Օնիքս
 | |
|---|---|
 Պոկեմոնների ցանկ Գենգար → Օնիքս (#095) → Դրոուզի | |
| Անգլերեն անուն | Onix |
| Ճապոներեն անուն | イワーク |
| Տեսակ |   |
| Տեսք | քարե անձրևաորդ |
| Հասակ | 8,8 մ |
| Քաշ | 210 կգ |
| Պոկեմարզիչ | Բրուք Բրուն |
| Նախորդ զարգացում |  Սթլիքս |
| Հաջորդ զարգացում | չկա |
Օնիքս (ճապ.՝ イワーク, անգլ.՝ Onix), թույն տեսակի պոկեմոն։ Պոկեմոն ապրանքանիշի՝ մանգայի և անիմե սերիաների կերպար։
Օնիքսի համարը պոկեմոնների ցանկում՝ #095[1]: Համարվում է Սթիլիքսի զարգացման առաջին մակարդակը։ Հասակը կազմում է 880 սմ, իսկ քաշը՝ 210 կգ[1]։
Ըստ Պոկեմոն անիմեի՝ Օնիքսի հիմնական պոկեմարզիչը համարվում է Բրուքը՝ Էշի ընկերը[2][3]։
Հազվադեպ հանդիպում է նաև Օնիքսի ադամանդե տեսակը։
Նկարագրություն և հատկություններ
[խմբագրել | խմբագրել կոդը]Օնիքսը հող և քար տեսակի պոկեմոն է[1]։ Զարգացման երկրորդ ձևը Սթիլիքսն է։ Օնիքսից Սթիլիքս հատկությունները կտրուկ փոխվում են։ Սթիլիքսի մոտ հող հատկությունները ուժեղանում են, իսկ քար պոկեմոնին բնորոշ հատկանիշները փոխարինվում են պողպատով։
Օնիքսը քարե անձրևաորդ է։ Պոկեմոնների պաշտոնական ցանկում նախորդում է Դրոուզիին և հաջորդում Գենգարին։ Ըստ պոկեդեքսի՝ Օնիքսի գլխում կա մագնիս, որը ստիպում է պոկեմոնին երբև չկորցնել սթափ մտածելու կարողությունը։ Տարիքի աճելու հետ մեկտեղ նրա մարմինը դառնում է ավելի հզոր և հարթ։ Կարողանում է հեշտությամբ սողոսկել գետնի տակ[1]։
Օնիքսի արտաքին տեսքը հիշեցնում է մեծ քարե շղթայի, որը դեպի ներքև գնալով փոքրանում է։ Այս պոկեմոնը ունի քարքարոտ ողնաշար, իսկ ուղեղին փոխարինում է մագնիտիկ մարմին, որը Օնիքիս մոտ ծառայում է, որպես «ներքին կողմնացույց»։ Նրա մարմնի մեջ ներծծվում են շատ ծանր առարկաներ՝ դարձնելով վերջինիս մարմինը չափազանց կոշտ և ծանր։
Օնիքսը կարող է խորանալ գետնի տակ մինչև 50 մղոն (80 կմ)՝ 1 ժամվա ընթացքում։ Մարտերի ընթացքում բազմիցս բղավում է՝ արձակելով չափազանց հզոր ձայն, որը ստիպում է հակառակորդ պոկեմոնին լքել մենամարտի դաշտը։ Օնիքսը սիրում է ուտել մեծ քարեր և ժայռի կտորներ։ Այս պոկեմոնը նույնիսկ ընդունակ է պտտել գլուխը և մարմնի բոլոր մասերը լիարժեք 360 աստիճանով։ Նա նաև շատ ագրեսիվ է և կարող է կամայական ժամանակ հարձակվել մարդկանց վրա։ Ապրում է լեռներում և քարայրներում, սակայն գերադասում է բնակվել ստորգետնյա թունելներում՝ քիչ լույսի ներքո։
Հանդիպում է երկու տարբեր սեռերով (արական, իգական)[3]։ Հիմնական կարողությունները երկուսն են։ Երկրորդ կարողության գլխավոր առանձնահատկությունը այն է, որ պոկեմոնը չի կարող պարտվել ցանկացած պոկեմոնի առաջին հարվածից[1]։
Արագությունը և պաշտպանությունը վիճակագրության մեջ գտանահատվում է գերազանց։
Պոկեմոնի վրա առավել հզոր ազդեցություն ունեն բուսական, ջուր, մարտական, հող, սառույց և պողպատ տեսակի պոկեմոնները[1][3]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 Օնիքս պոկեմոնի մասին պոկեդեքսում, պոկեմոնի ընդհանուր նկարագիր, զարգացումներ
- ↑ Օնիքս պոկեմոնի մասին բուլբապեդիայում, պոկեմոնի ընդհանուր հատկություններ և նկարագիր, զարգացումներ
- ↑ 3,0 3,1 3,2 #095 Օնիքս, պոկեմոնների ընդհանուր վիճակագրություն, ազդեցություններ և հատկություններ
Գրականություն
[խմբագրել | խմբագրել կոդը]- Պոկեմոններ, Պոկեմոն պլատինիում. պոկեմոնների պաշտոնական խաղ-ուղեցույց, պրիմա խաղեր, 2009, էջ 399, ISBN 978-0-7615-6208-5.
Արտաքին հղումներ
[խմբագրել | խմբագրել կոդը]- Էշը ընդդեմ Բրուքի. Պիկաչուն ընդդեմ Օնիքիս, Գեոդուդը ընդդեմ Պիջոտոյի
- Հատված անիմեից. Ի՞նչ է ադամանդե Օնիքսը
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
