Мѣстечко Украины Чинадьово Чинадійово укр. Застава Герб Держава УкраинаУкраина Область ЗакарпатскаЗакарпатска Район Мукачовскый Мѣстска рада Чинадьовска Координаты 48.501944, 22.84166748°30′07″ с. ш. 22°50′30″ в. д. / 48.501944° с. ш. 22.841667° в. д. (G) (O) (Я) Розлога 6,82 км² Надморска вышка 185[1] м Обывательство 6688[2] особ (2022) Часова зона UTC+2, влѣтѣ UTC+3 Телефонный код +380 3131 Поштовый индекс 89640 КОАТУУ 2122755500 Чинадьово Чинадьово на Викискладѣ

Чинадьово, укр. Чинадійово — мѣстечко (од року 1959) в Мукачовском районѣ Закарпатской области Украины.^[3]

Администрация до року 2020 укр.

Чинадіївська селищна рада

89640, Закарпатська обл., Мукачівський р-н,

смт Чинадійово, вул. Волошина, 41

Под администрацию рады належать тыж села Карпаты и Синяк.

Од року 2020 створена Чинадьовска громада, до котрой входять окрем самого мѣстечка ещи 13 околичных сел.

В историчных документах упомянуте в року 1263 под назвов лат. Sancti Nicolai. Мадярска назва Szentmiklós (1630) — пряме товмачѣня, а русинска Чинадьово (1808), вѣроятно, появила ся як присвойный адъектив од имени Ченад. Понеже в историчных жерелах скоршы упоминкы Чинадьова не выявлены, правдоподобно, то была селитва, котра ся золляла з Szentmiklós-ом.^[4]

В року 1910 село мало 1646 обывательох, переважно Русинох, з меншинами нѣмецков и мадярсков. До Трианона належало ку Свалявскому округу, мад. Szolyvai járás, жупы Берег.^[5]

В року 1930 Чинадьово, чеш. Čiňaďovo, мад. Szentmiklós, мало 2562 обывателѣ: 1822 Русины, 324 Евреи, 223 Чехы и Словаци, 69 Мадярох, 54 Нѣмцѣ, 28 особ иншых народностей, 42 чужоземцѣ. Грекокатолицка громада числила 1798 вѣрникох и мала двѣ мурованы церквы: Св. Николая (XIV.–XIX. ст.) и Св. Илия (1932–1937). Державны инштитуции: нотарскый и жандарскый уряды, пошта, телеграф, телефон. Културны инштитуции: русинска школа (6 клас), чешска (3 кл.), Руськый народный дом. Промысел: лѣсопилна фабрика Латориця, фабрика на швабликы Вулкан, андезитовый камѣнолом. Транспорт: желѣзнична штация.^[6]

26. октобра 1944 до Чинадьова пришла Червена Армада. В августѣ 1945 национализовали вшиток промысел. В яри 1950 завершили повну колективизацию, при котрой были забраны перед тым розданы землѣ, а «куркулѣ и лѣнюхы-шпекуланты были выключены з колгоспу». Од мая 1959 Чинадьово достало статус мѣстечка. Была отворена середня школа, 8-рочна и вечерна школы, музична штудия, в котрых ся учили понад 1300 особ.^[3]

• A történelmi Magyarország atlasza és adattára 1914 ISBN 963 85683 3 X мад.
• Sebestyén Zsolt: Bereg megye helységneveinek etimológiai szótára. — Nyíregyháza: Bessenyei Könyvkiadó, 2010 Доступно онлайнмад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Облікова картка: Чинадійово. Верховна Рада України. 2020 http://w1.c1.rada.gov.ua/pls/z7503/A005?rf7571=11337. укр.
• Інформер: Чинадійово. weather.in.ua. 2020. https://weather.in.ua/ua/zakarpatskaja/28419. [перевірено 2020-11-23]. укр.

v • d • e Навигация по районах Закарпатской области Береговскый · Великоберезнянскый · Виноградовскый · Воловецкый · Иршавскый · Межгорскый · Мукачовскый · Перечинскый · Раховскый · Свалявскый · Тячовскый · Ужгородскый · Хустскый