Miary
Velarantany	140 km2
Isam-ponina	6 000 mponina
Tanànan-dehibe	NC
Ben'ny tanàna	NC
Firenena	Madagasikara
Faritany	Toliara
Faritra	Atsimo-Andrefana

I Miary dia kaominina malagasy ao amin' ny distrikan' i Toliara Ii, Faritra Atsimo-Andrefana, Faritanin' i Toliary. Eo ampita ankavian' ny ony Fiherena ambany, 10 km avaratra-atsinanan' i Toliara no misy an' i Miary izay manana velarana mirefy 40 km².

Ny isan' ny mponiny dia 6 000 araka ny faminavinana natao tamin' ny taona 2000; tombanana ho 12 500 eo ho eo ny isan' ny mponina tamin' ny taona 2008, 18 000 izany tamin'ny taona 2023, ka ny 90 % amin' ireo dia Masikoro. Ahitana fokontany 11 ny ao amin' ilay kaominina. Ny kaodin-kaominina dia 50102 ary ny kaodin-distrika dia 501.

Misy ny fampianarana ambaratonga voalohany sy ambaratonga faharoa ao an-tanàna. 70 % ny tahan' ny fidirana mianatra any Miary tamin' ny taona 2007. Ny fiompiana sy fambolena dia manome asa ho an' ny 40 % avy amin' ny mponina miasa. Ny landihazo sy mangahazo no vokatra lehibe indrindra ao, fa ny vokatra ara-pambolena lehibe hafa dia ny fary sy ny katsaka. Ny serivisy dia manome asa ho an' ny 20 % amin' ny mponina.

Malaza amin' ny fisian' ny hazo masina (Fihamy) i Miary, karazana aviavy izay voalaza fa 1 700 taona. Any amin' ny ilany atsinanan' ilay tanàna akaikin' ny tsena no misy azy. Eo amin' ny tsena mifanandrify amin' ny Lapan' ny Tanàna, izay azo tsidihana

Ny tantsaha mampiasa zezika simika dia latsaky ny 5 %. Ny entana faharoa lafo vidy indrindra dia fary. Ny zava-bolena lehibe indrindra amin' ny lafin' ny velaran-tany dia ny landihazo. Ny entana fahatelo lafo vidy indrindra dia katsaka. Ny isan' ny omby dia 2 000. Ny isan' ny taona nisian' ny pesitry ny vorona teo anelanelan' ny taona 1999-2001 dia 3. Ny zava-bolena faharoa lehibe indrindra amin' ny lafin' ny velaran-tany dia ny mangahazo. Ny entana lafo vidy indrindra dia ny mangahazo. 60 ny isan' ny ombivavy be ronono. 40 % amin' ny mponina no miasa tany. 40 % amin' ny mponina no miasa amin' ny fiompiana. 20 isan-jaton' ny mponina no miasa amin' ny sampandraharaha. 200 ny isan' ny kisoa.

Ahitana fikambanan-tantsaha ao.

Ahitana tobim-pahasalamana ao. Misy tsena isan' andro any. Ijanon' ny taksiborosy ilay kaominina. Ahitana sekoly ambaratonga fototra. Ahitana orinasa mampiasa olona 10 hatramin' ny 50. Ahitana kolejy ao amin' ilay tanàna. Ny JIRAMA no manome ny rano. Manana tobim-pahasalamana CSB II i Miary.

Misy fokontany miisa 11 ny ao amin' ny kaominina Miary: Miary-Ville, Agnolaky, Ambohibola, Ankasy, Ankoronga, Ankotsaoby, Antaikoaky, Belemboka-Ampasy, Mandrosoa, Miary-Beraketa, ary Miary-Betsileo

Ny fitaovam-pitaterana ampiasaina matetika indrindra dia fiara maivana base. Ny faharetan' ny dia mankany amin' ny renivohi-paritany dia 0 ora. Ny fotoam-pitaterana mankany amin' ny tanàn-dehibem-paritany amin' ny andro fahavaratra dia 0 ora. Ny lalan-tany dia azo aleha mandavan-taona. Ny saran-dalan' ny olona tokana mankany amin' ny tanàn-dehibem-paritany amin' ny andro fahavaratra dia 2 500 Fmg. Ny saran-dalan' ny olona tokana mankany amin' ny tanàn-dehibem-paritany amin' ny maintany dia 2 500 Fmg.

Ny 50 % amin' ny mponina no atao hoe mahantra. Ny halavan' ny vanim-potoana mety hahalanian' ny vokatry ny taon-dasa dia 2 volana. 20 % amin' ny mponina no atao hoe manan-karena. 30 % amin' ny mponina no manana fari-piainana antonontonony.

Ny isan' ny vono olona tanatin' ny taona 1999-2001 dia 1. Ao amin' ny atao hoe faritra mena ilay kaominina. 1 no isan' ny mpamono olona tratra tanatin' ny taona 1999-2001.

• 
  Hazo masina fihamy
• 
  Hazo masina fihamy
• 
  Lapan' ny tanana
• 
  Toeran' ny tsena
• 
  Toerana tsena

Eo atsinanan' ny tanànan' i Miary dia misy hazo atao hoe "fihamy", izay lazaina fa efa teo nandritra ny 1 760 taona. Araka ny ftantarana dia tamin' ny fotoana natahorana hahatondraky ny ranon' ny ony atao hoe Maninday tao amin' ny tanàna iray atao hoe Mamangoa no nanombohan' ny tantarany. Nanapa-kevitra ny mpanjaka tamin' izany fotoana izany fa hanao sorona tovovavy madio iray mba hisorohana ny loza. Noho izany dia nalevim-belona tanaty vilany vy lehibe teo amin' ny fidirana amin' ilay tanàna ny tovovavy iray vao 12 taona atao hoe Pelavola, araka ny sitrapon' ny ray aman-dreniny. Io sorona io no nanavotra ilay tanàna amin' ny faharavana, ka nampivily lalana" ilay ony. Izany no nampiova anarana ilay ony Maninday ho Fiherena ary ilay tanàna ho Miary (izany hoe "mivily"). Taona maro taty aoriana dia nisy hazo hafahafa, dia ilay hazo fihamy, naniry teo amin' ny toerana nandevenana an' i Pelavola, ka noheverin' ny mponina tao any-tanàna fa i Pelavola niova ho hazo. Rehefa tapahina ny rantsan' ilay hazo dia misy toa "ra" mikoriana izay manohana ny tantaran' i Pelavola. Ankehitriny diai betsaka ny mitsidika ny toerana misy ilay hazo masina Fihamy. Ity hazo ity dia tsy inona fa ilay antsoina amin' ny anarana ara-tsisnsa hoe Ficus benghalensis.

• ilo.cornell.edu - Statistika momba ny kaominina malagasy ary loharanom-pahaizana namoronana an'ity lahatsoratra ity.

I Wikimedia Commons dia manana aino aman-jery mikasika an'i : Miary