Փերիա
Փերիան (պարսկերեն՝ فریدن, կարդ․՝ Ֆերեյդան, վրացերեն՝ ფერეიდანი, կարդ․՝ Փերեյդանի) Իրանի Սպահան նահանգում գտնվող գավառ է, որը Շահ Աբբասի գաղթից հետո մինչ քսաներորդ դար Պարսկաստանի ամենահայաբնակ գավառն է եղել։ Գավառում և շրջակայքում ապրել են նաև պարսիկներ, լոռեր, թրքեր, Շահ Աբբասի գաղթեցրած վրացիներ, և այլք։
Փերիա գավառը գտնվում է Սպահան քաղաքից 150 կմ արևմուտք, ծովի մակերևույթից 2200 մ միջին բարձրության վրա։ Արևելքից սահմանակից է Քեարվանդ գավառին, արևմուտքից՝ Բուրվարի, հյուսիսից՝ Խոնսար և Գոլփայգան, իսկ հարավից՝ Չարմահալ գավառներին։ Ունեցել է 57 հայաբնակ գյուղեր, որոնցից մինչև 1946 թվականը կանգուն էին 24-ը։ Այդ գյուղերից են ՝ Ադիգան, Ազնավուլ, Բժկերտ, Բոլորան, Դաջան, Դրախտակ, Խոյգան Վերին և այլն։ Փերիայից 1946 թվականին ամբողջությամբ Հայաստան են ներգաղթել վեց գյուղեր։ 1967 թվականին հայաբնակ էին 17 գյուղեր։ Ներկայումս ամբողջությամբ հայաբնակ է միայն Բոլորանը։ 1967 թ. տվյալներով բնակչության քանակը ըստ գյուղերի՝
- Բոլորան - 970
- Դաջան - 57
- Դրախտակ - 15
- Վերին Խոյգան - 1162
- Խունգ - 585
- Հադան - 470
- Հազարջրիբ - 990
- Ղալամելիք - 134
- Ղարղուն - 840
- Միլակերտ - 760
- Նամակերտ - 980
- Շահբուլաղ - 210
- Շուրիշկան - 750
- Չիգան - 250
- Սանգիբարան - 1170
- Սնկերտ - 345
- Սվարան - 600
ընդամենը՝ 1530 տուն, 10.288 շունչ։
Տես նաև
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Փերիա կատեգորիայում։ |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
