Sticusa

Fecha di fundashon òf kreashon	1948
Nomber ofisial	Stichting voor Culturele Samenwerking
Pais	Hulanda
Legal form	stichting
Sede	Amsterdam
Fecha final	1991
Obranan den kolekshon	National Museum of World Cultures
Status pa derecho di autor como creador	obra protehi pa derecho di autor

Sticusa, ofisialmente Stichting Culturele Samenwerking (desde 1976)^[1], tabata un fundashon hulandes ku for di 1948 te ku 1991 a haña e tarea di promové kooperashon kultural entre Hulanda i su teritorionan ultramar: Indonesia, Sürnam i Antias Hulandes. Sticusa ta un akrónimo ku den e periodo ei a tabatin diferente nifikashon. Desde aña 1955 e tereno di trabou a keda redusí na e kooperashon di Hulanda ku Sürnam i Antia Hulandes i despues di e independensia di Sürnam na 1975, solamente ku Antia Hulandes.

Sticusa tabata aktivo riba tereno di arte di tarima, teatro, arte visual, media, literatura i siensia. El a stimula e lantamentu di sentronan kultural riba e islanan antiano i a otorgá beka di estudio i premionan di distinshon riba diferente tereno kultural.

Dia 26 di febrüari 1948 a fundá e Stichting voor Culturele Samenwerking tussen Nederland, Indonesië, Suriname en de Nederlandse Antillen na Amsterdam.^[2] E ceremonia a tuma lugá den presensia di e promé minister, Louis Beel, i e minister di Teritorionan Ultramar, Jan Anne Jonkman. Esaki a pone enfasis riba e enbolbimentu finansiero di gobièrnu hulandes. Meta di e fundashon tabata pa logra un desaroyo harmonioso den sentido demokrátiko di kooperashon mutuo riba tereno kultural entre Indonesia, Sürnam, Antia Hulandes y Hulanda, basá riba resiprosidat, hasiendo uso di henter e kapasidat kultural di Hulanda.