ‌యంతోత్స‌వం నిర్వ‌హించబడింది. తెలంగాణ సాహిత్య అకాడమీ చైర్మన్ జూలూరి గౌరీశంకర్, తెలంగాణ ఎఫ్‌డీసీ చైర్మన్ అనిల్ కూర్మాచలం తెలంగాణ ప్రభుత్వ భాషా సాంస్కృతిక శాఖ సంచాలకులు మామిడి హరికృష్ణ, కాంతారావు కుమారుడు రాజా పాల్గొని కాంతారావు చిత్రపటానికి పుష్పాంజలి ఘటించి, నివాళులు అర్పించారు. అనంతరం, కాంతారావు నటించిన 'రణభేరి' సినిమా ప్రదర్శన జరిగింది.^[8]

• 
  కాంతారావు శతజయంతి కార్యక్రమంలో పాల్గొన్న అతిథులు
• 
  కాంతారావు శతజయంతి కార్యక్రమంలో పాల్గొన్న కాంతారావు అభిమానులు

1. ↑ Sakshi (16 November 2014). "ఆ మూడు కోరికలూ తీరకుండానే వెళ్లిపోయారు!". Archived from the original on 14 November 2022. Retrieved 14 November 2022.
2. ↑ Sakshi (19 February 2020). "కత్తిలా బతికి వెళ్లిపోయారు..." Archived from the original on 13 July 2021. Retrieved 13 July 2021.
3. ↑ "సుతిమెత్తని కత్తి హీరో!". 22 December 2019. Archived from the original on 14 November 2022. Retrieved 14 November 2022.
4. ↑ http://ntippi.tripod.com/tollywood/legends/kantharao.html
5. ↑ ఈనాడు దినపత్రిక, తేది 23-03-2009
6. ↑ "మన జానపద కథానాయకుడు". 14 November 2015. Archived from the original on 14 November 2022. Retrieved 14 November 2022.
7. ↑ telugu, NT News (2022-11-17). "కాంతారావుకు సీఎం నివాళి". www.ntnews.com. Archived from the original on 2022-11-17. Retrieved 2022-11-17.
8. ↑ telugu, NT News (2022-11-16). "ఘనంగా సినీ నటుడు కాంతారావు శత జయంతోత్సవం". www.ntnews.com. Archived from the original on 2022-11-16. Retrieved 2022-11-17.

• ఇంటర్నెట్ మూవీ డేటాబేసు లో కాంతా రావు పేజీ