Եթե կարծում ես, որ պատրաստ ես պահպանել փոփոխությունները, նախևառաջ, պետք է կատարես մի քանի քայլեր։

Դու կարող ես նախադիտել քո փոփոխությունները՝ պարզելու, թե քո խմբագրումները համապատասխանում են արդյոք նախապես ծրագրված տարբերակին։ Պարզապես պետք է սեղմել «Նախադիտել» կոճակը։ Մենք բոլորս անում ենք սխալներ, ուստի վերջինս օգնում է քեզ վերացնել թերությունները, մինչ խմբագրման պահպանումը։

«Խմբագրման ամփոփման» դաշտում խմբագրման կարճ ամփոփումը օգնում է այլ խմբագիրներին հասկանալ, թե ինչ փոփոխություններ ես կատարել դու։ Նորմալ է, եթե քո բացատրությունը լինի շատ հակիրճ։ Օրինակ, եթե կատարել ես ուղղագրական սխալի ճշգրտում, ապա, ուղղակի, կարող ես գրել "վրիպակ"։

Եթե կատարել ես չնչին խմբագրում, ինչպես օրինակ, ուղղագրական կամ քերականական սխալի ճշգրտումը, ապա կարող ես"☑ դնել «Սա չնչին խմբագրում է» դաշտում։

Դու կարող ես նաև հոդվածներն ավելացնել քո հսկացանկում, որպեսզի տեղեկացված լինես տվյալ հոդվածում հետագա փոփոխությունների վերաբերյալ։ Հոդվածը հսկացանկում ավելացնելու համար "☑ դի՛ր «Հսկել այս էջը» դաշտում:

Ավարտե՞լ ես խմբագրման ամփոփումը։ Նախադիտե՞լ ես էջը։ Եթե այո՛, ապա դու արդեն պատրաստ ես կատարել վերջին քայլը։ Սեղմի՛ր «Պահպանել» կոճակը և քո փոփոխություններն անմիջապես կհրապարակվեն Վիքիպեդիայի տվյալ էջում։