Үлкен Құндызды
Уикипедия — ашық энциклопедиясынан алынған мәлімет
| Үлкен Құндызды өзені | |
|---|---|
| Сипаттамасы | |
| Ұзындығы | 115 км |
| Су алабының ауданы |
3150 км² |
| Су алабы | Нұра алабы |
| Су ағысы | |
| Бастауы | Қоянды тауының оңтүстігінен және Батпақты ауылының батысы |
| • Координаттары | 50°25′39″ с. е. 72°30′21″ ш. б. / 50.42750° с. е. 72.50583° ш. б. (G) (O) (Я) |
| Сағасы | Нұра өзені |
| Орналасуы | |
| Ел |  Қазақстан
|
| Аймақ | Қарағанды облысы Осакаров және Нұра аудандары |
Үлкен Құндызды – Нұра алабындағы өзен.
Географиялық орны
[өңдеу | қайнарын өңдеу]Қарағанды облысы Осакаров және Нұра аудандары жерімен ағады. Ұзындығы 115 км, су жиналатын алабы 3150 км2.
Бастауы
[өңдеу | қайнарын өңдеу]Қоянды тауының оңтүстігінен және Батпақты ауылының батысынан басталып, Құндызды өзенінің сағасынан 8 км жоғары жерде Бала Құндызды өзенімен қосылып Нұраға құятын Құндызды өзенін құрайды.
Гидрологиясы
[өңдеу | қайнарын өңдеу]Аңғары кең, жағасы көп жерінде жарқабақты. Жауын-шашын және жер асты суымен толығады. Көктемде деңгейі көтеріліп, жазда қарасуларға бөлініп қалады. Орташа көп жылдық су ағымы Сұңқар ауылы тұсында 0,55 м³/с. Қарашада қатып, сәуірде мұзы түседі. Басты салалары: Елтоқ, Топан, Сабырқожа. Бұлардан басқа, ұзындығы 10 км-ден аспайтын, жалпы ұзындығы 49 км болатын 25 ұсақ саласы бар. Өзенде алабұға, мөңке, тасбас, т.б. балықтар кездеседі.[1]
Дереккөздер
[өңдеу | қайнарын өңдеу]- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том
Text is available under the CC BY-SA 4.0 license; additional terms may apply.
Images, videos and audio are available under their respective licenses.
