ഇംഗ്ലീഷ് വിലാസം

https://ml.wikipedia.org/wiki/Ma%27din

സയ്യിദ് ഇബ്രാഹീം ഖലീലുൽ ബുഖാരിയുടെ നേതൃത്വത്തിൽ മലപ്പുറം ജില്ലയിലെ സ്വലാത്ത് നഗറിൽ 1997 ലാണ് മഅ്ദിൻ അക്കാദമി (ഇംഗ്ലീഷ്:  Ma'din Academy) ആരംഭിച്ചത്. മഅ്ദിൻ അക്കാദമിയുടെ പൂർണ്ണനാമം മഅ്ദിനു സ്സഖാഫത്തിൽ ഇസ്ലാമിയ്യ എന്നാണ്. 1997 ജൂൺ 6 ന് മലപ്പുറം സ്വലാത്ത് നഗറിൽ പ്രവർത്തനമാരംഭിച്ച സ്ഥാപനം ഇന്ന് നാൽപത്തഞ്ചിലധികം സ്ഥാപനങ്ങളിലായി 25000^[1] വിദ്യാർത്ഥികൾ പഠിച്ചുകൊണ്ടിരിക്കുന്നു.

ഇൻറർനാഷനൽ ഇസ്‍ലാമിക് യൂനിവേഴ്‍സിറ്റി മലേഷ്യ, ദാറുൽ മുസ്തഫ^[2] ഉൾപ്പെടെ ഒട്ടേറെ സർവകലാശാലകളുമായി അക്കാദമിക ധാരണാ പത്രങ്ങൾ മഅ്ദിൻ ഒപ്പു വെച്ചിട്ടുണ്ട്. മലേഷ്യൻ യൂണിവേഴ്‌സിറ്റിയുടെ സർട്ടിഫിക്കറ്റോടെയുള്ള ഇസ്ലാമിക്ക് ബാങ്കിങ് പഠിപ്പിക്കാനുള്ള കേന്ദ്രമായും ജാമിഅമില്ലിയ്യയുടെ സ്റ്റഡിസെന്ററായും മഅ്ദിന് അംഗീകാരം ലഭിച്ചിട്ടുണ്ട്. സാംസ്‌കാരിക-ചരിത്ര പഠന മേഖലയലെ സഹകരണത്തിന് യുഎസ് ആസ്ഥാനമായ ഷെൻഗെ ഇന്റർനാഷണൽ പീസ് ഫൗണ്ടേഷനും മഅ്ദിൻ അക്കാദമിയും ധാരണാപത്രത്തിൽ ഒപ്പ് വെച്ചു.^[3] സ്പാനിഷ് ഭാഷാ പഠനത്തെ വിപുലപ്പെടുത്തുന്നതിന് വേണ്ടി മഅ്ദിൻ അക്കാദമി ഇൻസ്റ്റിറ്റ്യൂട്ടോ സെർവാൻതസുമായി സഹകരണ കരാറിൽ ഒപ്പുവെച്ചു.^[4]

അറബി ഭാഷാ രംഗത്തെ സംഭാവനക്കും സേവനത്തിനും മഅ്ദിൻ അക്കാദമി നൽകുന്ന പുരസ്‌കാരമാണ് സയ്യിദ് അഹമദുൽ ബുഖാരി അവാർഡ്. മഅ്ദിൻ ചെയർമാൻ സയ്യിദ് ഇബ്‌റാഹീം ഖലീൽ ബുഖാരിയുടെ പിതാവായ അഹ്മദുൽ ബുഖാരിയുടെ നാമധേയത്തിലാണ് അവാർഡ്. കോട്ടൂർ കുഞ്ഞമ്മു മുസ്‌ലിയാർ, കോടമ്പുഴ ബാവ മുസ്‌ലിയാർ, എ കെ അബ്ദുർറഹ്മാൻ മുസ്‌ലിയാർ, ഇ. സുലൈമാൻ മുസ്‌ലിയാർ, ചിത്താരി ഹംസ മുസ്‌ലിയാർ, പൊന്മള അബ്ദുൽ ഖാദിർ മുസ്‌ലിയാർ, കെ പി മുഹമ്മദ് മുസ്ലിയാർ കൊമ്പം^[5] എന്നീ അറബി ഭാഷാ രംഗത്ത് നിസ്തുല സേവനങ്ങൾ നടത്തിയ പണ്ഡിതന്മാർക്കാണ് കഴിഞ്ഞ വർഷങ്ങളിൽ അവാർഡുകൾ സമ്മാനിച്ചത്. ഒരുലക്ഷം രൂപയും പ്രശസ്തി പത്രവുമടങ്ങുന്നതാണ് അവാർഡ്.^[6]

