Օլդ Թրաֆորդ
![]() | |
Տեսակ | ֆուտբոլային մարզադաշտ |
Մարզաձև | ֆուտբոլ |
Ամբողջական անվանում | ![]() |
Տեղագրություն | Թրաֆորդ[1], Մանչեսթեր և Անգլիա |
Երկիր | ![]() |
Կառուցված | 1909 |
Բացված | 1910 փետրվարի 19 |
Կառուցման գին | £90 000 (1909) |
Ճարտարապետ | Արչիբալդ Լեյտչ |
Սեփականատեր | Մանչեսթեր Յունայթեդ |
Գործաղեկավար | Մանչեսթեր Յունայթեդ |
Տարողություն | 75 731 |
Տնային թիմ | Մանչեսթեր Յունայթեդ |
Դաշտի չափսեր | 105 x 68 [մ |
Ծածկույթի տեսակը | գազոն |
Կայք | manutd.com/en/visit-old-trafford(անգլ.) |
![]() | |
![]() | |
![]() |
Օլդ Թրաֆորդ (անգլ.՝ Old Trafford), հայտնի նաև որպես Երազանքների թատրոն (անգլ.՝ Theatre of Dreams), ֆուտբոլային մարզադաշտ անգլիական Մանչեսթեր քաղաքում, «Մանչեսթեր Յունայթեդ» ֆուտբոլային ակումբի տնային մարզադաշտը։ Այս պահին մարզադաշտը տեղավորում է 75 765 հանդիսատես և համարվում է մարդկանց տարողությամբ երկրորդ ֆուտբոլային մարզադաշտը Անգլիայում «Ուեմբլի»-ից հետո, նաև անգլիական 2 մարզադաշտերից մեկը (այդ թվում է կրկին «Ուեմբլին»), որ ՈՒԵՖԱ-ի էլիտար ռեյտինգով արժանացել է 5 աստղի։
Մարզադաշտը գտնվում է կրիկետի «Օլդ Թրաֆորդ» մարզադաշտից մոտավորապես 800 մետր հեռավորության վրա և Մանչեստրի վերգետնյա մետրոյից ոչ հեռու։
«Օլդ Թրաֆորդ»-ը 1910 թվականից հանդիսանում է տնային մարզադաշտ «Մանչեսթեր Յունայթեդ» ֆուտբոլային ակումբի համար (բացառությամբ 1941-1949 թվականներին ընկած ժամանակաշրջանը, երբ մարզադաշտը փլուզվել էր Երկրորդ համաշխարհային պատերազմի ռմբակոծությունների պատճառով՝ այդ ժամանակահատվածում ակումբը խաղում էր «Մեյդ Ռոուդ»-ում՝ «Մանչեսթեր Սիթի» մարզադաշտում)։ Մարզադաշտն ակտիվ ընդլայնվեց 1990-2000 թվականներին։ Առավել հայտնի է հյուսիսային, արևելյան և արևմտյան ամբիոնների շինարարական փուլը, որը մեծացրեց մարզադաշտի չափսերը մինչև 80 հազար մետր։ Մարզադաշտի ռեկորդային այցելումներ գրանցվեց 1939 թվականին, երբ 76 962 դիտորդներ հետևում էին Անգլիայի ֆուտբոլի գավաթի խաղին «Վուլվերհեմպտոն Ուոնդերերս» և «Գրիմսբի Թաուն» ֆուտբոլային ակումբների միջև[2]։
«Օլդ Թրաֆորդ»-ը հաճախ օգտագործվում էր որպես չեզոք դաշտ՝ Անգլիայի ֆուտբոլի գավաթի կիսաեզրափակչի խաղերի անցկացման համար, ինչպես նաև այստեղ անց են կացվել Անգլիայի հավաքականի մի քանի խաղեր «Ուեմբլի» մարզադաշտի կառուցման ժամանակ։ Մարզադաշտում անց են կացվել 1996 թվականի Եվրոպայի առաջնության, 1996 թվականի Եվրոպայի չեմպիոնների լիգայի, ինչպես նաև 2003 թվականի Չեմպիոնների Լիգայի խաղեր։ Բացի ֆուտբոլային նպատակներով օգտագործելը, «Օլդ Թրաֆորդ»-ում անց են կացվել ռեգբիի Սուպերլիգայի մեծ եզրափակչի փուլը և 2000 թվականի Աշխարհի գավաթի եզրափակչի խաղերը։
