Virgo-Superkoup
De Virgo-Superkoup oder och Lokale Superkoup ass e Galaxiësuperkoup, dee selwer zum Laniakeasuperkoup gehéiert. Am Virgo-Superkoup läit ënner anerem d'Lokal Grupp, zu där och d'Mëllechstrooss gehéiert. En huet d'Form vun enger ofgeflaachter Scheif mat engem Duerchmiesser vun ongeféier 200 Millioune Liichtjoer an huet ronn 100 bis 200 Galaxiëkéip. De Virgo-Superkoup ass nom Virgo-Galaxiëkoup, deen de gravitativen Zentrum vum Superkoup ass, genannt. D'Lokal Grupp distanzéiert sech mat ongeféier 1000 km/s vum Virgo-Galaxiëkoup. Duerch en Ofstand vum Virgo-Galaxikoups vu 65 Mio. Liichtjoer ass d'Vitess manner grouss, wéi si nom Hubble-Gesetz z'erwaarde wier. Relativ zu der allgemenger Expansioun vum Universum beweege mir eis dofir a Richtung vum Virgo-Koup. Dee Phenomeen huet den engleschen Numm Virgo Infall.
Opgrond vun Observatioune vun dësem Effet, deen d'Gravitatioun op d'Beweegung vun de Galaxien huet, gëtt déi total Mass vum Virgo-Superkoup op ongeféier 1015 Sonnemassen (ongeféier 2 × 1045 kg) geschat. Well seng Liichtkraaft fir déi Zuel vu Stären ze niddreg ass, gëtt ugeholl, datt e Groussdeel vu senger Mass aus donkeler Matière besteet.
_001.jpeg)
Galaxiëkéip a Stärekéip am Virgo-Superkoup
[änneren | Quelltext änneren]| Numm | Distanz vun der Lokaler Grupp (a Mio. Liichtjoere) |
|---|---|
| Lokal Grupp | — |
| Maffei-Grupp | 6–12 |
| Sculptor-Grupp | 10 |
| M81-Grupp | 10–11 |
| M83-Grupp (och NGC-5128-Grupp) | 12–17 |
| Canes-Venatici-I-Grupp (och M94-Grupp) | 13–18 (M94) |
| NGC-4631-Grupp | 25 |
| Leo-I-Grupp | 35 (M96) |
| Dorado-Grupp | 48–60 (NGC 1553 / NGC 1566) |
| Fornax-Galaxiëkoup | 60 |
| Virgo-Galaxiëkoup | 65 |
| Leo-II-Grupp | 70 (NGC 3607) |
| Ursa-Major-Grupp (och Ursagrupp) | 75 |
| Virgo-III-Grupp | 65–82 (NGC 5569 / NGC 5713) |
| Eridanus-Galaxiëkoup | 69–100 (NGC 1300 / NGC 1232) |
Kuckt och
[änneren | Quelltext änneren]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
