Петров Прокопий Устинович
Петров Прокопий Устинович (24.02.1913—04.07.1964) — Саха сиригэр көскө ыытыыны чинчийбит саха устуорук учуонайа.
Олоҕун олуктара
[уларыт | биики-тиэкиһи уларытыы]- 1913 сыллаахха олунньу 24 күнүгэр Арҕаа-Хаҥалас улуус Нөмүгү нэһилиэгэр дьадаҥы дьиэ кэргэҥҥэ төрөөбүт. Аҕата 1917 с., ийэтэ 1925 с., икки эдьиийдэрэ 30-с сыллар саҕаланыыларыгар өлбүттэр.
- Тулаайах хаалан, интернатка иитиллибит. Өктөм сэттэ кылаастаах оскуолатыгар үөрэнэ сылдьан, комсомол кэккэтигэр киирбит. Улуус комсомолун ячейкатын секретарынан талыллан үлэлээбит.
- 1930 сыллаахха, оскуоланы бүтэрээт, Дьокуускайдааҕы педтехникумҥа киирбит.
- 1931 с. сайыныгар ВКП(б) кэккэтигэр киирбит, 3 ый ЫБСЛКС Дьокуускай куораттааҕы комитетын секретарын солбуйбут.
- 1931 сыл алтынньы ыйга Иркутскайдааҕы пединститутка үөрэххэ ыыппыттар.
- 1934 с. — Иркутскайдааҕы пединститут историческай факультетын бүтэрэн, Дьокуускай педтехникумугар преподаватель буолар.
- 1934 с., сэтинньи — ВКП(б) Саха Сиринээҕи обкомун кульпрос салаатын иһинэн партийнай сырдатыы дьиэтин сэбиэдисэйинэн анаммыт.
- 1935 с., ыам ыйа — комсомол үлэтигэр көһөрүллүбүт, ЫБСЛКС Дьокуускайдааҕы обкомун бюротун чилиэнинэн, обком салаатын сэбиэдиссэйинэн талыллан, 1937 сыл ахсынньытыгар дылы үлэлээбит.
- 1938—1943 сс. — Дьокуускайдааҕы пединститка преподаватель.
- 1943 с., бэс ыйыттан — партийнай үлэҕэ сылдьыбыт.
- 1947 с. — ВКП(б) КК Үрдүкү партийнай оскуолатын кэтэхтэн үөрэнэн бүтэрбит.
- 1948 сылтан — Дьокуускайдааҕы пединститутка преподаватель.
- 1950 с. — история билимнэрин кандидатыгар «Революционная деятельность большевиков в якутской ссылке» диссертациятын ситиһилээхтик көмүскээбит.
- 1950 с. — ВКП(б) Саха Сиринээҕи обкомун партийнай оскуолатын марксизм-ленинизм кафедратын сэбиэдиссэйэ.
- 1958—1964 сс. — Саха государственнай университет ССКП историятыгар кафедратын сэбиэдиссэйэ.
- 1964 с. ыам ыйыттан — кафедра доцена.
- П. У. Петров олоҕо 1964 сыл от ыйын 4 күнүгэр хомолтолоохтук быстыбыт.
Сигэлэр
[уларыт | биики-тиэкиһи уларытыы]Национальная библиотека Республики Саха (Якутия):90 лет со дня рождения П. У. Петрова, историка
Text is available under the CC BY-SA 4.0 license; additional terms may apply.
Images, videos and audio are available under their respective licenses.