Քաղաքացիներ (հուշարձան)
 | |
|---|---|
 «Քաղաքացիներ։ Զրույց» հուշարձանը | |
 | |
 | |
| Տեսակ | հուշարձան |
| Ստեղծում | 2008 |
| Երկիր |  Ռուսաստան |
| Բնակավայր | Եկատերինբուրգ |
| Շինության ձև | Արձանախումբ |
| Ներկա վիճակ | Կանգուն |
«Քաղաքացիներ։ Զրույց» (ռուս.՝ «Горожане. Разговор»), հուշարձան Ռուսաստանի Դաշնության Եկատերինբուրգ քաղաքում, որը նվիրված է ուրալցի երեք նկարիչ ընկերներին՝ Վիտալի Վոլովիչին (ծնված 1928 թվականին), Միշա Բրուսիլովսկուն (1931-2016) և Գերման Մետելյովին (1938-2006)։ Տեղադրված է Լենինի պողոտայի և Միչուրինի փողոցի անկյունում գտնվող պուրակում։
Բացվել է 2008 թվականի օգոստոսի 18-ին։ Հեղինակն է Անդրեյ Անտոնովը[1]։
Նկարագրություն
[խմբագրել | խմբագրել կոդը]Լենինի պողոտայի և Միչուրինի փողոցի անկյունում տեղադրված պուրակում կանգնած այս արձանախումբը պատկերում է ուրալցի երեք հայտնի նկարիչներ, երեք ընկերներ Վիտալի Վոլովիչին, Միշա Բրուսիլովսկուն և Գերման Մետելյովին, որոնք աշխույժ զրույց են վարում հենց փողոցի մեջտեղում[1][2]։
Պատկերաքանդակները ձուլված են բրոնզից, ընդ որում՝ քանդակները զգալիորեն խոշոր են նախատիպերից[2]։
Վիտալի Վոլովիչի քանդակի հասակը 2,4 մետր է, Գերման Մետելյովինը՝ 2,15 մ, իսկ Միշա Բրուսիլովսկունը՝ երկու մետրից քիչ պակաս[1][2]։
Բացում
[խմբագրել | խմբագրել կոդը]«Քանդակագործական հորինվածքը նվիրված է մեր մեծանուն հայրենակիցներին՝ Միշա Բրուսիլովսկուն, Վիտալի Վոլովիչին և Գերման Մետելյովին։ Նրանք ոչ միայն մեր քաղաքի, այլև ողջ Ռուսաստանի այցեքարտն են»,- բացման արարողության ժամանակ նշել է Սվերդլովսկի նահանգապետի վարչակազմի ղեկավար Ալեքսանդր Լևինը[2]։
«Քանդակը կոչվում է «Քաղաքացիներ։ Զրույց»։ Երեք գործող անձանցից յուրաքանչյուրն ունի իր բնավորությունը, և տարբերվում է ինչպես արտաքնապես, այնպես էլ ներքին վիճակով։ Սա ըստ պլաստիկայի շատ հետաքրքական քանդակ է, և այն արժանի է զարդարելու քաղաքը»,- ասել է Վիտալի Վոլովիչը[2]։
Միշա Բրուսիլովսկին իր հերթին նշել է, որ արձանախումբը գտնվում է իր տան մոտ։ «Ես երբեք չեմ մտածել, որ նման բան կարող էր մեզ հետ պատահել։ Պետք է ասել, որ տարօրինակ զգացում ունեմ. կյանքի շրջանի ավարտի զգացում։ Դա տարօրինակ է, երբ ողջ մարդը կարող է տեսնել իրեն՝ բրոնզաձույլ»,- ասել է Միշա Բրուսիլովսկին[2]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Памятник «Горожане. Разговор»».
- ↑ 2,0 2,1 2,2 2,3 2,4 2,5 «Фотоотчет «Горожане»».
((cite web)): Check|url=value (օգնություն)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
