poder hudisial

Supkategoria di	public authority
Parti di	legal system
Faseta di	Gerichtsbarkeit, Trias polítika
Praktiká pa	judge, justice of the peace

Poder hudicial, tambe poder huridico (na hulandes: rechterlijke macht, ingles: judiciary), ta un di e tres poder den un estado di derecho, cu ta consisti di e miembronan di e servisio di Ministerio Publico y miembronan di e cortenan na cua e administracion husticial a wordo asigna. Banda di e poder hudicial tin e poder legislativo y e poder ehecutivo. Un di e característicanan di un estado di derecho ta un separacion entre e tres poder. Esaki ta pa garantisa independencia di e poder hudicial.

E poder hudicial ta dividí den e hues y conseheronan (‘magistrado sinta’) y e fiscalnan publico y abogadonan general (‘magistrado para’).

Caribe Hulandes, e islanan Aruba, Kòrsou, Sint Maarten, Boneiru, Sint Eustatius y Saba tin un solo colegio hudicial, Corte Comun di Husticia. E huesnan di e Corte Comun ta administra husticia tanto na prome instancia como den apelacion (pero no den e mesun caso). E miembronan di Corte Comun di Husticia tambe ta traha hunto den colegionan special, manera e Conseho di Apelacion den asuntonan di ambtenaar y esun den asuntonan di impuesto. Sint Maarten ta e unico isla den Caribe Hulandes cu tin un Corte Constitucional.

E paisnan Aruba, Corsou, Sint Maarten y Hulanda, pa loke ta trata Boneiru, Sint Eustatius y Saba, cada un tin nan mes Ministerio Publico (OM) cu un propio oficina, dirigi na prome instancia pa un hefe di OM. Aruba su servicio di Ministerio Publico (OM) ta encabesa pa un propio Procurador General (PG), cu ta duna cuenta na minister di husticia y seguridad di Aruba. E tres otro departamentonan independiente di Ministerio Publico sinembargo ta encabesa pa un Procurador General konhunto, cu tin un ofisina den cada pais y cu ta duna cuenta na e ministernan di husticia y seguridad di Corsou, Sint Maarten y Hulanda.