Траволатор
Уикипедия — ашық энциклопедиясынан алынған мәлімет
Траволатор — жолаушыларға арналған конвейер.
Оны кейде қозғалатын тротуар деп те атайды. Конструкциялық жағынан тегіс болып келетін эскалаторға сай.
Ол ірі аэропорттарда, вокзалдарда, сауда кешендерінде немесе көрмелерде жүргіншілердің қозғалысын жеңілдету үшін қолданылады.
Көбінесе траволатор жүйесі қарама-қарсы бағытпен қозғалатын қатарынан қойылған екі жолдан тұрады.
Тарихы
[өңдеу | қайнарын өңдеу]Алғашқы траволатор 1893 жылы Американың Иллинойс штатында өткен көрме кезінде таныстырылды.
Бірнеше жылдан кейін Парижде өткен Дүниежүзілік көрмеде «Болашақ көшесі» деп аталатын қозғалмалы тротуар істеді. Ол 3,5 шақырымға созылған еді, және оның 9 аялдамасы болған. Виадуктың үстінде орналасқан бұл «көше» үш платформадан тұрған: біреуі қозғалмайтын, екіншісі 4,2 шақырым/сағат жылдамдықпен қозғалды, үшіншінің жылдамдығы 8,5 шақырым/сағат болды.[1]
Алғашқы коммерциялық траволатор 1954 жылы АҚШ-та, Нью-Джерсидегі станцияда істей бастады. Goodyear компаниясы жасаған нысанның ұзындығы 84,5 метр болды.[2]
Дереккөздер
[өңдеу | қайнарын өңдеу]- ↑ Mabire, Jean-Christophe L'Exposition Universelle de 1900 — L.Harmattan. — P. 87–89. — ISBN 27384-9309-2.
- ↑ "Passenger Conveyor Belt to be Installed in Erie Station", New York Times, 1953, October 6
| ||||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
