Жупа Берег
| Жупа Берег Comitatus Bereghiensis Bereg vármegye | |||||
| Жупа Мадярского кральовства | |||||
| |||||
|
| |||||
 | |||||
| столиця | Beregszász 48°12′N 22°39′E / 48.200°N 22.650°E | ||||
| доба | |||||
| - | основаня | 13. столѣтя | |||
| - | заник | 4. юн 1920 | |||
| розлога | |||||
| - | 1910 | 3786 км2 | |||
| обывательство | |||||
| - | 1910 | 236 611 | |||
| густота | 62,5/км2 | ||||
| днешны штаты |  Украина Мадярщина
| ||||
.svg)
Жупа Берег, лат. Comitatus Bereghiensis, мад. Bereg vármegye — административно-териториална часть историчного Мадярского кральовства. Днесь векша часть жупы належить Украинѣ, а менша — Мадярщинѣ.
География
[едітовати | едітовати жрідло]Жупа Берег межовала з австрийсков коруннов земльов Галичина (днесь Польща и Украина) и з иншыма мадярскыма жупами: Мараморош, Угоча, Сатмар, Саболч и Унг. Сѣверну часть жупы лемуе гребѣнь Карпат, а южну — рѣка Тиса. Двѣ иншы найвекшы рѣкы суть Латориця и Боржава. Найвысшы точкы жупы - верх Пикуй (1405 м.н.м.) на сѣверной граници и верх Стой (1679 м.н.м.) на восточной. Найнизшы точкы творить ток Тисы на южной граници (110-101 м.н.м.). Притисянска долина мае добры плодны землѣ.[1]
История
[едітовати | едітовати жрідло]Територия жупы была обывана уже в камяной добѣ. Через Верецкый переход на територию жупы зашли Мадяре в конци 9. ст. Тяжиском територии быв замок Боржава, чие имя носила и територия. Позднѣйше жупа достала назву Берег, котра походить од лѣсного масива Silvia Beregu, споминаного в Великоварадинском регеструмѣ. Од року 1247 захранила ся грамота, котров краль Бейла IV. даровав привилегии Берегсасу, а од року 1271 уже суть познаты имена жупанох. Од року 1404 жупаном быв Федор Кориатович, котрый заселив до жупы Русинох з Подолии. В той добѣ центром жупы быв Мункач.[1] В часѣ повстаня Ференца ІІ. Ракоция Мункач быв важным укрѣпленым замком повстанцьох, а по его поражцѣ стратив свой статус и жупным центром став ся Берегсас.
В року 1920 по Трианонскому договору векша часть жупы одышла до Чехословакии.
Обывательство
[едітовати | едітовати жрідло]Подля списованя року 1880 число обывательох жупы чинило 153 377 особ. Подля материнского языка были 64 880 Мадяре (42,30%), 8 719 Нѣмцѣ (5,68%), 931 Словаци (0,61%), 122 Румыны (0,08%), 73 797 Русины (48,11%).
В року 1900 в жупѣ было 208.679 обыватели, з того:[2]
- 95.308 (45,7%) Русины
- 93.198 (44,7%) Мадяре
- 18.639 (8,9%) Нѣмцѣ
- 991 Словакы
- 72 Румыны
- 20 Хорваты
- 361 иншы.
Жерела и одказы
[едітовати | едітовати жрідло]- Bereg vármegye. //Révai nagy lexikona. 3. köt. Révai Testvérek Irodalmi Intézet Részvénytársaság, Budapest. 1911. Сс. 137-140.
- Списованя року 1880
Референции
[едітовати | едітовати жрідло]- ↑ 1,0 1,1 Révai nagy lexikona.
- ↑ KlimoTheca :: Könyvtár. Kt.lib.pte.hu. http://kt.lib.pte.hu/cgi-bin/kt.cgi?konyvtar/kt06042201/0_0_3_pg_22.html. [перевірено 2012-06-24].
Text is available under the CC BY-SA 4.0 license; additional terms may apply.
Images, videos and audio are available under their respective licenses.