Ռեկորդներ
[խմբագրել | խմբագրել կոդը]Հաճախելիության ներկայիս ռեկորդը «Օլդ Թրաֆորդը» հաստատել է 1939 թվականի մարտի 25-ին՝ Ֆուտբոլի Անգլիայի գավաթի կիսաեզրափակիչ հանդիպման ժամանակ, որը տեղի է ունեցել «Վուլվերհեմպտոն Ուոնդերերսի» և «Գրիմսբի Թաունի» միջև և կազմել է 76 962 մարդ[2]։ Սակայն այդ ռեկորդը եղել է մինչև մարզադաշտի ամբողջությամբ նստելի դառնալը, ինչը թույլ է տվել ավելի շատ հանդիսատես տեղավորել։ Որպես ամբողջովին նստելի մարզադաշտ «Օլդ Թրաֆորդի» ռեկորդը հաստատվել է 2007 թվականի մարտի 31-ին Պրեմիեր Լիգայի ընթացքում «Մանչեսթեր Յունայթեդի» և «Բլաքբըրն Ռովերսի» միջև խաղում և կազմել է 76 098 մարդ[2]։ Այս նվաճումը նաև Պրեմիեր Լիգայի խաղի համար հաճախելիության ռեկորդ է[3]։
«Օլդ Թրաֆորդի» հաճախելիության ռեկորդը ընկերական խաղերի համար կազմում է 73 738 մարդ և տեղի է ունեցել 2007 թվականի օգոստոսի 1-ին «Մանչեսթեր Յունայթեդի» և իտալական «Ինտերնացիոնալե» ակումբների միջև նախամրցաշրջանային խաղում[4]։
Ամենացածր հաճախելիության ռեկորդը «Օլդ Թրաֆորդում» եղել է մարզադաշտի հետպատերազմյան պատմության շրջանում և կազմել է 11 968 հանդիսատես, 1950 թվականի ապրիլի 29-ին «Յունայթեդի» և «Ֆուլհեմի» միջև խաղում, որտեղ տանտերերը հաղթել են 3։0 հաշվով[5]։ 1921 թվականի մայիսի 7-ին մարզադաշտում ընթացել է խաղ Երկրորդ դիվիզիոնի ակումբներ «Սթոքպորտ Քաունթիի» և «Լեսթեր Սիթիի» միջև, որն ըստ պաշտոնական տվյալների՝ այցելել են միայն 13 մարդ։ Այդ թիվը կարող է ապակողմնորոշիչ լինել, քանի որ մարզադաշտում ներկա են եղել ավելի քան 20 000 մարդ, որոնք մնացել են խաղին նախորդ՝ «Մանչեսթեր Յունայթեդի» և «Դերբի Կաունտիի» միջև հանդիպումից, որն ավարտվել է փոքր-ինչ շուտ[6]։
«Օլդ Թրաֆորդի» միջխաղային ամենաբարձր հաճախելիությունը մրցաշրջանում կազմել է 75 826 մարդ և եղել է 2006/07 մրցաշրջանում[7]։ Հաջորդ՝ 2007/08 մրցաշրջանում եղել է մարզադաշտ ամենամեծ գումարային հաճախելիության ռեկորդը՝ 2 187 408 մարդ, որոնք հետևել են «Յունայթեդի» հաղթարշվային Պրեմիեր Լիգայում, ՈՒԵՖԱ Չեմպիոնների Լիգայում և ակումբի առաջխաղացմանը Ֆուտբոլի Անգլիայի գավաթի ընթացքում[8]։ «Օլդ Թրաֆորդի» միջխաղային ամենացածր հաճախելիությունը եղել է 1930/31 մրցաշրջանում և կազմել է 11 685 մարդ[9]։
Մշակույթում
[խմբագրել | խմբագրել կոդը]«Օլդ Թրաֆորդը» հիշատակվում է մի շարք երգերում, որոնք կատարում են «Մանչեսթեր Յունայթեդի» երկրպագուները[10].
