Gunané kopi
Gunané Kopi kajaba pancèn mènèhi kanikmatan kanggo kang ngombé, uga duwé kasiat tumrap kaséhatan.[1] Miturut Harvard Women’s Health, ana pitu paédah kopi ya iku kanggo diabetes, kanker, sirosis, lelara Parkinson, lelara jantung, stroke, lan fungsi kognitif.[2]
Diabetes
[besut | besut sumber]Saka 20 panalitèn kang wis dilakoni ing saubengé donya, nuduhké yèn kopi bisa nyuda résiko diabetes tipe-2 nganti tekan 50%.[2] Miturut para peneliti, kadadéan mau dinuga saka asem klorogenik kang dikandhut kopi duwé guna kanggo ngalonke penyerapan gula ing pencernaan.[2] Asam klorogenik uga bisa mancing ngrembakane GLP-1, ya iku zat kimia kang bisa nambahi produksi insulin (hormon kang ngatur penyerapan gula sajeroning sel – sel).[2] Saéngga bisa nyegah resistensi insulin, minangka pratandha anané diabetes tipe-2.[3] Zat liyané kang dikandhut kopi ya iku trigonelin (pro vitamin B3) kang uga bisa nyengkuyung kanggo ngalonke penyerapan glukosa.[2] Penelitian kang anyar nyebutke tumrap wong kang ngombé kopi 4 cangkir sadina, duwé resiko nandang diabetes tipe-2 luwih cilik tinimbang wong kang ora tau ngombé kopi.[4] Nanging kopi kang diombe ya iku kopi reguler utawa kopi ''decaf'' kanthi kadar kafein kang dikurangi.[3]
Kanker
[besut | besut sumber]Kasil riset kanthi konsisten nuduhakè yèn kopi bisa nyuda résiko kanker hati, kanker payudara lan kanker usus besar.[2] Ngancik menopause, wanita kang ngombè kopi 4 cangkir saben dinanè duwé résiko nandang kanker payudara luwih cilik nganti tekan 38%.[3] Mangkono mau miturut studi kang kapacak ing The Journal of Nutrition.[3] Kopi ngandhut phytoestrogen lan flavonoid kang bisa nahan ngembakane tumor.[3]
Sirosis
[besut | besut sumber]Kopi bisa uga njaga ati saka sirosis, kang utama sirosis amarga mendem alkohol.[2] Salah sijining panalitèn kang dilakoni déning para peneliti AS nuduhke yèn ngombé kopi 2 cangkir saben dinane bisa nyuda risiko kena kanker hati nganti tekan 43%.[4] Miturut Dr. Arthur Klatsky saka divisi peneliti ing Oakland, California kang nglakoni survey tumrap 125.000 wong, separone minangka pecandu alkohol.[1] Kasil panalitèn nuduhke yèn ngombé kopi sak cangkir saben dina bisa nyuda 80% risiko infeksi ati amarga mendem alkohol.[1] Kopi bisa nyaring racun saka alkohol kang ana sajeroning getih manungsa.[1] Nanging para peneliti durung bisa ngandharake bahan apa kang dikandhut kopi saéngga bisa nyaring racun alkohol.[1]
Lelara Parkinson
[besut | besut sumber]Uwong – wong kang ngombé kopi duwé resiko luwih cilik nandang Parkinson tinimbang kang ora ngombé.[2] Kopi kang ngandhut kafein mau ora bakal ngrembakakake lelara Alzheimer lan Parkinson.[3] Kandhutan antioksidan sajeroning kopi bakal njaga sel kang ana gegayutane karo Parkinson supaya ora rusak. Déné Kafein bakal nyegah peradangan sajeroning polo, kang asring digayutake karo Alzheimer.[3]
Lelara jantung
[besut | besut sumber]Kopi bisa nyuda resiko nandang lelara jantung.[2] miturut panalitèn kang kapacak ing Arteriosclerosis, Thrombosis, and Vascular Biology, jurnal Asosiasi Jantung Amérika ngandharake yèn adat padinan ngombé kopi lan the dinuga bisa nyuda resiko penyaki jantung.[5] Wong kang ngombé kopi 2 nganti 4 cangkir saben dinane duwé resiko 20% luwih cilik nandang lelara jantung tinimbang wong kang ngombé kopi kurang saka 4 cangkir.[5] Kopi ngandhut antioksidan kang luwih akèh tinimbang blueberry.[4] Antioksidan iku kang bisa njaga jantung uga nyuda efek rusak amarga peradangan arteri.[4] Kopi uga bisa nyuda tensi getih lan ngambakake pembuluh darah kang bakal ndadèkaké lakuné getih luwih gancar.[4]
Stroke
[besut | besut sumber]Ngombe sak cangkir kopi saben dina bisa nyuda resiko stroke mligi kanggo wong wadon.[6] Mangkono kasil panalitèn kang dilakoni déning para peneliti saka ''Divisi Nutrisi Epideniologi, National Institute of Enviromental Medicine, Karolinska Institute ing Stockholm'', Swèdhen durung suwé iki.[6] Penelitian mau dilakoni tumrap 34.670 wanita kang umuré saka 48 taun nganti tekan 83 taun.[6] Banjur tinemu yèn wanita kang asring ngombé kopi bisa nyuda resiko nandang stroke nganti tekan 25%.[6] Mangkono uga kang tinemu miturut studi tumrap wong lanang ing Finlan.[2] Nanging sanadyan paedah kopi iku gedhé tumrap kaséhatan, diwanti – wanti supaya ora ngombé kopi kanthi luwih.[6]
Fungsi kognitif
[besut | besut sumber]Studi tumrap 4.197 wong wadon lan 2.820 wong lanang ing Perancis nuduhke yèn ngombé kopi sawatara 3 cangkir saben dina bisa nyegah sudane fungsi kognitif polo dumadi saka umur kang saya tuwa nganti tekan 33% tumrap wong wadon.[2] Nanging paedah mau ora tinemu tumrap wong lanang amarga wong wadon luwih peka karo kafein.[2] Kopi ngandhut antioksidan kang bisa ngrewangi gancarake neurotransmitter kang bakal ningkatake kerja fungsi polo.[4]
Cathetan suku
[besut | besut sumber]- ↑ a b c d e www.beritaterkini.asia Archived 2010-10-19 at the Wayback Machine. (diunduh tanggal 22 April 2011).
- ↑ a b c d e f g h i j k l majalahkesehatan.com (diunduh tanggal 22 April 2011).
- ↑ a b c d e f g female.kompas.com (diunduh tanggal 22 april 2011)
- ↑ a b c d e f kesehatan.liputan6.com (diunduh tanggal 22 april 2011)
- ↑ a b www.tempointeraktif.com(diunduh tanggal 22 april 2011)
- ↑ a b c d e kesehatan.liputan6.com (diunduh tanggal 22 april 2011)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
