ഇംഗ്ലീഷ് വിലാസം

https://ml.wikipedia.org/wiki/Fourteenth_KLA

കേരള സംസ്ഥാനം ഔദ്യോഗികമായി രൂപം കൊണ്ടതിനു ശേഷം നടന്ന പതിനാലാമത്തെ നിയമസഭാ പൊതു തിരഞ്ഞെടുപ്പിൽ (2016) തിരഞ്ഞെടുക്കപ്പെട്ട അംഗങ്ങളായിരുന്നു പതിനാലാം കേരളനിയമസഭയെ പ്രതിനിധീകരിച്ചത്.

പതിനാലാം കേരളനിയമസഭയിലേക്കുള്ള അംഗങ്ങളെ തെരഞ്ഞെടുക്കുന്നതിനായി 2016 മേയ് 16-നു നടന്ന പൊതുതിരഞ്ഞെടുപ്പിൽ ആകെയുള്ള 140 മണ്ഡലങ്ങളിൽ 85 എണ്ണത്തിലും എൽ.ഡി.എഫ്. വിജയിച്ചു. ആറു സ്വതന്ത്രർ കൂടി പിന്തുണ നൽകിയതോടെ 91 സീറ്റുകൾ നേടിക്കൊണ്ട് എൽ.ഡി.എഫ്. അധികാരത്തിലെത്തി. 2011 മുതൽ അധികാരത്തിലിരുന്ന യു.ഡി.എഫിന് ഈ തിരഞ്ഞെടുപ്പിൽ 47 സീറ്റുകൾ മാത്രമാണ് നേടാൻ കഴിഞ്ഞത്.^[1]

• പതിനാലാം നിയമസഭയിലെ കക്ഷിനില ; എൽ.ഡി.എഫ്. - 91, യു.ഡി.എഫ്. - 47, ബി.ജെ.പി. - 1, സ്വതന്ത്രൻ - 1 (പി.സി. ജോർജ്)
• നിയമസഭയിൽ ആദ്യമായി ബി.ജെ.പി.ക്ക് ഒരു സീറ്റ് ലഭിച്ചു. (ഒ. രാജഗോപാൽ (നേമം))
• ഒൻപത് വനിതാ അംഗങ്ങളാണ് 14-ാം നിയമസഭയിലുള്ളത്. അവരിൽ എട്ടുപേർ എൽ.ഡി.എഫിൽ നിന്നുള്ളവരും, ഒരാൾ യൂഡിഎഫ് പ്രതിനിധിയുമാണ്.^[2]
• ഏറ്റവും പ്രായം കൂടിയ സാമാജികൻ: വി.എസ്. അച്യുതാനന്ദൻ (92 വയസ്സ്).
• ഏറ്റവും പ്രായം കുറഞ്ഞ സാമാജികൻ: മുഹമ്മദ്‌ മുഹ്സിൻ പി. (30 വയസ്സ്) ^[3]

പതിനാലാം കേരള നിയമസഭയിലെ എം.എൽ.എ-മാരുടെ പട്ടിക (വടക്ക് നിന്ന് തെക്കോട്ടുള്ള മണ്ഡലങ്ങളുടെ ക്രമത്തിൽ) ചുവടെ ചേർക്കുന്നു^[4].

• ജോൺ ഫെർണാണ്ടസാണ് ആംഗ്ലോ ഇന്ത്യൻ പ്രതിനിധിയായി നാമ നിർദ്ദേശം ചെയ്യപ്പെട്ട അംഗം.

തിരഞ്ഞെടുപ്പിലെ വിജയത്തിനുശേഷം ഇടതുപക്ഷ ജനാധിപത്യ മുന്നണിയുടെ നേതൃത്വത്തിലുള്ള മന്ത്രിസഭ രൂപീകരിക്കപ്പെട്ടു. പിണറായി വിജയൻ മുഖ്യമന്ത്രിയായുള്ള 19 അംഗ മന്ത്രിസഭ 2016 മേയ് 25-ന് സത്യപ്രതിജ്ഞ ചെയ്ത് അധികാരമേറ്റു. കേരളത്തിന്റെ മുഖ്യമന്ത്രിയാകുന്ന പന്ത്രണ്ടാമത്തെ വ്യക്തിയാണ് പിണറായി വിജയൻ.^[5] സി.പി.എം. നേതൃത്വത്തിലുള്ള ആറാമത് മന്ത്രിസഭയാണിത്. തിരുവനന്തപുരത്തെ സെക്രട്ടറിയേറ്റിനു സമീപമുള്ള സെൻട്രൽ സ്റ്റേഡിയത്തിൽ വച്ചു നടന്ന ചടങ്ങിൽ ഗവർണർ പി.സദാശിവമാണ് സത്യവാചകം ചൊല്ലിക്കൊടുത്തത്.^[5] പുതിയ മന്ത്രിസഭയുടെ ആദ്യ യോഗവും അന്ന് നടന്നു.

• കേരള നിയമസഭ
• കേരളത്തിലെ മന്ത്രിസഭകൾ
• കേരളത്തിലെ നിയമസഭാമണ്ഡലങ്ങളുടെ പട്ടിക