மேல் நாட்டு மருமகள்
திரைப்பட சுவரொட்டி
இயக்கம்	ஏ. பி. நாகராசன்
தயாரிப்பு	சி. என். வெங்கடசாமி (சி. என். வி. மூவீஸ்)
கதை	ஏ. பி. நாகராசன்
இசை	குன்னக்குடி வைத்தியநாதன்
நடிப்பு	சிவகுமார் கமல்ஹாசன் ஜெயசுதா
ஒளிப்பதிவு	கே. எஸ். பிரசாத்
படத்தொகுப்பு	டி. விஜயரங்கம்
நடனம்	வேம்படி சின்னசத்யம் தங்கப்பன்
வெளியீடு	மே 10, 1975
நீளம்	3789 மீட்டர்
நாடு	இந்தியா
மொழி	தமிழ்

மேல் நாட்டு மருமகள் (Melnaattu Marumagal) 1975 ஆம் ஆண்டு வெளிவந்த தமிழ்த் திரைப்படமாகும். ஏ. பி. நாகராஜன்^[1] இயக்கத்தில் வெளிவந்த இத்திரைப்படத்தில் சிவகுமார், கமல்ஹாசன், ஜெயசுதா மற்றும் பலரும் நடித்திருந்தனர். இத்திரைப்படம் தெலுங்கு மொழியில் அமெரிக்க அம்மாயி எனும் பெயரில் மீண்டும் எடுக்கப்பட்டது.

• சிவகுமார் - மோகன்
• கமல்ஹாசன் - ராஜா
• 'குமாரி' லாரன்ஸ் பொர்டலெ (Laurance Pourtale) - மீரா
• ஜெயசுதா - சுதா
• ஜூனியர் பாலையா - வாலு
• எஸ். வி. ராமதாஸ்
• காந்திமதி - பங்கஜம்
• பூர்ணம் விஸ்வநாதன் - பழனிவேல்
• வி. கோபாலகிருஷ்ணன்
• உஷா உதூப்
• வாணி கணபதி
• சோ ராமசாமி (சிறப்பு தோற்றம்)
• மனோரமா (சிறப்பு தோற்றம்)

ஜூனியர் பாலையா இத்திரைப்படம் மூலம் திரைப்பட துறையில் அறிமுகமானார்.^[2] பாடகர் உஷா உதூப் தமிழில் முதன்முறையாக இப்படத்தில் ஒரு பாடல் பாடியதோடு அப்பாடலுக்கு திரையிலும் நடித்துள்ளார்.^[3] நடிகர் கமல்ஹாசன் மற்றும் வாணி கணபதி இணைந்து நடித்த ஒரே படமாகும், பின்னாளில் அவர்கள் திருமணம் செய்து கொண்டனர்.

குன்னக்குடி வைத்தியநாதன் படத்திற்கு இசையமைத்திருந்தார். ^[4] 'பூவை செங்குட்டுவன்', 'உளுந்தூர்பேட்டை சண்முகம்' , 'நெல்லை அருள்மணி', 'திருச்சி பரதன்', கீதா பிரியன் மற்றும் குயில் ஆகியோர் பாடல்கள் எழுதியுள்ளனர். ^[5][6]

• இணையதள திரைப்பட தரவுத்தளத்தில் மேல்நாட்டு மருமகள்