സ്ഥാപനത്തില് നിന്ന് പഠനം പൂര്ത്തീകരിച്ച വിദ്യാര്ത്ഥികള്ക്ക് നല്കുന്ന ഇസ്ലാമിക് ബിരുദമാണ് അദനി. 2016 ലാണ് ആദ്യ ബാച്ച് പുറത്തിറങ്ങിയത്. ഇതിന്റെ പ്രഖ്യാപനം നടത്തിയത് സമസ്ത പ്രസിഡന്റ്. ജാമിഅഃ സഅദിയ്യ സ്ഥാപകനും നൂറുൽ ഉലമ ma അബ്ദുൽ ഖാദിർ മുസ്‌ലിയാർ ആണ് .

മത, ഭൗതിക സാങ്കേതിക സമന്വയ വിദ്യാഭ്യാസമാണ് മഅ്ദിൻ നടപ്പാക്കുന്നത്. അനാഥാലയങ്ങൾ, കോളേജുകൾ, സ്കൂളുകൾ, അന്താർദേശീയ പാഠശാലകൾ, വനിതാ വിദ്യാഭ്യാസ കേന്ദ്രങ്ങൾ, തുടങ്ങി നിരവധി സ്ഥാപനങ്ങൾ ഉൾപ്പെടുന്നതാണ് മഅ്ദിൻ അക്കാദമി.

• ആര്ട്സ് ആൻഡ്‌ സയൻസ് കോളേജ്
• റെസിഡെൻഷ്യൽ സ്കൂൾ
• ദഅ് വ കോളേജ്
• ശരീഅത്ത് കോളേജ്
• ഖുർആൻ പഠന കേന്ദ്രം
• മഅ്ദിൻ അറബിക് സ്റ്റഡി സെന്റർ^[7]
• ഇൻസ്റ്റിറ്റ്യൂട്ട് ഓഫ് ടര്കിഷ് സ്റ്റഡീസ്
• മീഡിയ സ്കൂൾ
• പോളിടെൿനിക് കോളേജ്
• പബ്ലിക്‌ സ്കൂൾ
• സ്പാനിഷ്‌ അക്കാദമി
• സ്കൂൾ ഓഫ് എക്സലൻസ്
• ഷീ ക്യാമ്പസ്‌
• ഏബ്ൾ വേൾഡ്
• മഅ്ദിൻ ക്യൂ ലാന്റ്
• മഅ്ദിൻ ഇൻഡസ് അക്കാദമി
• മഅ്ദിൻ ഹോം സയൻസ് സെന്റർ^[8]

സാങ്കേതിക, തൊഴിലധിഷ്ഠിത വിദ്യാഭ്യാസ രംഗത്ത് ബഹുമുഖ പദ്ധതികളോടെയുള്ള മഅ്ദിൻ അക്കാദമിയുടെ പുതിയ സംരംഭമാണ് മഅ്ദിൻ എജ്യൂ പാർക്ക്.^[13]

മതവിദ്യാഭ്യാസത്തോടുകൂടെ ഭൗതികവിദ്യയും അഭ്യസിപ്പിക്കുന്ന വിദ്യാഭ്യാസ സമുച്ഛയമാണ് മഅ്ദിൻ ദഅ്‌വ കോളേജുകൾ. മഅ്ദിൻ സ്ഥാപനത്തിന്റെ കീഴിൽ 5 വലിയ ദഅ്‌വാ കോളേജുകളും 5ൽ അധികം ഓഫ് കാമ്പസുകളും പ്രവർത്തിച്ച് വരുന്നു.

