Մարատ Հովհաննիսյան
Ծնվել է	սեպտեմբերի 21, 1945(1945-09-21)[1] (79 տարեկան)
Ծննդավայր	Նոր Բայազետ, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Մասնագիտություն	վիրաբույժ
Կոչում	պրոֆեսոր
Գիտական աստիճան	բժշկական գիտությունների դոկտոր (1989)
Պարգևներ

Մարատ Համազասպի Հովհաննիսյան (սեպտեմբերի 21, 1945(1945-09-21)^[1], Նոր Բայազետ, Հայկական ԽՍՀ, ԽՍՀՄ), հայ վիրաբույժ։ Բժշկական գիտություններ դոկտոր (1989), պրոֆեսոր (2002): ՀՀ ռազմաբժշկական ակադեմիայի նախագահ (2000): Հայկական բանակի կենտրոնական կլինիկայի հոսպիտալի հիմնադիրներից է։

Մարատ Հավհաննիսյանը ծնվել է 1945 թվականի սեպտեմբերի 21-ին, Գեղարքունիքի մարզի Նոր Բայազետ (այժմ՝ Գավառ) քաղաքում։ 1969 թվականին ավարտել է Մոսկվայի 1-ին բժշկական ինստիտուտը։ 1969-1976 թվականներին աշխատել է ԽՍՀՄ բժշկական գիտությունների ակադեմիայի փորձարարական և կլինիկական վիրաբուժության ինստիտուտում, 1976-1990 թվականներին՝ Երևանի բժշկական ինստիտուտում։ 1990-1999 թվականներին՝ հայկական բժշկական ինստիտուտի ընդհանուր վիրաբուժության ամբիոնի վարիչ։ 1999-2002 թվականներին եղել է Երևանի պետական բժշկական համալսարանի ռազմադաշտային վիրաբուժության ամբիոնի վարիչ։ 2000 թվականին եղել է ՀՀ ռազմաբժշկական ակադեմիայի նախագահ, 2002 թվականից՝ Ազատամարտի վետերանների միության փոխնախագահ^[2]։

Աշխատանքները վերաբերում են կերակրափողի սպիական նեղացումների պահպանողական բուժման և ռազմադաշտային վիրաբուժության խնդիրներին։

Ղարաբաղյան ազատագրական պատերազմի առաջին օրերից մասնակցել է վիրավորների բուժման աշխատանքներին։ Հեղինակ է «Ռազմադաշտային վիրաբուժություն» (2000) ուսումնական ձեռնարկի։

• Էկոլոգիայի միջազգային ակադեմիայի անդամ (1994):
• Ազատամարտի վետերանների միության փոխնախագահ (2002 թվականից)։

• Մխիթար Հերացու մեդալ (2000):
• «Մարշալ Բաղրամյան-100» մեդալ (2004):
• «Զորավար Անդրանիկ» մեդալ (2005):

• Клинические основы применения низкочастотного ультразвука в профилактике послеоперационных нагноений, лечении перитонита и гнойных ран, автореферат дис. ... д-ра мед. наук, 14.00.27 / М. А. Оганесян, М-во здравоохранения РСФСР, Перм. гос. мед. ин-т. - Пермь, 1988.
• Рубцовые сужения пищевода и его анастомозов и их консервативное лечение. М. А. Оганесян, Ереван, Айастан, 1989.^[3]
• Հովհաննիսյան Մ. Հ., Ռազմադաշտային վիրաբուժություն, ուսումնական ձեռնարկ, 2000^[4]։

Բառարաններ և հանրագիտարաններ Հայազգ