ସୁବାସ ଦାସ
ସୁବାସ ଦାସ | |
|---|---|
.jpg) | |
| ଜନ୍ମ | ୧୯ ମଇ ୧୯୬୦ |
| ଜାତୀୟତା |  ଭାରତୀୟ |
| ଶିକ୍ଷାନୁଷ୍ଠାନ | ଦାଖା ହାଇସ୍କୁଲ, ଭଦ୍ରକ ମହାବିଦ୍ୟାଳୟ, ରେଭେନ୍ସା ମହାବିଦ୍ୟାଳୟ |
| ପ୍ରସିଦ୍ଧି | ଓଡ଼ିଆ ଗାୟକ ଓ ସଙ୍ଗୀତକାର |
| ବୈବାହିକ-ସାଥୀ | ଶୁଭଲକ୍ଷ୍ମୀ ଦାଶ |
| ସନ୍ତାନ | ବିଶାଳ ସାୟମଜିତ, ଶିବରଞ୍ଜନି |
| ପିତାମାତା | ଆଦିକନ୍ଦ ଦାଶ ଜୟମଣୀ ଦାଶ |
| ପୁରସ୍କାର | ଶ୍ରେଷ୍ଠ ପଚ୍ଚଦପଟ୍ଟ ଗାୟକ (ରାଜ୍ୟ ଚଳଚ୍ଚିତ୍ର ପୁରସ୍କାର) |
ସୁବାସ ଦାଶ (୧୯ ମଇ ୧୯୬୦) , ଜଣେ ଓଡ଼ିଆ ଗାୟକ ଓ ସଙ୍ଗୀତକାର ।[୧] ସେ ୧୪୬ଟି ଓଡ଼ିଆ ଚଳଚ୍ଚିତ୍ର, ୨ଟି ବଙ୍ଗଳା ଓ ୨ଟି ଭୋଜପୁରୀ ଚଳଚ୍ଚିତ୍ରରେ କଣ୍ଠଦାନ କରିଛନ୍ତି ।
ବ୍ୟକ୍ତିଗତ ଜୀବନ
[ସମ୍ପାଦନା]ସୁବାସ ଦାଶ ୧୯୬୦ ମସିହା ମଇ ମାସ ୧୯ ତାରିଖରେ ଭଦ୍ରକ ଜିଲ୍ଲାର ଚାନ୍ଦବାଲି ଅନ୍ତର୍ଗତ ମଉସୁଧା ମୌଜାର ଗୌଡ଼ୁଣୀପୋଖରୀ ଗ୍ରାମରେ ଜନ୍ମଗ୍ରହଣ କରିଥିଲେ ।[୨] ତାଙ୍କ ପିତାଙ୍କ ନାମ ଥିଲା ଆଦିକନ୍ଦ ଦାଶ ଓ ମାତାଙ୍କ ନାମ ଜୟମଣୀ ଦାଶ । ସେ ଦାଖା ହାଇସ୍କୁଲ, ଭଦ୍ରକ ମହାବିଦ୍ୟାଳୟ ଓ ରେଭେନ୍ସା ମହାବିଦ୍ୟାଳୟରୁ ଶିକ୍ଷାଗ୍ରହଣ କରିଥିଲେ ।[୩] ବାଲ୍ୟକାଳରୁ ସେ ମୁରଲୀଧର ଗିରି, ଦିପକ ବାସୁ ଏବଂ ଜେ.ଭି.ଏସ. ରାଓଙ୍କଠାରୁ ସଙ୍ଗୀତ ଶିକ୍ଷା ଲାଭ କରିଥିଲେ । ତାଙ୍କ ପତ୍ନୀ ଶୁଭଲକ୍ଷ୍ମୀ ଦାଶ ମଧ୍ୟ ଜଣେ କଣ୍ଠଶିଳ୍ପୀ । ତାଙ୍କ ପୁତ୍ରଙ୍କ ନାମ ବିଶାଳ ସାୟମଜିତ ଓ କନ୍ୟାଙ୍କ ନାମ ଶିବରଞ୍ଜନୀ ।[୪]
କର୍ମଜୀବନ
[ସମ୍ପାଦନା]ସୁବାସ ଦାଶ ୧୯୭୭ ମସିହାରେ ପ୍ରଥମେ ଆକାଶବାଣୀରେ ଏବଂ ୧୯୮୧ ମସିହାରେ ଦୂରଦର୍ଶନରେ ସଙ୍ଗୀତ ପରିବେଷଣ କରିବାର ସୁଯୋଗ ପାଇଥିଲେ । ୧୯୮୦ ମସିହାରେ ପ୍ରଫୁଲ୍ଲ କରଙ୍କ ସଙ୍ଗୀତ ନିର୍ଦ୍ଦେଶନାରେ, ମାନସୀ କଥାଚିତ୍ରରେ ପ୍ରଥମକରି କଣ୍ଠଦାନ କରିବାର ସୁଯୋଗ ପାଇଥିଲେ । ଓଡ଼ିଆ ବ୍ୟତିତ ସେ ବଙ୍ଗଳା, ଭୋଜପୁରୀ ଓ କନ୍ନଡ଼ ସିନେମାରେ ମଧ୍ୟ କଣ୍ଠଦାନ କରିଛନ୍ତି । ସେ ପ୍ରାୟ ୫୦୦ରୁ ଅଧିକ ଆଲବମରେ ମଧ୍ୟ କଣ୍ଠଦାନ କରିଛନ୍ତି । ଦେଶ, ବିଦେଶରେ ବହୁବାର ସଙ୍ଗୀତ ପରିବେଷଣ କରିଛନ୍ତି । [୫]
କଥାଚିତ୍ରରେ ଭୂମିକା
[ସମ୍ପାଦନା]- ମାନସୀ (୧୯୮୧)
- ମୁଁ କ'ଣ ଏତେ ଖରାପ (୨୦୧୦)
- କାଳୀଶଙ୍କର (୨୦୦୭)
- ରାଖି ବାନ୍ଧିଲି ମୋ ରଖିବ ମାନ (୨୦୦୬)
- ମନ ରହିଗଲା ତୁମରି ଠାରେ (୨୦୦୨)
- ଦଇବ ଦଉଡ଼ି (୧୯୯୦)