കാശ്മീരിൽ നിന്നുള്ള വിദ്യാർത്ഥികൾക്ക് വിജ്ഞാനം നേടാനുള്ള സംരംഭമാണ് ഇൻഡക്‌സ് അക്കാദമി. സി ബി എസ് ഇ ഇംഗ്ലീഷ് മീഡിയം സകൂൾ പഠനം മത വിഷയങ്ങളിൽ പരിശീലനം  എന്നിവ നല്കുന്നു.

എസ് എസ് എൽ സി പരീക്ഷയിൽ മുഴുവൻ സയൻസ് വിഷയങ്ങളിലും 85 ശതമാനത്തിൽ കൂടുതൽ മാർക്ക് നേടുന്നവരെ തിരഞ്ഞെടുത്ത് സയൻസ് ഒപ്ഷനൽ സബ്ജക്ട് തിരെഞ്ഞെടുത്ത് തുടർ പഠനത്തിൻ അവസരം ഒരുക്കുന്ന സ്ഥാപനം. മെഡിക്കൽ എൻജിനീയറിങ് എൻട്രൻസ് പരിശീലനം നൽകുന്നതോടൊപ്പം മതപഠനത്തിനും അവസരം നൽകുന്നു.^[14]

മഅ്ദിൻ ഡെസ്റ്റിറ്റിയൂട്ട് ഹോം 2008ൽ തുടക്കം കുറച്ചു. ഡെസ്റ്റിറ്റിയൂട്ട് ഹോം ഓർഫനേജ് കൺട്രോൾ ബോർഡിന്റെ അംഗീകാരത്തോടെ പ്രവർതിക്കുന്നു. ഇസ്ലാമിക്ക് ദഅ്‌വ കോളേജ്, ഹിഫഌൽ ഖുർആൻ കോളേജ്, മോഡൽ അക്കാദമി എന്നീ വിഭാഗങ്ങളിലെ സാമ്പത്തികമായി പിന്നോക്കം നിൽക്കുന്ന വിദ്യാർത്ഥികളെ ദത്തെടുത്ത് വളർത്തുന്നു.

മലപ്പുറം ജില്ലയിലെ ആദ്യത്തെ സ്വാശ്രയ പോളിടെക്‌നുക്ക് കോളേജാണ് മഅ്ദിൻ സ്ഥാപിച്ചത്. 1. സിവിൽ എഞ്ചിനീയറിങ് 2. മെക്കാനിക്കൽ എഞ്ചിനീയറിങ് 3. ഇലക്ട്രിക്കൽ ആന്റ് ഇലക്‌ട്രോണിക്‌സ് എഞ്ചിനീയറിങ് 4.കമ്പ്യൂടർ എഞ്ചിനീയറിങ് 5. ഓട്ടോമൊബൈൽ എഞ്ചിനീയറിങ് 6. ആർകിടെക്ചർ എന്നീ മേഖലകളിൽ വിദ്യാഭ്യസം നൽകുന്നു.

പെൺകുട്ടികൾക്ക് സുരക്ഷിതമായി ഖുർആൻ മനഃപാഠമാക്കുന്നതോടൊപ്പം ഭൗതിക പഠനവും സാധ്യമാക്കുന്ന സ്ഥാപനമാണ് മഅ്ദിൻ ക്യൂ ലാന്റ്. മലപ്പുറം ജില്ലയിലെ പുല്പറ്റയിലാണ് സ്ഥാപനം നിലകൊള്ളുന്നത്‌^[15]

മഅ്ദിൻ അക്കാദമിയുടെ പന്ത്രണ്ടാം വാർഷികാഘോഷത്തെയാണ്‌ എൻകൗമിയംഎന്ന് വിളിക്കപ്പെടുന്നത്. എൻകൗമിയം എന്നത് ഇംഗ്ലീഷ് ഭാഷയാണ്‌. പ്രകീര്ത്തനം എന്നാണര്ത്ഥം.^{[16][17][18][19]}