- Come On You Reds
- I’m a Stretford Ender
- My Old Man
- Roy Keane Is Magic
- Stretford Enders
- The Boys from Old Trafford
- They Came to Old Trafford That October Night
- United Road (Take Me Home)
Ծանոթագրություններ
[խմբագրել | խմբագրել կոդը]- ↑ 1,0 1,1 archINFORM (գերմ.) — 1994.
- ↑ 2,0 2,1 2,2 Morgan, Steve (March 2010). McLeish, Ian. ed. "Design for life". Inside United (Haymarket Network) (212): 44–48. ISSN 1749-6497.
- ↑ Nick Coppack (2007 թ․ մարտի 31). «Report: United 4 Blackburn 1» (անգլերեն). ManUtd.com. Արխիվացված է օրիգինալից 2013 թ․ հունիսի 9-ին. Վերցված է 2011 թ․ ապրիլի 11-ին.
- ↑ Steve Bartram (2007 թ․ օգոստոսի 1). «Report: United 2 Inter 3» (անգլերեն). ManUtd.com. Արխիվացված է օրիգինալից 2013 թ․ հունիսի 9-ին. Վերցված է 2011 թ․ ապրիլի 11-ին.
- ↑ «Season 1949/50» (անգլերեն). StretfordEnd.co.uk. Արխիվացված օրիգինալից 2013 թ․ հունիսի 9-ին. Վերցված է 2008 թ․ նոյեմբերի 1-ին.
- ↑ Justyn Barnes, Adam Bostock, Cliff Butler, Jim Ferguson, David Meek, Andy Mitten, Sam Pilger, Frank Taylor OBE & Tom Tyrell. The Official Manchester United Illustrated Encyclopedia. Manchester United Books. London, 2001. Pp.44–47, 52. ISBN 0-233-99964-7.
- ↑ «Season 2006/07. Season Summary» (անգլերեն). StretfordEnd.co.uk. Արխիվացված օրիգինալից 2012 թ․ նոյեմբերի 5-ին. Վերցված է 2008 թ․ նոյեմբերի 1-ին.
- ↑ «Season 2007/08. Season Summary» (անգլերեն). StretfordEnd.co.uk. Արխիվացված օրիգինալից 2013 թ․ հունիսի 9-ին. Վերցված է 2008 թ․ նոյեմբերի 1-ին.
- ↑ Gary James. Manchester – A Football History. James Ward. Halifax, 2008. P. 154. ISBN 978-0-9558127-0-5.
- ↑ «MUFC football chants & songs» (անգլերեն). FanChants.com. Արխիվացված օրիգինալից 2013 թ․ հունիսի 9-ին. Վերցված է 2011 թ․ ապրիլի 11-ին.
Արտաքին հղումներ
[խմբագրել | խմբագրել կոդը]- «Օլդ Թրաֆորդը» «Մանչեսթեր Յունայթեդի» պաշտոնական կայքում (անգլ.)
- Մարզադաշտի նախագիծը տոմսերի արժեքներով «Մանչեսթեր Յունայթեդի» պաշտոնական կայքում (անգլ.)
- «Օլդ Թրաֆորդը» The Stadium Guide կայքում (անգլ.)
- «Օլդ Թրաֆորդը» WorldStadia.com կայքում (անգլ.)
![]() | Վիքիպահեստն ունի նյութեր, որոնք վերաբերում են «Օլդ Թրաֆորդ» հոդվածին։ |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.