Ti Hapon ket addaan kadagiti tallo nga agpang ti gobierno: ti nailian, prepetural, ken munisipal. Ti pagilian ket nabingbingay kadagiti 47 a prepektura. Ti tunggal maysa a prepektura ket buklen dagiti nadumaduma a munisipalidad, nga addaan kadagiti 1,719 a dagup (dagiti pigura idi Enero 2013) [1]. Adda dagiti uppat a kita dagiti munisipalidad idiay Hapon: dagiti siudad, dagiti ili, dagiti purok ken dagiti espesial a barrio (ti ku ti Tokyo). Iti Hapon, daytoy a sistema ket ammo a kas shikuchōson (市区町村), nga iti tunggal maysa a kanji iti balikas ket mangirepresenta kadagiti uppat a kita ti munisipalidad.

Ti kasasaad ti munisipalidad, no daytoy ket purok, ili wenno siudad, ket maikeddeng babaen ti prepektural a gobierno. Iti sapasap, ti purok wenno ili ket mabalin a manipangato iti siudad no ti populasionna ket umado iti ngato ti limapulo a ribu, ken ti siudad ket maipababa (ngem saan a nasken) iti ili wenno purok no ti populasionna ket bumassit iti baba ti limapulo a ribu. Ti kabassitan ti populasion a siudad, ti Utashinai, Hokkaidō, ket addaan laeng iti populasion iti uppat a ribu, bayat nga ti ili iti isu met laeng a prepektura, ti Otofuke, Hokkaidō, ket addaan iti gangani nga uppat a pulo a ribu nga agtataeng.

Adda met dagiti dadduma a naidesignado a siudad ket addaanda pay kadagiti ad-adu nga administratibo a pannakabingbingay, ken ammo pay dagitoy a kas dagiti barrio. Ngem, saan met a kasla dagiti espesial a barrio ti Tokyo, dagitoy a barrio ket saanda a munisipalidad.

Dagiti sumaganad a pagarigan dagiti 19 a naidesignado a siudad:

• Fukuoka, ti kaaduan ti populasion a siudad iti rehion ti Kyūshū
• Hiroshima, ti masingangar nga agpatpataud a siudad iti rehion ti Chūgoku ti Honshū
• Kobe, ti nagruna a puerto idiay Akin-uneg a baybay a mabirukan idiay tengnga ti Honshū idiay asideg ti Osaka
• Kitakyūshū, ti siudad ti sumuro bassit iti maysa a riwriw nga agtataeng idiay Kyūshū
• Kyoto, dati a kapitolio, historiko a sentro ti agdurdur-as a moderno a siudad
• Nagasaki, ti puerto idiay isla ti Kyūshū
• Nagoya, sentro ti nangruna a rehion ti pagpataudan ti karro idiay akindaya nga aplaya ti Honshū
• Osaka, ti dakkelnga agpatpataud a siudad idiay aplaya ti Akin-uneg a baybay ti Honshū
• Sapporo, ti kadakkelan a siudad idiay Hokkaidō
• Sendai, ti kangrunaan a sentro ti amianan a day a Honshū (ammo pay a kas ti rehion ti Tōhoku)
• Yokohama, ti puerto a siudad iti abagatan bassit ti Tokyo

Ti kapitolio ti Tokyo ket awanen iti kasasaad a kas siudad. Ti Prepektura ti Tokyo ket buklen dagiti 23 nga espesial a barrio, ti tunggal maysa ket siudad, ken dagiti pay dadduma nga adu a siudad, dagiti ili ken uray pay dagiti purok idiay nangruna a daga ti Hapon ken dagiti kaarrubayan nga isla. Ti tunggal maysa kadagiti 23 nga espesial a barrio ti Tokyo ket nainkalintegan a kapada iti maysa a siudad, ngem sagpaminsan a dagiti 23 nga espesial a barrio no sibubukel ket maikeddeng a kas maysa a siudad. Para iti adu pay a pakaaamo iti dati a siudad ti Tokyo, kitaen ti Siudad ti Tokyo; para iti pakaammo a maipanggep iti agdama nga aldaw a Prepektura ti Tokyo, kitaen ti Tokyo.

Kitaen ti Listaan dagiti siudad idiay Hapon para iti kompleto a listaan dagiti siudad.

Kitaen pay: Dagiti bugas a siudad ti Hapon

Ti isu met laeng a kanji a mangidesignado iti ili (町) ket sagpaminsan pay a maus-usar para kadagiti adres dagiti seksion iti maysa nga urbano a lugar. Kadagiti manmano a kaso, ti munisipal a purok ket mabalin nga aglaon ti maysa a seksion nga addaan iti isu met laeng a kita ti designasion. Urayno ti kanji ket agpada, awan kadagitoy nga agmaymaysa a seksion ket munisipalidad. Iti sagpaminsan, ti nagan ti seksion ket tidda manipud iti gappei, ti sistema dagiti nadumaduma nga agkakaarruba a komunidad a nagtitipon tapno mangporma iti dakdakkel a munisipalidad, a dagiti daan a nagan ti ili ket naibati para iti seksion ti baro a siudad, urayno ti pagresultaan a baro a siudad ket mabalin nga addaan iti kompleto a sabali a nagan.

Dagiti subprepektura ket dagiti sanga ti opisina dagiti prepektura ken saan dagitoy a munisipalidad.

Dagiti distrito ket saanda nga agdama a munisipalidad ngem dagiti nagan dagiti grupo dagiti ili ken dagiti purok.

Dagiti probinsia ket saanda nga agdama a munisipalidad ngem (gangani a saanen a maus-usar) dagiti nagan dagiti heograpikal a rehion a kapada dagiti prepektura.

• Lokal a Gobierno ti Hapon Konseho dagiti Lokal a Turay para kadagiti Internasional a Pannakibiang 2010 (Naala idi Pebrero 4, 2013)
• "Dakkel a Sistema ti Siudad ti Hapon"; grapiko a mangipakita dagiti kita ti siudad ti Hapon iti p. 1 [PDF 7 iti 40] Naiyarkibo 2019-09-17 iti Wayback Machine