കണ്ണൂർ വിളക്കുമാടം
| |
| 1976 ജൂലൈ 25-ന് പ്രവർത്തനമാരംഭിച്ച പുതിയ വിളക്കുമാടം. | |
| Location | കണ്ണൂരിന് വടക്ക് |
|---|---|
| Coordinates | 11°51′37″N 75°21′21″E / 11.860361°N 75.355919°E |
| Year first constructed | 1975 |
| Year first lit | 1976 |
| Construction | കോൺക്രീറ്റ് |
| Tower shape | സിലിണ്ടർ |
| Markings / pattern | ചുവപ്പുനിറം. ഒറ്റ വെള്ളവലയം. |
| Focal height | 35 മീറ്റർ (115 അടി)(({focalheight))} |
| Original lens | ടൈപ്പ് സി സീൽഡ് ബീം ലാമ്പ് |
| Current lens | ടൈപ്പ് ഡി സീൽഡ് ബീം ലാമ്പ് |
| Characteristic | പത്തുസെക്കന്റിൽ ഒരു തവണ ഫ്ലാഷ് ചെയ്യുന്ന ദീപം |
| Admiralty number | F0672 |
| NGA number | 27668 |
| ARLHS number | IND-079 |
കണ്ണൂരിലെ പയ്യാമ്പലം ബീച്ചിനു സമീപത്താണ് കണ്ണൂർ വിളക്കുമാടം സ്ഥിതി ചെയ്യുന്നത്. ഗവണ്മെന്റ് അതിഥിമന്ദിരത്തിനും സീ വ്യൂ ഉദ്യാനത്തിനും അടുത്താണ് ഇതിന്റെ സ്ഥാനം. വിളക്കുമാടം ഇപ്പോഴും പ്രവർത്തനക്ഷമമാണ്.
ചരിത്രം
[തിരുത്തുക]പതിനഞ്ചാം നൂറ്റാണ്ടിൽ സാമൂതിരിയുടെ ഭരണകാലത്ത് കണ്ണൂർ ഒരു പ്രധാന തുറമുഖനഗരമായിരുന്നു. മദ്രാസ്, കൊളംബോ, തൂത്തുക്കുടി, ആലപ്പുഴ, മംഗലാപുരം, ബോംബെ, കറാച്ചി എന്നിവിടങ്ങളിലെ തുറമുഖങ്ങളുമായി കണ്ണൂർ തുറമുഖത്തിന് കച്ചവടബന്ധങ്ങളുണ്ടായിരുന്നുവത്രേ.
പോർച്ചുഗീസ് നാവികർ വാസ്കോ ഡ ഗാമയുടെ നേതൃത്വത്തിൽ 1498-ൽ കോഴിക്കോടിനടുത്തുള്ള കാപ്പാടിലെത്തി. ഇവർ പതിനാറാം നൂറ്റാണ്ടിന്റെ ആദ്യസമയത്ത് കണ്ണൂരിൽ സെന്റ് ആഞ്ചലോ കോട്ട പണികഴിപ്പിച്ചു. രണ്ടു നൂറ്റാണ്ടുകൾക്കുശേഷം ഈ പ്രദേശം ബ്രിട്ടീഷ് സാമ്രാജ്യത്തിന്റെ നിയന്ത്രണത്തിലാവുകയും ഇവർ പത്തൊൻപതാം നൂറ്റാണ്ടിൽ കണ്ണൂരിൽ ഒരു കന്റോണ്മെന്റ് സ്ഥാപിക്കുകയും ചെയ്തു.
1902-ൽ കോട്ടയ്ക്കുമുകളിൽ ഒരു സ്തംഭം സ്ഥാപിക്കുന്നതിനായി മദ്രാസിലെ പ്രസിഡൻസി പോർട്ട് ഓഫീസർ 3430 രൂപ അനുവദിക്കുകയുണ്ടായി. 1903-ൽ കല്ലുകൊണ്ടുണ്ടാക്കിയ സ്തംഭം പ്രവർത്തനമാരംഭിച്ചു. ഈ ദീപസ്തംഭം കടലെടുത്തുപോകുകയുണ്ടായി. ഇതിനുശേഷം ദീപമുയർത്താനായി കോട്ടയ്ക്കകത്ത് ഒരു കൊടിമരം സ്ഥാപിക്കപ്പെടുകയുണ്ടായി.
