Flavonoid
Flavonoid yaiku senyawa kang kasusun saka 15 atom karbon kang racaké sumebar ing tuwuhan.[1] Luwih saka 2000 flavonoid kang asalé saka tuwuhan wis diidentifikasi, nanging ana telung golongan kang umum disinau, yaiku antosianin, flavonol, lan flavon.[2] Antosianin (saka basa Yunani anthos, kembang lan kyanos, biru-tuwa) yaiku pigmen warna kang racaké ana ing kembang duwé warna abang, ungu, lan biru.[2] Pigmen iki uga ana ing pirang-pirang pérangan tuwuhan liyané tuladhané, woh-wohan tertentu, pang, godhong lan ing oyot. Flavnoid kerep ana ing sel epidermis.[2] Akeh-akèhé flavonoid ana ing vakuola sel tuwuhan sanajan panggonan sintesisse ana ing njaba vakuola.[2]
Fungsi
[besut | besut sumber]Antosianin lan flavonoid liyané narik kawigaten akèh ahli genetika amarga ana kemungkinan kanggo nggubungake pirang-pirang karubedan morfologi ing antarané spésies kang cedhak karo siji génus tuladhané karo jinis flavonoid kang dikandung.[2] Flavonoid kang ana ing spésies kangpadha kekancan ing siji génus mènèhi informasi tumrap ahli taksonomi kanggo nglompokkake lan nemtokake garis evolusi tuwuhan iku.[2]
Cahya kususe sadawané glombang biru ningkatake pambentukan flavonoid lan flavonoid ningkatake resistensi tuwuhan marang radiasi UV.[2]
Quercetin lan myricetin, minangka jinis flavonoid kang nglindungi sel Caco-2 kang ana ing saluran pencernaan saka oksidasi rante gandha DNA lan asifat antioksidan kang nglindungi kolonosit saka stress oksidatif.[3]
Deleng uga
[besut | besut sumber]- Isoflavon
- Antosianin
- Betalain
Cathetan suku
[besut | besut sumber]- ↑ Hahlbrock K. 1981. Flavonoids. dalam The Biochemistry of Plants, Vol. 7: Secondary Plant Products. New York: Academic Press. Hal:425-456.
- ↑ a b c d e f g Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:150-152. ISBN 979-8591-27-5
- ↑ "Dietary flavonoids protect human colonocyte DNA from oxidative attack in vitro". Rowett Research Institute; Duthie SJ, Dobson VL. Dibukak ing 2010-10-04.
Cithakan:Flavonoid
Text is available under the CC BY-SA 4.0 license; additional terms may apply.
Images, videos and audio are available under their respective licenses.