- ଯା ଦେବୀ ସର୍ବ ଭୂତେଷୁ (୧୯୮୯)
- ଡୋରା (୧୯୮୪)
- ଅକ୍ଷିତୃତୀୟା (୧୯୮୧)
- ବିଲ୍ୱ ମଙ୍ଗଳ (୧୯୮୧)
- ଝିଙ୍କି ଝିଙ୍କା (୧୯୮୦)
- ରାମାୟଣ (୧୯୮୦)
- ତ୍ରିନାଥ ମେଳା (୧୯୮୦)
- ସମର ସଲିମ ସାଇମନ (୧୯୭୯)
ସମ୍ମାନ ଓ ପୁରସ୍କାର
[ସମ୍ପାଦନା]- ଭିକାରୀ ବଳ କଣ୍ଠଶିଳ୍ପୀ ସମ୍ମାନ - ୨୦୨୨ (ଉତ୍କଳ ସାହିତ୍ୟ ସମାଜ ପ୍ରଦତ୍ତ)[୬]
- ଅକ୍ଷୟ ସ୍ମୃତି ସମ୍ମାନ - ୨୦୧୫[୭]
- ୨୦୧୨ - ପ୍ରଣବ ପରମ୍ପରା ସମ୍ମାନ
- ୧୯୯୯ - ରାଜ୍ୟ ଚଳଚ୍ଚିତ୍ର ପୁରସ୍କାର ( ଶ୍ରେଷ୍ଠ ପ୍ରଛଦପଟ ଗାୟକ- ମନ ରହିଗଲା ତୁମରି ଠାରେ )
- ୧୯୯୦ - ରାଜ୍ୟ ଚଳଚ୍ଚିତ୍ର ପୁରସ୍କାର ( ଶ୍ରେଷ୍ଠ ପ୍ରଛଦପଟ ଗାୟକ-ଦଇବ ଦଉଡ଼ି )
ଆଧାର
[ସମ୍ପାଦନା]- ↑ Orissa reference: glimpses of Orissa. TechnoCAD Systems. 2001.
- ↑ "କଥାରେ କଥାରେ". ଇଟିଭି ଓଡ଼ିଆ. Retrieved 19 May 2017.
- ↑ "ଗୌଡୁଣୀପୋଖରୀରୁ ଗୀତର ଗୋପନଗରୀ". No. ସମାଜ ୨୯/୦୬/୨୦୨୧ ଭୁବନେଶ୍ୱର ସଂସ୍କରଣ ପୃଷ୍ଠା ୧୫. ସମାଜ. Archived from the original on 29 June 2021. Retrieved 29 June 2021.
- ↑ "ବ୍ୟକ୍ତିତ୍ୱ". No. ନିତିଦିନ ୦୬/୦୩/୨୦୨୦ପୃଷ୍ଠା ୯. ନିତିଦିନ. Archived from the original on 2020-03-06. Retrieved 6 March 2020.
- ↑ "ଆର୍କାଇଭ୍ କପି". Archived from the original on 2012-05-14. Retrieved 2012-08-14.
((cite web)): Cite has empty unknown parameter:|1=(help) - ↑ "ପଦ୍ମଶ୍ରୀ ଦେବୀପ୍ରସନ୍ନ ପଟ୍ଟନାୟକଙ୍କୁ 'ଉତ୍କଳ ରତ୍ନ'". No. ସମାଜ ୧୨/୦୫/୨୦୨୨ କଟକ ସଂସ୍କରଣ ପୃଷ୍ଠା ୪. ସମାଜ. Archived from the original on 12 May 2022. Retrieved 12 May 2022.
- ↑ "ଅକ୍ଷୟ ମହାନ୍ତି ଥିଲେ କାଳଜୟୀ ବ୍ୟକ୍ତିତ୍ୱ". ଧରିତ୍ରୀ. ୧୮ ନଭେମ୍ବର ୨୦୧୫. p. ୧୨. Retrieved 25 November 2015.
((cite news)): Check date values in:|date=(help)
ବାହାର ଆଧାର
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ସୁବାସ ଦାସ
Text is available under the CC BY-SA 4.0 license; additional terms may apply.
Images, videos and audio are available under their respective licenses.