1843-ൽ തന്നെ കരയടുത്തെത്തി എന്ന് കപ്പലുകളെ അറിയിക്കാനായി എണ്ണ ഉപയോഗിക്കുന്ന ഒരു വിളക്കുയർത്താനായി ഒരു സംവിധാനം സ്ഥാപിക്കപ്പെട്ടിരുന്നുവത്രേ. 1903-ൽ നാലാം ഓർഡർ ലെൻസ് സംവിധാനം ഉപയോഗിക്കുന്നതും എണ്ണയുപയോഗിച്ച് കത്തുന്നതുമായ ഒരു പ്രകാശസ്രോതസ്സ് സ്ഥാപിക്കപ്പെട്ടു. എല്ലാവർഷവും സെപ്റ്റംബർ മുതൽ മേയ് മാസം വരെ കാലാവസ്ഥ നന്നായിരിക്കുമ്പോൾ മാത്രമാണ് ദീപം പ്രകാശിപ്പിച്ചിരുന്നത്.
1924-ൽ സംവിധാനം മെച്ചപ്പെടുത്തുകയുണ്ടായി. 1939-ൽ പ്രകാശസ്രോതസ്സ് 16 മീറ്റർ ഉയരമുള്ള ഒരു ഉരുക്കു സ്തംഭത്തിലേയ്ക്ക് മാറ്റി സ്ഥാപിക്കപ്പെട്ടു. കോട്ടയുടെ വടക്കേ കൊത്തളമായിരുന്നു പുതിയ സ്ഥാനം. ഈ ഉരുക്കു സ്തംഭം ഇപ്പോഴും നിലവിലുണ്ട്.
1948-ൽ ഗ്യാസുപയോഗിച്ച് പ്രവർത്തിക്കുന്നതും പത്തുസെക്കന്റിൽ രണ്ടുപ്രാവശ്യം തെളിയുന്നതുമായ ദീപം സ്ഥാപിക്കപ്പെട്ടു. 1975-76 സമയത്ത് പുതിയ വിളക്കുമാടം പണിയുന്നതുവരെ ഈ സംവിധാനം നിലവിലുണ്ടായിരുന്നു.
കണ്ണൂർ വിളക്കുമാടം ഇന്ന്
[തിരുത്തുക]6 വോൾട്ടും 30 വാട്ടും ഉള്ള ആധുനികമായ പിആർബി-42 സംവിധാനമാണ് ഇപ്പോൾ ഉപയോഗിക്കുന്നത്. ജെ.സ്റ്റോൺ ഇന്ത്യ എന്ന കമ്പനി നൽകിയ ഉപകരണങ്ങളാണ് നിലവിൽ ഉപയോഗത്തിലുള്ളത്. 1976 ജൂലൈ 25-നാണ് പുതിയ സംവിധാനം പ്രവർത്തനക്ഷമമായത്.
2003 മേയ് 31-ന് പ്രകാശസംവിധാനം മാറ്റപ്പെട്ടു. സി ടൈപ്പ് ദീപങ്ങൾക്ക് പകരം ഡി ടൈപ്പ് ദീപങ്ങൾ ഉപയോഗത്തിൽ വന്നു. ഇപ്പോൾ എല്ലാ ദിവസവും ഈ ദീപം പ്രകാശിപ്പിക്കുന്നുണ്ട്.
ഇവയും കാണുക
[തിരുത്തുക]അവലംബം
[തിരുത്തുക]- ലൈറ്റ് ഹൗസുകൾ
- കണ്ണൂർ വിളക്കുമാടം Archived 2012-12-19 at the Wayback Machine.
പുറത്തേയ്ക്കുള്ള കണ്ണികൾ
[തിരുത്തുക]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