മഅ്ദിൻ അക്കാദമിയുടെ ഇരുപതാം വാർഷികാഘോഷത്തെയാണ്‌ വൈസനിയം(Latin: [vicennium])^[20] എന്ന് വിളിക്കപ്പെടുന്നത്. ലാറ്റിൻ ഭാഷയിലെ വൈസനിയം എന്ന വാക്കിനർത്ഥം ഇരുപത് വർഷങ്ങൾ എന്നാണ്. 2017 ഡിസംബറിൽ അവസാനിക്കുന്ന വൈസനിയം പരിപാടികൾ ബഹു: മുഖ്യമന്ത്രി ഉമ്മൻ ചാണ്ടിയാണ് ഉദ്ഘാടനം ചെയ്തത്.ഗൾഫ് രാജ്യങ്ങൾ, ഫിജി, ആസ്‌ത്രേലിയ, മലേഷ്യ, എന്നീ രാജ്യങ്ങളിൽ പ്രീ കോൺഫറൻസുകൾ നടന്നു.^[21] മത-ഭൗതിക വിദ്യാഭ്യാസത്തിനായി ഓൺലൈൻ പഠനാവസരങ്ങളുണ്ടാക്കുന്ന വെർച്വൽ യൂണിവേഴ്‌സിറ്റി^[22] വിദ്യാഭ്യാസം, മതം, സാംസ്‌കാരികം സാമ്പത്തികം, ചരിത്രം, കുടുംബം, കുടിയേറ്റം എന്നീവിഭാഗങ്ങളിലായി നടക്കുന്ന വിവധ പദ്ധതികളാണ് വൈസനിയം വിഭാവനം ചെയ്യുന്നത്. 2015 آ ആരംഭിച്ച വൈസനിയം പരിപാടികളുടെ സമാപനം 2018 ഡിസംബہ 27,28,29,30 തി؟തികളിലാണ് നട،ുന്നത്.

ആതുര സേവനത്തിലെ മഅ്ദൻ മുഖമാണ് ഇത്. ഹോസ്‌പൈസ് എന്നാൽ അഭയകേന്ദ്രം എന്നാണ് അർത്ഥം. അത്യാഹിതങ്ങളിൽ ആശുപത്രികളിൽ എത്തിക്കാൻ ആദുനിക സംവിദാനത്തോട്കൂടെയുള്ള ആംബുലൻസ് സേവനവും പാലിയേറ്റീവ് ഹോംകെയറും പദ്ധതിയുടെ ഭാഗമായി പ്രവർത്തനസജ്ജമായിട്ടുണ്ട്.^{[21][23][24][25][26]} വൈസനിയത്തിന്റെ ഏറ്റവും പ്രധാന പദ്ധതിയാണ്. മഅ്ദിൻ ഹോസ്‌പൈസ്^[27] പാരാപ്ലീജിയ രോഗികൾക്ക് ആശ്വാസം നല്കാൻ പാരാപ്ലീജിയ സ്‌നേഹ മീറ്റ് സംഘടിപ്പിച്ചു.^[28][29]

പൊതുജനാരോഗ്യ സംരക്ഷണത്തിനുള്ള മെഡിക്കൽ കാമ്പാണ് മെഡ്ഹൽഫെ. കേരളത്തിനകത്തും പുറത്തുമുള്ള ആശുപത്രികളുടെ സഹായത്തോടെയാണ് പദ്ധതി നടപ്പിലാക്കിയത്. രണ്ടായിരത്തിലധികം പേർ പങ്കെടുത്തു.രണ്ടാം ഘട്ട മെഡ്ഹിൽഫെ പ്രഖ്യാപിച്ചു.^[30]

ഏബ്ൾ വേൾഡ് എന്നാൽ ശേഷിയുടെ ലോകം. മഅ്ദിൻ വൈസനിയത്തിന്റെ ഭാഗമായി ഭിന്ന ശേഷിയുള്ളവർക്കും വിവിധ കാരണങ്ങളാൽ പൊതു ധാരയിലേക്ക് വരാൻ കഴിയാത്തവർക്കുമായി 2017 ജൂലൈ 27ന് മഅ്ദിൻ കാമ്പസിൽ വച്ച് ഈ സ്ഥാപനത്തിന്റെ ശിലാസ്ഥാപനം നടന്നു. 

