इमारात दूरसञ्चार समूह कम्पनी^[१]
مؤسسة الإمارات للاتصالات

व्यवसाय प्रकार	सार्वजनिक
उद्योग	दूरसञ्चार
स्थापित	५ अक्टोबर १९७६; ४७ वर्ष पहिले (१९७६-१०-05)
केन्द्रीय कार्यालय	अबु धबी , संयुक्त अरब इमारात
सेवा क्षेत्र	सूची संयुक्त अरब इमारात  साउदी अरब  श्रीलङ्का  मोरक्को पाकिस्तान मिस्र  अफगानिस्तान मुरितानिया  माली  गाबोन  बुर्किना फासो  बेनिन कोत् दिभ्वा  टोगो  नाइजर  मध्य अफ्रिकी गणतन्त्र  नाइजेरिया
मुख्य व्यक्ति	इसा इल सुवादिनी (अध्यक्ष) सालिह् अल अबदुली (कार्यकारी अधिकृत) हतिम बमत्राफ (सञ्चालन अधिकृत)
उत्पादनहरू	ल्यान्डलाइन र मोबाइल फोन सेवा, इन्टरनेट सेवाहरू, अङ्कीय दूरदर्शन
आम्दानी	५२.४ अर्ब दिरहम (सन् २०१८)
खुद मुनाफा	८.६ अर्ब दिरहम (सन् २०१८)
कर्मचारी सङ्ख्या	11,000 (2009)
सहायक कम्पनीहरू	सूची अल थुरया मुबायली इतिसालात श्रीलङ्का इतिसालात अल-मघरिब पाकिस्तान दूरसञ्चार कम्पनी लिमिटेड इतिसालात मिस्र मुरितिल सुतिलमा
वेबसाइट	इतिसालात.कम

इमारात दूरसञ्चार समूह कम्पनी (अरबी: مؤسسة الإمارات للاتصالات‎, मुआस्सह् अल-इमारात लिल इतिसालात वा इतिसालात (अरबी: اتصالات‎) संयुक्त अरब इमारातमा आधारित एक बहुराष्ट्रिय दूरसञ्चार सेवा प्रदाता हो। हाल यसले एसिया, मध्य पूर्व र अफ्रिकामा गरी १५ देशहरूमा यसको सञ्जाल विस्तार छ। फेब्रुअरी २०१४ का अनुसार, इतिसालात विश्वमा १४ औँ सबैभन्दा ठूलो मोबाइल सञ्जाल सञ्चालक हो, जसको कुल प्रयोगकर्ता १६ करोड ७० लाख भन्दा बढी रहेका छन् ।^[२] इतिसालात लाई सन् २०१२ मा संयुक्त अरब इमिरेट्स मा फोर्ब्स मध्य पूर्व द्वारा सबै भन्दा शक्तिशाली कम्पनीको रूपमा नामाकरण गरिएको थियोे ।^[३]

३१ डिसेम्बर २०१५ मा, इतिसालातले ५१.७ अर्ब दिरहामको राजस्व सङ्कलन गरेको थियोे भने यसले कूल मुनाफा ८७.७ अर्ब दिरहम निकाल्न सफल भएको थियो। कम्पनीको कुल बजार पूजीकरण हाल ८७.७ अर्ब दिरहम रहेको छ।^[४] यो देशमा केवल दुई दूरसञ्चार सेवा प्रदायक कम्पनीहरू रहेका छन् जसमा अर्को रइमाराती एकीकृत दूरसञ्चार कम्पनी (दु) हो। इतिसालात मध्य पूर्वमा इन्टरनेट केन्द्रहरु मध्ये एक हो जुन यस क्षेत्रमा अन्य दूरसञ्चार कम्पनीहरूसँग जोडिने क्षमता प्रदान गर्दछ। यो मध्य पूर्व र अफ्रिकामा अन्तर्राष्ट्रिय आवाज ट्राफिकको सबैभन्दा ठूलो सञ्चालक हो र विश्वमा १२ औँ सबैभन्दा ठूलो आवाज ट्राफिक सञ्चालक हो। डिसेम्बर २०११ मा इतिसालातले दीर्घकालीन सञ्जालको वाणिज्यिक प्रक्षेपणको घोषणा गरेको थियोे। यसको प्रधान कार्यालय संयुक्त अरब इमारातको अबु धबीमा अवस्थित छ।^[५]

इमारात दूरसञ्चार समूह कम्पनी वा इतिसालातको स्थापना सन् १९७६ मा भएको थियो। कम्पनी स्थापना बेलायती कम्पनी, अन्तर्राष्ट्रिय एरेडियो लिमिटेड र स्थानीय साझेदारहरू बीच एक संयुक्त पुँजी कम्पनीको रूपमा भएको थियो। सन् १९८३ मा यसमा स्वामित्वको संरचना परिवर्तन भएको थियो जसमा संयुक्त अरब इमारात सरकारको कम्पनीमा ६०% र बाँकी ४०% स्वामित्व सार्वजनिक रूपमा रहेको थियो।

