სპიროს კიპრიანუ
| სპიროს კიპრიანუ | |
 | |
| კვიპროსის პრეზიდენტი | |
|---|---|
| თანამდებობაზე ყოფნის დრო | |
| 3 სექტემბერი, 1977 – 28 თებერვალი, 1988 | |
| წინამორბედი | მაკარიოს III |
| მემკვიდრე | გეორგიოს ვასილიუ |
კვიპროსის პარლამენტის თავმჯდომარე | |
| თანამდებობაზე ყოფნის დრო | |
| 1996 – 2000 | |
| პრეზიდენტი | გლაფკოს კლირიდისი |
| წინამორბედი | ალექსის გალანოსი |
| მემკვიდრე | დიმიტრის ქრისტოფიასი |
კვიპროსის პარლამენტის თავმჯდომარე | |
| თანამდებობაზე ყოფნის დრო | |
| 1976 – 1977 | |
| პრეზიდენტი | მაკარიოს III |
| წინამორბედი | ტასოს პაპადოპულოსი |
| მემკვიდრე | ალეკოს მიხაილიდისი |
| დაბადებული | 28 ოქტომბერი, 1932 ლიმასოლი |
| გარდაცვლილი | 12 მარტი, 2002 ნიქოზია, კვიპროსი |
| პოლიტიკური პარტია | დემოკრატიული პარტია |
სპიროს კიპრიანუ (ბერძ. Σπύρος Κυπριανού; დ. 28 ოქტომბერი, 1932, ლიმასოლი, კვიპროსი — გ. 12 მარტი, 2002, ნიქოზია) — კვიპროსელი პოლიტიკოსი, ქვეყნის პრეზიდენტი 1977-1988 წლებში და პარლამენტის თავმჯდომარე 1976-1977 და 1996-2000 წლებში.
ბიოგრაფია
[რედაქტირება | წყაროს რედაქტირება]ეკონომიკური და პოლიტიკური განათლება მიიღო ლონდონში. იქვე დაიწყო თავისი პოლიტიკური კარიერა, ჩამოაყალიბა დიდ ბრიტანეთში კვიპროსელ სტუდენტთა გაერთიანება და გახდა მისი პირველი პრეზიდენტი. 1950-იან წლებში აქტიურად მონაწილეობდა კვიპროსის დამოუკიდებლობისათვის ბრძოლაში. 1952 წლიდან მტავარეპისკოპოს მაკარიოს III-ის მდივანია.
1960-1972 წლებში კვიპროსის იუსტიციისა და საგარეო საქმეთა მინისტრის თანამდებობა უკავია. ამ პერიოდში, 1967 წლის აპრილ-დეკემბერში იყო ევროპის საბჭოს საგარეო საქმეთა მინისტრების კომიტეტის თავმჯდომარე. 1976 წელს დააარსა კვიპროსის დემოკრატიული პარტია, რომელმაც იმავე წელს გამართულ საპარლამენტო არჩევნებში მიიღო 21 ადგილი 35-დან, რის შემდეგაც გახდა პარლამენტის თავმჯდომარე.
1977 წლის 3 აგვისტოს, პრეზიდენტ მაკარიოს III-ის გარდაცვალების შემდეგ გახდა პრეზიდენტის მოვალეობის შემსრულებელი. 1978 წლის 28 თებერვალს აირჩიეს რესპუბლიკის პრეზიდენტად. კვლავ აირჩიეს 1983 წელს. 1988 წელს დამარცხდა გეორგიოს ვასილიუსთან.
1996 წელს კვლავ პარლამენტის თავმჯდომარეა. 2000 წელს გადადგა თანამდებობიდან და მალევე დაიღუპა სიმსივნისაგან.
იყო დაოჯახებული, ჰყავდა ორი შვილი. მათგან ერთ-ერთი, მარკოს კიპრიანუ აქტიურადაა ჩართული პოლიტიკაში და 2003-2004 წლებში იყო კვიპროსის ფინანსთა მინისტრი, ხოლო 2008-2011 წლებში კვიპროსის საგარეო საქმეთა მინისტრი.
იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]Text is available under the CC BY-SA 4.0 license; additional terms may apply.
Images, videos and audio are available under their respective licenses.