വീൽ ചെയർ രോഗികൾ, അപകടങ്ങളിൽ പെട്ട് ശയ്യാവലംബികളായവർ, ഓട്ടിസം ബാധിച്ചവർ , സാധാരണ ശാരീരിക മാനസിക ശേഷിയില്ലാത്തവർ, എന്നീ വിഭാകങ്ങൾകുള്ള പദ്ധതികളാണ് ആവിഷ്‌കരിക്കുന്നത്പുനരധിവാസം, ഡെ കെയർ, തൊഴിൽ പരിശീലനം, ഫാമി എംപവർമെന്റ്, കൗൺസിലിംഗ് എന്നിവയാണ് ഇവർക്ക് തയ്യാറാക്കിയിട്ടുള്ളത്.^[31]

കാർഷിക രംഗത്തെ സ്വയം പര്യാപ്തത ഉറപ്പ് വരുത്തുന്നതിനും  വിഷരഹിത കൃഷി രീതികൾ പ്രോത്സാഹിപ്പിക്കുന്നതിനുമായി മഅ്ദിൻ അക്കാദമിയുടെ വൈസനിയം ആഘോഷങ്ങളുടെ ഭാഗമായി കൃഷിമന്ത്രി ഉദ്ഘാടനം ചെയ്ത പദ്ധതിയാണ് ആഗ്രോ സ്‌പെയ്‌സ്.</[1] Archived 2018-02-05 at the Wayback Machine.[2]

കേരളം, തമിഴ്‌നാട് കർണാടകയുടെ ചില ഭാഗങ്ങൾ എന്നിവയെല്ലാമുൾപ്പെട്ട ഭൂപ്രദേശമായിരുന്ന മലബാറിലേക്ക് ഇബ്‌നു ബത്തൂത്തയുടെ സഞ്ചാരപഥവും വാണിജ്യ മേഖലയിലെ മലബാറിന്റെ പാരമ്പര്യവും ചർച്ചാവിഷയമാക്കി അഗാദീർ യൂണിവേഴ്‌സിറ്റി, മലേഷ്യൻ അന്താരാഷ്ട്ര ഇസ്ലാമിക്ക് സർവകലാശാല, യൂ. എൻ. എ.ഒ.സി, ഹംദർദ് ഫൗണ്ടേഷൻ എന്നിവരുടെ സംഘാടനത്തിൽ മഅ്ദിൻ അക്കാദമി ആദിത്ത്യമരുളുന്ന ചരിത്രപഠനവും സെമിനാർ അവതരണവുമാണ് ഇതിന്റെ ഭാഗമായി നടക്കുന്നത്.^[32]

മഅ്ദിൻ അക്കാദമി മലപ്പുറത്തിന്റെ ഭാഗമായി മലയാളം വിക്കിപീഡിയ പ്രവർത്തകരുടെ സഹായത്തോടെ നടത്തുന്ന പഠന ശിബിര പരിപാടിയാണിത്. മഅദിൻ ഇരുപതാം വാർഷികമായ വൈസനീയം പരിപാടിയുടെ ഭാഗമായാണ് ഇത് നടത്തപെട്ടത്.

• ഔദ്യോഗിക വെബ്സൈറ്റ്
• മഅ്ദിൻ പബ്ലിക്‌ സ്കൂൾ Archived 2016-04-08 at the Wayback Machine.
• മഅ്ദിൻ ആര്ട്സ് ആൻഡ്‌ സയൻസ് കോളേജ്^{[പ്രവർത്തിക്കാത്ത കണ്ണി]}
• മഅ്ദിൻ പോളിടെൿനിക് കോളേജ് Archived 2016-03-25 at the Wayback Machine.

Ma'din എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.