ევროპის საბჭო
| ევროპის საბჭო Conseil de l'Europe ევროსაბჭო ან CoE |
||||||
|---|---|---|---|---|---|---|
|
||||||
.svg) |
||||||
| სათავო ოფისი | ევროპის სასახლე, სტრასბურგი, საფრანგეთი | |||||
| ოფიციალური ენა | ინგლისური, ფრანგული[1] | |||||
| ტიპი | რეგიონული მთავრობათაშორისი ორგანიზაცია | |||||
| წევრობა |
|
|||||
| ლიდერები | ||||||
| - | გენერალური მდივანი | მარია პეიჩინოვიჩ-ბურიჩი | ||||
| საკანონმდებლო ორგანო | საპარლამენტო ასამბლეა | |||||
| დაარსება | ||||||
| - | ლონდონის შეთანხმება | 5 მაისი, 1949 | ||||
| საიტი www.coe.int |
||||||
.png){kind=logo}
ევროპის საბჭო, შემოკლ. ევროსაბჭო (ინგლ. Council of Europe (CoE), ფრანგ. Conseil de l'Europe, CdE) — საერთაშორისო ორგანიზაცია, რომელიც შედგება ევროპის 46 სახელმწიფოსგან. მისი მიზნებია:
- ადამიანის უფლებების, პლურალისტური დემოკრატიის და კანონის უზენაესობის დაცვა;
- ევროპის კულტურული მრავალფეროვნების შესახებ ცოდნის ამაღლება, ევროპული კულტურის განვითარება;
- ევროპული საზოგადოების წინაშე მდგარ პრობლემათა გადაწყვეტის გზების ძიება (უმცირესობათა დისკრიმინაცია, ქსენოფობია, შეუწყნარებლობა, გარემოს დაცვა, კლონირება, შიდსი, ნარკოტიკები, ორგანიზებული დანაშაული და სხვა).
ისტორია
[რედაქტირება | წყაროს რედაქტირება]შეიქმნა 1949 წლის 5 მაისს ლონდონში დასავლეთ ევროპის ათი სახელმწიფოს მიერ (ბელგია, დანია, გაერთიანებული სამეფო, ირლანდია, იტალია, ლუქსემბურგი, ნიდერლანდები, ნორვეგია, საფრანგეთი და შვედეთი). შტაბ-ბინა მდებარეობს სტრასბურგში.
საქართველო ევროსაბჭოს სრულუფლებიანი წევრი გახდა 1999 წლის 27 აპრილს. საბჭოს მინისტრთა კომიტეტში საქართველოს წარმოადგენს ქვეყნის საგარეო საქმეთა მინისტრი. საბჭოში იმყოფება აგრეთვე საქართველოს მუდმივი წარმომადგენელი. საპარლამენტო ასამბლეასა და ადგილობრივ და რეგიონულ ხელისუფალთა კონგრესში საქართველოს დელეგაცია წარმოდგენილია 5 მუდმივი წევრითა და ამავე რაოდენობის შემცვლელით.
ევროპის საბჭოს საპარლამენტო ასამბლეა
[რედაქტირება | წყაროს რედაქტირება]2022 წლის 25 თებერვალს ევროპის საბჭოს საპარლამენტო ასამბლეამ რუსეთის ფედერაციას წევრობიდან გაურიცხავად შეუჩერა წარმომადგენლობითი უფლებები რუსეთ-უკრაინის ომის დროს უკრაინაში სამხედრო შეჭრის გამო.[2][3] ამავე წლის 15 მარტს რუსეთმა ევროსაბჭოს შეატყობინა, რომ ტოვებს ორგანიზაციას. თუკი რუსეთი ნებაყოფლობით გავა საბჭოდან, გასვლის თარიღად მიიჩნევა მომავალი წლის 1 იანვარი. მაგრამ ევროპის საბჭოს მინისტრთა კომიტეტს შეუძლია თავისი გადაწყვეტილებით შეუწყვიტოს მოსკოვს წევრობა იმ თარიღიდან, რომელსაც თვითონ დაადგენს.[4] 16 მარტს ევროპის საბჭოს მინისტრთა კომიტეტმა საგანგებო სხდომაზე რუსეთი ევროპის საბჭოდან გარიცხა.[5]
2022 წლის 17 მარტს ევროპის საბჭომ ბელარუსთან ურთიერთობები შეაჩერა, რის მიზეზად ევროპის საბჭოს მინისტრთა კომიტეტი ასახელებს ბელარუსის აქტიურ ჩართვას უკრაინის წინააღმდეგ მიმდინარე რუსეთის აგრესიაში.[6]
იხილეთ აგრეთვე
[რედაქტირება | წყაროს რედაქტირება]- ადამიანის უფლებათა ევროპული სასამართლო
- ევროპის კავშირი
- ევროპის უშიშროებისა და თანამშრომლობის ორგანიზაცია
ლიტერატურა
[რედაქტირება | წყაროს რედაქტირება]- ენციკლოპედია „საქართველო“, ტ. 2, თბ., 2012. — გვ. 558.
რესურსები ინტერნეტში
[რედაქტირება | წყაროს რედაქტირება]
სქოლიო
[რედაქტირება | წყაროს რედაქტირება]- ↑ Did you know?. ციტატა: „English and French are the official languages of the Council of Europe.“ ციტირების თარიღი: 1 November 2022
- ↑ Приостановлено членство России в Совете Европы. ციტირების თარიღი: 2022-02-25
- ↑ Членство России в Совете Европы приостановлено. ციტირების თარიღი: 2022-02-25
- ↑ რუსეთი ევროპის საბჭოს ტოვებს
- ↑ 26-წლიანი წევრობის შემდეგ, რუსეთი ევროპის საბჭოდან საბოლოოდ გარიცხეს, ჩამოხსნილია მისი დროშაც
- ↑ ევროპის საბჭომ ბელარუსთან ურთიერთობები შეაჩერა
Text is available under the CC BY-SA 4.0 license; additional terms may apply.
Images, videos and audio are available under their respective licenses.
