Djudeo-Bereber es el biervo uzado para yamar a los lashones del tamazight avladas por komunitas djudias del sentro i sud de Marroko, ande Tachelhit es la prinsipal lingua tamazight avlada. Oy endiya, el djudeo-bereber es avlado por unas 2500 personas, prinsipalmente en Israel. Estos lashones, anke intelijivles kon los lashones del tamazight avlados por los musulmanos, se azen diferentes por el uzo de biervos en ivrit i la pronunsiasiyon de š komo s, igual komo enel Djudeo-Arabo Marrokí.

Estos lashones eran avlados por komunitas djudias en Tinerhir, Ouijjane, Asaka, Imini, and Ait Bou Oulli (en la rejion del Atlas Medyo, ande se avla Tamazight de Marroko Sentral) i en Illigh i Oufrane en la rejion de Sous,ande se avla Tachelhit^[1].

1. ↑ P. Galand-Pernet & Haim Zafrani. Une version berbère de la Haggadah de Pesaḥ: Texte de Tinrhir du Todrha (Maroc). Compres rendus du G.L.E.C.S. Supplement I. 1970.

• Ethnologue Report for Judeo-Berber (en lingua inglesa)
• Judeio-Berber, by Haim Zafrani (en fransez)

Linguas djudias
Aragonit | Buhori | Djidi | Djudeo-Arabo | Djudeo-Bereber | Djudeo-Espanyol | Djudeo-Golpaygani | Djudeo-Hamedani | Djudeo-Malayalam | Djudeo-Marathi | Djudeo-Shirazi | Djuhuri | Gruzini | Haketia | Hulaulá | Italkit | Idish | Ivrit | Karaimit | Katalanit | Kaylinya | Krimchak | Kwara | La'az | Lishán Didán | Lishana Deni | Lishanid Noshan | Lusitaniko | Sarfatiko | Shuadit | Tetuani | Yevanitiko