Ti distrito (郡, gun) ket nausar idi a kas maysa nga administratibo a yunit iti Hapon idi baetan ti 1878 ken 1921 ken agarup idi a kapada ti kondado iti Estados Unidos, ti panangiranggo iti agpang dita baba ti prepektura ken iti ngato ti siudad, ili wenno purok.^[1] Manipud idi 2008, dagiti siudad ket dagus a tagikua dagiti prepektura ken nawayada manipud kadagiti distrito. Idiay Hapon, dagiti ili ken dagiti purok ket tagikua dagiti distrito ken dagiti distrito ket agtagikua iti bassit wenno awan nga administratibo a turay. Dagiti distrito ket naipangpangruna a naus-usar iti sistema ti adres ti Hapon ken tapno mainaganan dagiti maitutop a heograpikal a lugar ken dagiti urnong dagiti asideg nga ili ken dagiti purok.

Ti distrito ket immun-una a tinawtawagan iti kōri ken addaan kadagiti taga-ugna a tinaudan idiay Hapon. Urayno kuna ti Nihon Shoki a nabangonda idi las-ud dagiti Reporma ti Taika, ti kōri ket kasisigud idi a naisurat iti 評.^[2] Saan nga aginggana idi ti Kodigo ti Taihō a ti kōri ket naisuraten iti 郡. Babaen ti Kodigo ti Taihō, ti administratibo a yunit ti probinsia (国, kuni) ket adda idi iti ngato ti distrito, ken ti purok (里 wenno 郷 sato) ket iti baba.

Gapu ta dagiti nagan ti distrito ket naisangayanen iti kaunegan ti bugbugtong a probinsia ken manipud idi 2008 dagiti pagbeddengan ti prepektura ket agarup a nailinia kadagiti pagbeddengan ti probinsia, kaaduan dagiti nagan ti distrito ket naisangayanda iti kaunegan dagiti prepekturada.

Ti Prepekrura ti Hokkaidō, nupay kasta, ket nabaybayag a naipan iti probinsial a sistema ti ritsuryō, iti laeng bassit a tawtawen sakbay a naipayammo ti sistema ti prepektura, isu a dagiti sangapulo ket maysa a probinsia ket mangiraman kadagiti nadumaduma a distrito nga addaan iti agpapada a nagnagan:

• Dagiti tallo a Distrito ti Kamikawa ken dagiti dua a Distrito ti Nakagawa idiay Prepektura ti Hokkaidō. Iti tunggal turay ket mangibaga iti heograpikal a puestona iti igid ti karayan manipud iti nakaalaan ti nagan ti dati a probinsia, ken ti simmaruno a subprepektura. Ti kayat a sawen ti "Kamikawa" ket ti akin-ngato a dalan ti karayan; Ti kayat a sawen ti "Nakagawa" ket tengnga a dalan.
  • Distrito ti Kamikawa (Ishikari), imatonan babaen ti Subprepektura ti Kamikawa
  • Distrito ti Kamikawa (Teshio), imatonan babaen ti Subprepektura ti Kamikawa
  • Distrito ti Kamikawa (Tokachi), imatonan babaen ti Subprepektura ti Tokachi
  • Distrito ti Nakagawa (Teshio), imatonan babaen ti Subprepektura ti Kamikawa
  • Distrito ti Nakagawa. (Tokachi), imatonan babaen ti Subprepektura ti Tokachi
• Distrito ti Abuta, Distrito ti Rumoi, Distrito ti Sorachi, ken Distrito ti Yufutsu ket agpada, ngem iti tunggal maysa kaniada ket agmaymays a distrito a para kadagiti dua a subprepektura.
  • Distrito ti Abuta, imatonan babaen dagiti Subprepektura ti Iburi ken Shiribeshi
  • Distrito ti Sorachi, imatonan babaen dagiti Subprepektura ti Kamikawa ken Sorachi
  • Distrito ti Teshio, imatonan babaen dagiti Subprepektura ti Rumoi ken Sōya
  • Distrito ti Yūfutsu, imatonan babaen dagiti Subprepektura ti Iburi ken Kamikawa

• "Japan's Evolving Nested Municipal Hierarchy: The Race for Local Power in the 2000s," Naiyarkibo 2012-03-21 iti Wayback Machine babaen ni A.J. Jacobs iti Urban Studies Research, Vol. 2011 (2011); doi:10.1155/2011/692764
• Grapiko a mangipakiata ti pannakibiang dagiti siudad ti Hapon iti p. 7 ti "Large City System of Japan" Naiyarkibo 2019-09-17 iti Wayback Machine
• Teksto ti Linteg ti Lokal a Gobierno Naiyarkibo 2005-02-05 iti Wayback Machine (iti Hapon)