सन् १९९१ मा, इमाराती सरकारले सङ्घीय कानून जारी गरेको थियो जसले संयुक्त अरब इमारात र अन्य देशहरूको बीचमा दूरसञ्चार तथा ताररहित सेवाहरू प्रदान गर्ने अधिकार प्रदान गरेको थियो।यसले कम्पनीलाई स्वामित्व, आयात, निर्माण, दूरसञ्चार उपकरणको प्रयोग वा सञ्चालनका लागि इजाजत पत्र जारी गर्नका लागि अधिकार पनि प्रदान गरेको थियो। यसले व्यावहारिक रूपमा इतिसालातलाई दुबै नियामक र नियन्त्रण शक्तिहरू प्रदान गरेको थियो जसले देशमा दूरसञ्चार क्षेत्रमा एकाधिकार पूरा गरेको थियो। तथापि, देशको आर्थिक विकासको रक्षा गर्न राष्ट्रिय कानूनले देशको दूरसञ्चार क्षेत्रको विकासको लागि प्रावधान राखेको थियो। ^[६]

हाल इतिसालात बजार पुँजीकरणको हिसाबले फाइनान्सियल टाइम्सको शीर्ष ५०० निगमहरूमा १४०औँ स्थानमा सूचीकृत छ। मध्यपूर्व पत्रिकाले यसलाई बजार पूँजीकरण र राजस्वको आधारमा छैटौँ ठूलो कम्पनीको रूपमा स्थान प्रदान गरेको छ। देशको सङ्घीय सरकारको विकास कार्यक्रममा कम्पनी तेल उत्पादन क्षेत्रबाहिर सबैभन्दा ठूलो करदाता हो। नोभेम्बर २०१३ मा, इतिसालात साइप्रसको प्रथम दर्जाको अनोर्थोसिस फामागुस्ता फुटबल क्लबको आधिकारिक प्रायोजक भएको घोषण गरिएको थियो।^[७]

इतिसालात अन्तर्राष्ट्रिय लगानी एटिसलतको एक व्यापारीक इकाई हो जसले संयुक्त अरब इमिरेट्सको बाहिरका देशहरू जस्तै अफगानिस्तान, इजिप्ट, नाइजेरिया, नाइजर, साउदी अरब, श्रीलङ्का र पाकिस्तानमा दूरसञ्चार सेवाको सञ्चालन गरेको छ । जुलाई २०१७ सम्म, संयुक्त अरब इमिरेट्स बाहिर १५ देशहरूमा इतिसालातले उपस्थिति र सेवा सञ्चालन गरेको छ ।^[८]

देश	सञ्चालक
संयुक्त अरब इमिरेट्स	इतिसालात
साउदी अरब	मोबिलि
श्रीलङ्का	इतिसालात श्रीलङ्का
मोरक्को	मारोक दूरसञ्चार
पाकिस्तान	पाकिस्तान दूरसञ्चार कम्पनी लिमिटेड
इजिप्ट	इतिसालात मिस्र
अफगानिस्तान	इतिसालात अफगानिस्तान
मौरिसनिया	मौरिटेल
माली	सोटेलमा
आइभोरी कोस्ट	मूभ
मध्य अफ्रिकी गणतन्त्र	मूभ
गाबोन	मूभ
टोगो	मूभ
बेनिन	मूभ
नाइजर	मूभ
बुर्किना फासो	आेनाटेल

इतिसालात (श्रीलङ्का) (सिन्हाला: එටිසලාට් ; तमिल: எடிசலாட்) श्रीलङ्काको एक मोबाइल दूरसञ्चार सेवा प्रदायक हो। यो हाल संयुक्त अरब इमारातमा आधारित दूरसञ्चार सञ्चालक इतिसालातको स्वामित्वमा रहेको छ। फेब्रुअरी २०१२ सम्म यसका ४० लाख भन्दा बढी प्रयोगकर्ताहरू रहेका थिए।^[९]कम्पनीले १५ अगस्ट २०१२ मा दोहोरो वाहक विकसित उच्त गति सञ्जाल सेवाहरूको व्यावसायिक प्रक्षेपणको घोषणा गरेको थियो भने यो उक्त सेवाको सञ्चालनमा ल्याउने यो दक्षिण एसियामा पहिलो दूरसञ्चार कम्पनी पनि हो। यसको प्रधान कार्यालय श्रीलङ्काको कोलम्बोमा अवस्थित छ। यसको नारा "तपाईलाई शक्ति" हो।

• इमाराती इतिसालात
• अन्तर्राष्ट्रिय वेबसाइट
• मुबयलीको वेबसाइट
• इतिसालात अफघानस्तान

विकिमिडिया कमन्समा इतिसालात सम्बन्धी अन्य सामग्रीहरू रहेका छन्।