Thessaly Zimmerman
| Thessaly Zimmerman | ||
|---|---|---|
| ||
Thessaly Zimmerman (2022)
| ||
| Informacion basico | ||
| Pais |  Aruba
| |
| Nacemento | 12 di september 1994 Aruba | |
| Trabou | ||
| Ofishi | modelo, reina di beyesa | |
| Fisico | ||
| Haltura (cm) | 180 | |
| Color di cabey | bruin | |
| Color di wowo | bruin | |
| Otro informacion | ||
| Participante na | Miss Teen Americas 2013 Miss Amsterdam 2016 Miss Aruba 2021 Miss Universe 2021 | |
| [Edita Wikidata] · [Manual] | ||
Thessaly Charissa Zimmerman (☆ 12 di september 1994 na Pos Chikito) ta modelo y reina di beyesa di Aruba cu na 2021 a titula Miss Aruba y a clasifica den e top 10 finalista di e certamen Miss Universo. Na 2013 e tabata prome runner-up di Miss Teen Americas.
Biografia
[editá | editá fuente]Thessaly Zimmerman a nace na Aruba y a lanta cu su mayornan y dos ruman muhe den bario di Pos Chikito. Desde un edad jong e tabata un atleta ferviente. Durante hopi aña el a sobresali como hungado hubenil di tennis number 1 den su categoria di edad y a representa Aruba den diferente competencia internacional. Tambe el a practica atletismo pa hopi aña riba un nivel halto y tabata ganador di varios medaya.[1] Ora el a termina su HAVO na Colegio Arubano na Oranjestad, el a bay Hulanda unda el a obtene su bachelor den International Communication and Media cu specialisacion den Music Marketing and Management na Hogeschool Utrecht.[2]
Concurso di beyesa
[editá | editá fuente]Zimmerman a cuminsa cu carera den certamen di beyesa na 2012 y a wordo nombra Miss Teen Aruba International 2012. Na juli 2013 el a representa Aruba den Miss Teen Americas 2013 na El Salvador y a termina prome runner-up tras di Fulvia Villarreal di Panama. Tambe el a competi na Aruba Model Search y finalisa den e top 7. El a traha pa KOMA Models na Aruba pa cuater aña.[3]
Dia 30 di oktober 2016 el a competi pa Miss Amsterdam 2016 na Stadsschouwburg na Amsterdam, terminando como runner-up di Ireda Nijboer. Dia 30 di juli 2021 Zimmerman a competi den e certamen di Miss Aruba unda el a titula Miss Universe Aruba 2021. Zimmerman a representa pais Aruba den e certamen internacional di Miss Universe 2021 na Eilat, Israel. Zimmerman a termina den e top 10 di e certamen di beyesa na Israel. Zimmerman kende ke bira un presentado di television a bisa Steve Harvey cu e ta bin pa su trabao na momento cu Harvey a puntra kico ta su pasion. Niun otro miss Arubiano a yega te finalista di Miss Universe desde 1996 ora Taryn Mansell tabata e prome runner-up di Miss Venezuela Alicia Machado.[4]
Link externo
[editá | editá fuente]Fuente, nota i/òf referensia
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
