En la Galut, una máale djudia es la máale de una sivdad tradisionalmente avitada por djudios. Estas máales eran el resultado del kresimyento de Getos segregados. Se dize ke el orijen del biervo Geto viene del italiano "getto", ke kere dizir "separasyon", o del grégo Ghetonia (Γειτονία, bairro), afilu una eksplikasyon ma akseptada es ke viene de la frasa italiana "campo gheto", un are ke los fundidores de djerro en Venezia en los syeklos XIV i XV uzavan para enfriar la eskoria, ke en el lashon Veneziano se dize "gheta" i en italiano "ghetta", i ke es la parte de la sivdad ande los djudios eran huersados a bivir. El biervo idish para máale djudia es "Di yiddishe gas" (די ייִדדישע גאַס), o "La Kaleja djudia", mientres ke mellah (ملاح) es el biervo en arabo para la máale djudia, uzada espesialmente en el Maghreb i espesialmente en Marroko, afilú en Tetuan se uza el nombre en kastilyano judería (djuderia). En las rejiones de avla katalana (Katalunya, Isolas Baleares, Payis Valensiano, Roseyon, Alguero, Andorra) se uza el biervo Call, el kualo tiene el su orijin del biervo en ivrit kahal (קהל).

En Amerika, Ostralya i Afrika del Sud, egzisten máales djudias ke afilu no ivan ser kriados komo Getos segregados, ma oy endiya son kaji máales djudias, deke la tradision djudia es de bivir serka de una esnoga i serka de toda la komunita; antonses la máale tyene todo lo ke la komunita tiene menester, komo merkados, eskolas, esnogas, yeshivot i munchas vezes el bethahayim esta ariéntro de la máale. En alkunos kavzos la máale krese muncho i kaji akaba syendo un distrito kompleto de la sivdad. Munchas sivdades de Evropa, el Maghreb i el Medio Oryente tienen oy o tenían una máale djudia, komo por enshemplo:

• • Amsterdam: Jodenbreestraat
  • Amberes: Joods Antwerpen
  • Bordeaux: Saint-Seurin
  • Budapest: Erzsébetváros
  • Djirona: Call Jueu de Girona
  • Enna: Giudecca
  • Estambol: Balat
  • Frankfurt: Frankfurter Judengasse
  • Hervas: La Djuderia de Hervas
  • Katania: Judeca Suprana, Judeca Suttana, Piano di Giacobbe
  • Krakovia: Kazimierz
  • Lisboa: Alfama, La Judiaría
  • Londra: Stamford Hill, Golders Green, South Tottenham
  • Lyon: La Juiverie de Fourvière, La Guillotière
  • Manchester: Sedgley Park
  • Marseya: La Carrière-des-Juifs, Montjusieu
  • Napoles: Giudecca
  • Messina: Tirone, Paraporto
  • Montpellier: Rue de la Barralerie
  • Palma de Mayorka: Call Major
  • Palermo: Meschita, Guzzetta
  • Paris: Le Marais
  • Perpinya
  • Porto: La Judiaría, Bairro de Monchique
  • Praga: Josefov
  • Reggio di Calabria: La Giudecca
  • Roma: Il Ghetto Romano
  • Sirakusa: La Giudecca
  • Toulouse : Rue Joutx Aigues
  • Třebíč: Židovská čtvrť
  • Venezia: Il Ghetto di Venezia
  • Viena: Leopoldstadt
  • Zdzieciol: Geto de Zhetel

• • Arjel: Bab El Oued
  • Chauen: Mellah
  • Djerba: Hara Kbira
  • Djohannesburgo: Glenhazel
  • Essauira: Mellah d'Essaouira
  • Fez: Le Mellah de Fès
  • Gondar: Kayla Meda^[1]
  • Marrakesh: Mellah de Marrakesh o Hay Essalam^[2]
  • Meknes: Ancien Mellah, Noveau Mellah
  • Rabat: Le Mellah de Rabat
  • Tetuan: La Judería o Qods
  • Tunis: Hara

• • Bagdad: Taht al-Takia
  • Beirut: Wadi Abu Jamil
  • Estambol: Kuzguncuk
  • Ezmirna: Karataş
  • Rodes: La Djuderia

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.