Մելինե Համամջյան
Ծնվել է	դեկտեմբերի 17, 1922(1922-12-17)[1]
Ծննդավայր	Կոստանդնուպոլիս
Մահացել է	մայիսի 7, 1999(1999-05-07)[1] (76 տարեկան)
Մահվան վայր	Երևան, Հայաստան
Քաղաքացիություն	Թուրքիա,  ԽՍՀՄ և  Հայաստան
Մասնագիտություն	դերասանուհի
Պարգևներ և մրցանակներ

Մելինե Հմայակի Համամջյան (դեկտեմբերի 17, 1922(1922-12-17)^[1], Կոստանդնուպոլիս - մայիսի 7, 1999(1999-05-07)^[1], Երևան, Հայաստան), հայ դերասանուհի։ ՀԽՍՀ ժողովրդական արտիստուհի (1984 թ.)։

1923 թվականին ծնողների հետ հաստատվել է Պլովդիվում (Բուլղարիա), որտեղ 1939 թվականից մասնակցել է հայկական թատերական ներկայացումների։ 1946 թվականին հայրենադարձվել է. նույն թվականից՝ Երևանի Պարոնյանի անվան երաժշտական կոմեդիայի թատրոնի դերասանուհի։ Համամջյանի դերասանական արվեստը ձևավորվել է Վարդան Աճեմյանի ղեկավարությամբ։ Առաջին դերը՝ Թերեզա (Հ. Պարոնյանի «Շողոքորթն», 1948 թ.)։ Ստեղծել է գրոտեսկական ցայտուն, սակայն միանգամայն հավաստի դերապատկերներ՝ կերպարային ողջ խորությամբ, լավագույններից են Թերեզա, Մարթա (Հ. Պարոնյանի «Շողոքորթն», 1948 թ., «Ատամնաբույժն արևելյան», 1952 թ.), Մինադորա (Ջոջուայի «Երկու օրիորդ», 1963 թ.), Փեփրոնե (Ա. Պապայանի «Փարիզեցի փեսան», 1970 թ.), Շողակաթ («Մեծապատիվ մուրացկաններ», ըստ Հ. Պարոնյանի, 1992 թ.)։ Մասնակցել է հեռուստատեսային բազմաթիվ ներկայացումների, նկարահանվել կինոյում։

• 1962 թ. - «Տերն ու ծառան» - Անթառամ, Մաթոսի կինը
• 1964 թ. - «Շրթներկ N 4» - դրվագ
• 1964 թ. - «Մսյո Ժակը և ուրիշները» (դրվագ «Կեղծ լրտեսը»)- Շուշիկ
• 1969 թ. - «Ձախորդ Փանոսը» - Փանոսի կինը
• 1978 թ. - «Արևիկ» - Արևիկի ընկերուհի
• 1980 թ. - «Կտոր մը երկինք» - Մարիամ
• 1982 թ. - «Գիքոր»
• 1992 թ. - «Ընկեր Փանջունի» - Պայծառ

Վիքիդարանն ունի նյութեր, որոնք վերաբերում են «Մելինե Համամջյան» հոդվածին։

Թեմատիկ կայքեր Internet Movie Database · ԿինոՊոիսկ Բառարաններ և հանրագիտարաններ Հայազգ Չափորոշչային վերահսկողություն ՀԳՀԳ: 18600

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։