تاجل بيوس (انگريزي:Tajal Bewas) (جنم:22 سيپٽمبر 1938ع- وفات: 13 ڊسمبر2008ع) سنڌي ٻولي جو ناميارو شاعر ۽ ليکڪ هو.

تاجل بيوس جو اصل نالو تاج محمد ولد محمد جعفر سمو هو. ھو 22 سيپٽمبر 1938ع تي ڳوٺ درگاھ پير حيات شاھ، تعلقي سوڀي ديري، ضلعي خيرپورميرس ۾ ڄائو. شروعاتي تعليم نورپور ۽ ڀونڀٽ پور اسڪولن مان حاصل ڪيائين، جڏهن تہ ثانوي تعليم گنبٽ هاءِ اسڪول مان ۽ گرئجوئيشن سنڌ يونيورسٽي ڄام شوري مان ڪيائين. بعد ۾، ايم. اي (اقتصاديات)، سنڌ يونيورسٽيءَ مان ڪرڻ کان پوءِ جپان، ٿائيلينڊ ۽ آمريڪا مان مختلف ڪورس ڪري آيو. تاجل بيوس 1960ع ۾ انگريزي استاد طور ملازمت جي شروعات ڪئي، بعد ۾ سنڌ حڪومت جي ڪيترن ئي ادارن/ڪمپنين ۾ انويسٽيگيٽر، ريسرچ آفيسر، اسسٽنٽ چيف، ڊپٽي چيف، چيف ۽ رجسٽرار جي عهدن تي خدمتون سرانجام ڏنائين. مرڪزي حڪومت ۾ ايڊيشنل سيڪريٽري رهيو. ڪارپوريٽ لا اٿارٽيءَ ۾ رجسٽرار آف ڪمپنيز جي عهدي تان رٽائر ڪيائين. ان بعد شاھ عبداللطيف يونيورسٽي خيرپور ۾ ڪجهه عرصي لاءِ وائيس چانسلر جو صلاحڪار پڻ رهيو. تاجل بيوس ڪجهه عرصو سنڌي لئنگئيج اٿارٽي جي بورڊ آف گورنرس جو ميمبر بہ رهي چڪو آهي. تاجل بيوس شاعريءَ سان گڏوگڏ ڪهاڻيون، ڪالم ۽ مضمون بہ لکيا. سندس هفتيوار ڪالم ”عوامي آواز“ سميت مختلف سنڌي اخبارن ۾ ڇپجندا رهيا.تاجل بيوس جي مشهور ڪلام ”سنڌ منهنجي امان، سُونهن تنهنجي مٿان، ڇا لکِي، ڇا لِکان“ سنڌ توڙي هند ۾ وڏي مقبوليت حاصل ڪئي. هند ۾ ان کي ڊاڪٽر موتي پرڪاش جي تراني ”آنڌيءَ ۾ جوت جلائڻ وارا سنڌي“ وانگر اهميت حاصل آهي. تاجل بيوس کي هند ۽ سنڌ ۾ ڪيترا مڃتا اوارڊ مليا شاعري (سنڌي ٻولي/اردو)، سفرنامن، آتم ڪٿا ۽ مختلف موضوعن تي سندس 44 ڪتاب لکيل آهن. ^[1][2]

1. ”جڏهن ڀونءَ بڻي“ (شاعري: 1982ع)،
2. ”انبن جهليو ٻُور“ (شاعري: 1983ع)،
3. ”سرجيندڙ ساڻيھ جا“ (شاعري:1985ع)،
4. ”سنڌ منهنجي امان“ (شاعري:1989ع)،
5. ”ڪاڇي مٿان ڪونج“ (نثري نظم:1990)،
6. ”ڪنڌيءَ ڪنئور ترن“ (شاعري:1991ع)،
7. ”ڏور بہ اوڏا سپرين“ (ڀارت جو سفرنامو:1992ع)،
8. ”ڪنڌيءَ اڪ ڦلاريا“ (شاعريءَ: 1992ع)،
9. ”ڏوريان ڏوريان مَ لهان“ (9 شعري مجموعا گڏ)،
10. تنهنجا نيڻ غزل (هڪ سئو غزل:1996ع)،
11. ”آريجن کان الهاس نگر“ (هند سنڌ جي اديبن جا خط)،
12. ”چپ انجيل جي حاشين جهڙا“ (هڪ سئو غزل: 2003ع)،
13. ”تاجل جو رسالو“ (شاعري 2006ع)،
14. ”انداز بيان اور“ (اردو شاعري)،
15. ”گلابون ڪي موسم“ (اردو شاعري).^[1]

سنڌ جي هن شاعر، دماغي نس ڦاٽڻ (برين هيمريج) سبب 13 ڊسمبر 2008ع تي وفات ڪئي. سندس آخري آرامگاھ چوڪنڊي قبرستان، ڪراچيءَ ۾ آهي.^[1][3]

v t e سنڌي قوم پرستي
تاريخي شخصيتون	راجاراءِ ڏياچ راجا ڏاھر ڄام نظام الدين ٻيون ميان آدم شاھ ڪلھوڙو جرنيل ھوشو شيدي صبغت اللہ شاهه راشدي اول صبغت اللہ شاھ راشدي مولانا عبيد اللہ سنڌي مير شير محمد ٽالپر دودو بن خفيف سومرو ٽيون
ويھين ۽ اڪويھين صدي جو شخصيتون	جي ايم سيد رسول بخش پليجو باباءِ سنڌ ڪامريڊ حيدر بخش جتوئي شفيع محمد برفت عبدالواحد آريسر ذوالفقار علي ڀٽو اياز لطيف پليجو بشير قريشي مظفر ڀٽو ذوالفقار شاہ قادر مگسي سجاد شر ممتاز ڀٽو صفدر سرڪي زرينہ بلوچ محمد ابراھيم جويو بينظير ڀٽو آصف علي زرداري
ثقافت	اجرڪ سنڌي ٽوپي سنڌ جي ثقافت سنڌي ثقافت جو ڏھاڙو زمرو:سنڌي قبيلا ملاکڙو سسئي پنھون پاڪستان کپي سنڌو ديش
شاعر	شاهه عبداللطيف ڀٽائي سچل سرمست تاجل بيوس شيخ اياز سامي
ھاڻوڪو دور تنازعا	سنڌو ديش‎ ڪالاباغ ڊيم سنڌ ۾ انساني حقن جي خلاف ورزي
جنگيون ۽ تنازعا	ديبل جنگ فتح پور (1519) دُٻي جي جَنگِ مياڻي جي جنگ ھالاڻي جي جنگ جنگ ڪڇي
سياسي جماعتون	جيئي سنڌ متحدا محاذ جيئي سنڌ قومي محاذ سنڌ ترقي پسند پارٽي عوامي تحريڪ سنڌ نيشنل فرنٽ سنڌ يونائيٽڊ پارٽي سنڌ نيشنل پارٽي سنڌ ھاري ڪميٽي جيئي سنڌ هلچل سنڌياڻي تحريڪ سنڌي عورت تنظيم
شاگرد تنظيمون	جيئي سنڌ اسٽوڊنٽس فيڊريشن
عسڪريت پسند تنظيمون	سنڌو ديش لبريشن آرمي
غير منافع بخش تنظيمون	ورلڊ سنڌي ڪانگريس ورلڊ سنڌي انسٽيٽيوٽ