நக்னசித்தி என்பவள், கண்ணனின் எண்மனையாட்டிகளில் ஒருத்தியாகச் சொல்லப்படுகின்றாள். சத்தியை என்றும் அழைக்கப்படும் இவள், எண்மரில் ஆறாவது ஆவாள். இவள் வரலாறு, பாகவதம், விஷ்ணு புராணம், அரி வம்சம் முதலியவற்றில் சொல்லப்படுகின்றது.^[1]

நக்னசித்தி, அயோத்தியிலிருந்து கோசல நாட்டை ஆண்ட மன்னன் நக்னசித்துவின் மகள் ஆவாள். சத்தியை, கோசலை^[2][3] என்று இவளைப் பொதுவாக அழைக்கிறது பாகவதம் முதலான நூல்கள். மகாபாரதமும், "சத்தியை" என்ற எண்மனையாட்டியரில் ஒருத்தி பற்றிக் குறிப்பிடுகின்றது^[4] இவளே தமிழ் மரபில் நப்பின்னையாக அறியப்படுகின்றாள்.

நக்னசித்து வளர்த்துவந்த அடங்காக் காளைகள் ஏழினை, மிக நுட்பமாக ஏறுதழுவல் மூலம் வென்று, கண்னன் சத்தியையைக் கரம்பிடித்தான்.^[5][6]அவளது மனத்தன்னேற்புக்கு வந்து தோற்றுப்போன ஏனைய இளவரசர்கள், அவர்கள் துவாரகை திரும்பும் வழியில் தாக்கும் போதும், கண்ணனின் யாதவப்படையும், அருச்சுனனும் இணைந்து, அவர்களைத் தோற்கடித்தனர்.^[5][6]

நக்னசித்திக்கு, வீரன், சந்திரன், அசுவசேனன், சித்திராகு, வேகவான், விருசன், ஆமன், சங்கு, வசு, குந்தி என பத்து மைந்தர்கள்.^[7] "பத்திரவிந்தன்" முதலான பல மைந்தர் அவளுக்கு இருந்ததாக, விஷ்ணு புராணம் சொல்கின்றது.^[2] கண்ணனின் மறைவுக்குப் பின், அவனது ஏனைய தேவியர் போலவே இவளும் உடன்கட்டையேறித் தன்னுயிரை மாய்த்துக் கொண்டாள்.^{[8] [9]}

தமிழ் வழக்கில், கண்ணன் ஏறு தழுவி வென்று மணந்ததாகச் சொல்லப்படும் நப்பின்னையே இவள் என்ற கருத்துக் காணப்படுகின்றது.^[10][11] எனினும், நப்பின்னையை மிதிலை இளவரசியாகவும்,^[12] சத்தியையை, அயோத்தி இளவரசியாகவும் சொல்வது பிரதான வேறுபாடாகும். மேலும், தமிழில் வழங்குவதுபோல், இவள் கண்ணனுக்கு யசோதை வழியில் முறைமைத்துனி என்பதற்கான சான்றுகள் வடமொழி இலக்கியங்களில் கிடைக்கவில்லை. எவ்வாறாயினும், நப்பின்னையை நிகர்க்கக் கூடிய ஒரேயொரு வடநாட்டுத் தொன்மம், நக்னசித்தி மாத்திரமே.^[13]

• எண்மனையாட்டி
• நப்பின்னை
• ராதை

பா உ தொ கிருட்டிணன்
பட்டியல் வலைவாசல் பகுப்பு
தோற்றங்கள்	கண்ணனின் 108 பெயர்களில் சில பால கிருட்டிணன் கோகுலன் கோவர்தனன் பார்த்தசாரதி வேணுகோபாலன் இராதா கிருஷ்ணன் வாசுதேவன் நாராயணன் துவாரகாதீசர் ஜெகந்நாதர் பாண்டுரங்கன் குருவாயூரப்பன் அச்சுதன் மாதவன் கோவிந்தன்/கோபாலன் நர-நாராயணன்
குடும்பம்	உக்கிரசேனர் சூரசேனர் கம்சன் வசுதேவர் தேவகி ரோகிணி நந்தகோபன் யசோதை பலராமன் சுபத்திரை அருச்சுனன் அபிமன்யு பரிட்சித்து எண்மனையாட்டிகள் ருக்மணி ச‌‌த்‌தியபாமா‌ ஜாம்பவதி நப்பின்னை நக்னசித்தி மித்திரவிந்தை இலக்குமணை பத்திரை * காளிந்தி ராதா சாம்பன் பிரத்தியுமனன் அனிருத்தன் உஷா
கிருஷ்ணருடன் தொடர்புடையவர்கள்	ராதை கோபியர் குசேலர் ருக்மி உத்தவர் அக்ரூரர் சாத்தியகி கிருதவர்மன் சிசுபாலன் திருஷ்டகேது தந்தவக்ரன் ஜராசந்தன் பாண்டவர்கள் கௌரவர் பாணாசூரன் காலயவனன் பௌண்டரக வாசுதேவன் முசுகுந்தன் ஜாம்பவான் சியாமந்தக மணி யது குலம் விருஷ்ணி குலம்
வழிபாடு விழாக்கள்	வைணவம் கௌடியம் இஸ்கான் கிருஷ்ண ஜெயந்தி ஹோலி உறியடி திருவிழா கோவர்தனன் பூஜை
புனித இடங்கள்	கிருஷ்ண ஜென்மபூமி கேசவ தேவ் கோயில் மதுரா பிருந்தாவனம் கோகுலம் ஆயர்பாடி கோவர்தன மலை நந்தகோன் பர்சானா துவாரகை பண்டரிபுரம் குருவாயூர் புரி பத்ரிநாத் பிரபாச பட்டினம் பகுப்பு:கிருஷ்ணர் கோயில்கள்
நூல்கள்	பாகவத புராணம் விஷ்ணு புராணம் ஹரி வம்சம் பகவத் கீதை கீத கோவிந்தம் மகாபாரதம் உத்தவ கீதை பஜ கோவிந்தம்
இவற்றையும் காண்க	அவதாரம் திருமால் காளிங்க நர்த்தனம் ராசலீலை இராதாகிருஷ்ண தத்துவம் சியாமந்தக மணி குருச்சேத்திரப் போர்
பட்டியல் வலைவாசல் பகுப்பு