ஈங்கை
| ஈங்கை | |
|---|---|
| |
| உயிரியல் வகைப்பாடு | |
| திணை: | |
| தரப்படுத்தப்படாத: | |
| தரப்படுத்தப்படாத: | |
| தரப்படுத்தப்படாத: | |
| வரிசை: | Fabales
|
| குடும்பம்: | |
| பேரினம்: | Acacia
|
| இனம்: | A. caesia
|
| இருசொற் பெயரீடு | |
| Acacia caesia கரோலஸ் லின்னேயஸ் Willd. | |
| வேறு பெயர்கள் | |
| |
ஈங்கை (Acacia caesia) என்பது புதர்முட்செடி ஆகும். இது பற்றி சங்க இலக்கியத்தில் தரப்பட்டுள்ள செய்திகள் பின்வருமாறு:
மகளிர் மணல் மேல் அமர்ந்து ஆடும் கழங்கு விளையாட்டுக் காய்கள் போலப் பாறைகளின் மீது ஈங்கைப் பூக்கள் கொட்டுமாம்[1].
இளவேனில் காலத்தில் கோங்கம் பூக்கத் தொடங்கும்போது, ஈங்கை தளிர் விடுமாம்[2].
நௌவி-மான் குளம்பு அடி மண்ணில் பதிந்தது போல ஈங்கைப்பூ வெண்ணிறம் கொண்டதாம்[3].
சங்க காலச் சிறுவர் விளையாடிய வட்டு நெல்லிக்காய் அளவு இருந்த்து. பிசிர் மயிர்களைக் கொண்ட ஈங்கைப் பூவும் வட்டு அளவு இருக்கும்[4].
ஈங்கை வயல் வேலியில் பூக்கும். ஈங்கைக்கு முள் உண்டு. இதனை மாமரத்துக்கு வேலியாகப் பயன்படுத்துவர்[5].
புதராக இருக்கும் ஈங்கைப் பூங்குழை தன்னை வருடிக்கொடுக்கும் இன்பத்தில் குருகு என்னும் பறவை பதுங்கியிருக்கும்[6].
ஈங்கை ஒரு வெண்மையான கொடி. பனி அரும்பும் கூதிர் காலத்தில் (கார்த்திகை மார்கழி மாதங்களில்) பகன்றையும், ஈங்கையும் பூக்கும்[7].
ஈங்கை வெண்ணிறத்தில் பூக்கும்[8][9].
வெள்ளம் வடிந்த ஆற்றுமணலில் ஈங்கையின் வாடிய பூக்கள் வரிவரியாகப் பரவிக் கிடந்தன[10].
ஈங்கைத் தளிர் மாரிக் காலத்தில் மாந்தளிர் போல் இருக்கும்[11].
ஈங்கை முள் வளைவாக இருக்கும்[12].
ஈங்கைப் பூ மழை பொழியும்போது விழும் பனிக்கட்டி போல் இருக்கும்[13].
அவள் மேனி மாந்தளிர் போலவும், மாரி காலத்து ஈங்கை போலவும் மாமைநிறம் கொண்டிருந்தது[14].
அடிக்குறிப்பு
[தொகு]- ↑ சிறைநாள் ஈங்கை உறைநனி திரள்வீ, கூரை நன்மனைக் குறுந்தொடி மகளிர், மணலாடு கழங்கின் அறைமிசைத் தாஅம் - நற்றிணை 79
- ↑ கோங்கம் குவிமுகை அவிழ, ஈங்கை நல்-தளிர் நயவர நுடங்கும், முற்றா வேனில் - நற்றிணை 86
- ↑ ஈங்கை முகை வீ அதிரல், மோட்டுமணல் எக்கர், நௌவி நோன்குளம்பு அழுந்து என வெள்ளி உருக்குறு கொள்கலம் கடுப்ப - நற்றிணை 124
- ↑ அட்டரங்கு உருவின் வட்டுமுகை ஈங்கைத் துய்த்தலைப் புதுமலர், - நற்றிணை 193
- ↑ படப்பைக் கொடுமுள் ஈங்கை நெடுமா அந்தளிர் நீர்மலி கதழ்பெயல் தலைஇய ஆய்நிறம் புரையும் இவள் மாமைக் கவினே - குறுந்தொகை 205
- ↑ பனிப்புதல் ஈங்கை அங்குழை வருட, சிறை குவிந்து இருந்த பைதல் வெண்குருகு, - குறுந்தொகை 312
- ↑ பகல்மதி உருவின் பகன்றை மாமலர், வெண்கொடி ஈங்கை பைம்புதல் அணியும், அரும்பனி அளைஇய கூதிர் - ஐங்குறுநூறு 456
- ↑ ஈங்கைத் தூ அவிழ் பனிமலர் உதிர - அகம் 252,
- ↑ துய்தலைப் பூவின் புதல் இவர் ஈங்கை – அகம் 294
- ↑ கலித்தொகை 31
- ↑ மாரி ஈங்கை மாத்தளிர் - அகம் 75
- ↑ முட்கொம்பு ஈங்கைத் துய்த்தலைப் புது வீ - அகம் 306, கொடுமுள் ஈங்கை சூரலொடு மிடைந்த வான்முகை - அகம் 357
- ↑ இரங்காழ் அன்ன அரும்பு முதிர் ஈங்கை ஆலி அன்ன வால் வீ தாஅய் - அகம் 125
- ↑ மாரி ஈங்கை மாந்தளிர் அன்ன அம் மா மேனி - அகம் 206
| அ வரிசை |  .JPG)  | |
|---|---|---|
| க வரிசை | ||
| ச வரிசை | ||
| ஞ வரிசை | ||
| த வரிசை | ||
| ந வரிசை | ||
| ப வரிசை | ||
| ம வரிசை | ||
| வ வரிசை | ||
குறிஞ்சிப் பாட்டு நூலில் உள்ள 99 மலர்களின் பெயர்கள் | ||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
